photo_2023-09-28_14-39-18

XALQARO HAMKORLIK: QOʻMITA VA YEVROOSIYO IQTISODIY KOMISSIYASI

Joriy yilning 28-29 sentabr kunlari Rossiya Federatsiyasi poytaxti Moskva shahrida O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi va Yevroosiyo iqtisodiy komissiyasining monopoliyaga qarshi tartibga solish bloki vakillari bilan uchrashuv boʻlib oʻtdi.

Tadbirdan koʻzlangan asosiy maqsad Oʻzbekiston Respublikasi va Yevroosiyo iqtisodiy komissiyasi oʻtkazayotgan tadqiqotlar, jumladan, raqamli bozorlar boʻyicha tajriba almashishdan iborat edi.

Yig‘ilishda qo‘mita raisi o‘rinbosari Farrux Karabayev O‘zbekiston Respublikasining raqobat to‘g‘risidagi qonunchiligiga kiritilgan o‘zgartirishlar, O‘zbekiston Respublikasida Raqamli transformatsiya va autsorsing markazi (“FAIR TECH” axborot tizimi) tashkil etish to‘g‘risida ma’lumot berib, taqdimot qildi.

Shuningdek, tomonlar O‘zbekiston Respublikasida dori vositalarining referent narxlari ustidan nazoratni ta’minlash va Yevroosiyo iqtisodiy ittifoqida narxlarni tartibga solish bo‘yicha tajriba almashdilar.

Uchrashuv yakunida tomonlar Memorandum doirasidagi hamkorlikni yanada rivojlantirish istiqbollarini muhokama qildilar.

3

Xalqaro hamkorlik

 Raqobatni rivojlantirish va iste’molchilar huquqlarini himoya qilish qo‘mitasi rahbariyati boshchiligidagi delegatsiya Koreya Respublikasi poytaxti Seul shahrida bo‘lib o‘tayotgan Janubiy-Sharqiy Osiyo davlatlari Assotsiatsiyasi/MDH davlatlari raqobat organlari/Koreya Respublikasi Adolatli savdo komissiyasining 1-Sammiti hamda 12-Seul Xalqaro raqobat Forumida ishtirok etmoqda.

Ushbu nufuzli xalqaro tadbir doirasida, bugun, 2023-yil 7-sentyabr kuni Raqobatni rivojlantirish va iste’molchilar huquqlarini himoya qilish qo‘mitasi hamda Koreya Respublikasi Adolatli savdo komissiyasi (KFTC) mutasaddilari o‘rtasida rahbariyat darajasidagi uchrashuv bo‘lib o‘tdi.

Uchrashuvda, jumladan, ikki idora o‘rtasida raqobatni rivojlantirish va iste’molchilar huquqlarini himoya qilish sohasida o‘zaro anglashuv hamda hamkorlik to‘g‘risidagi Memorandumni imzolashga kelishildi.

Mazkur memorandum doirasida o‘rganilgan xorijiy amaliyotlarni Qo‘mita faoliyatida tizimli joriy etish yuzasidan tegishli tadbirlar o‘tkazish, olingan bilim va ko‘nikmalar asosida Qo‘mita xodimlari salohiyatini oshirishga qaratilgan o‘quv-seminar treninglar tashkil etish, milliy iqtisodiyotning raqobat bazasini yanada yaxshilanishiga qaratilgan Koreya Respublikasining monopoliyaga qarshi kurashish, raqobat muhitini tartibga solish va rivojlantirish, iste’molchilar huquqlarini himoya qilish sohalaridagi ilg‘or tajribasini o‘rganish, istiqboldagi hamkorlikni yo‘lga qo‘yish bo‘yicha loyihalarni amalga oshirish imkoniyati ko‘rib chiqildi.

Shuningdek, uchrashuv doirasida yangi tahrirdagi “Raqobat to‘g‘risida”gi O‘zbekiston Respublikasi Qonunining mazmun-mohiyati, unga kiritilgan muhim yangiliklar muhokama qilindi.

Bundan tashqari, raqamli bozorda raqobat qonunlarini tartibga solish
(ex ante/ex post tartibga solish), zamonaviy iqtisodiyotda qo‘shib yuborish bo‘yicha kelishuvlarni samarali ko‘rib chiqish, raqamli platformalarni tartibga solish, raqamli bozorlarda raqobat to‘g‘risidagi qonunchilikka amal qilinishini ta’minlash, davlat xaridlari sohasidagi raqobatni qo‘llab-quvvatlash,  iste’molchilar huquqlarini himoya qilish hamda reklama bozorini tartibga solish yo‘nalishlarida tajriba almashish yuzasidan muzokaralar bo‘lib o‘tdi.

1

Germaniya Xalqaro hamkorlik jamiyati (GIZ) vakillari bilan uchrashuv bo‘lib o‘tdi

Joriy yilning 29-avgust sanasida Germaniya Xalqaro hamkorlik jamiyati barqaror rivojlanish bo‘yicha loyiha rahbari Beate Shoreit boshchiligidagi vakillar bilan Raqobatni rivojlantirish va iste’molchilar huquqlarini himoya qilish qo‘mitasi mutasaddilari o‘rtasida uchrashuv bo‘lib o‘tdi.

Mazkur uchrashuvda “Raqobat to‘g‘risida”gi yangi qonun va istiqboldagi hamkorlikni yo‘lga qo‘yish bo‘yicha loyihalar muhokama qilindi.

photo_2023-06-20_08-49-14

XALQARO HAMKORLIK

Qo‘mitaning Jamoatchilik bilan aloqalarni tashkil etish xizmati xodimlari Qozon shahridagi Xalqaro miqyosdagi o‘quv kursida ishtirok etishmoqda.Ushbu o‘quv kursi 19-20 iyun kunlari Rossiya Federal monopoliyaga qarshi kurashish xizmatining O‘quv-uslubiy markazida bo‘lib o‘tadi.

Ushbu o‘quv dasturida ko‘plab davlatlarning Monopoliyaga qarshi organlarining Axborot xizmati xodimlari ishtirok etmoqda.O‘quv kursida jamoatchilik bilan aloqalarini tashkil etish, OAVlar bilan yangi formatda ishlash, axborot xizmatlarini sifatli va zamonaviy foto, video materiallar bilan ta’minlash va boshqa ko‘plab sohalarda ishlashning asoslari bo‘yicha o‘quv dasturlarni professor o‘qituvchilar va sohaning tegishli mutaxassislari olib borishmoqda.

photo_2023-06-08_11-11-56

QO’MITA RAHBARIYATI “GERMAN SPARKASSENSTIFTUNG” MUTASADDILARI BILAN UCHRASHUV O’TKAZDI

 

Raqobatni rivojlantirish va iste’molchilar huquqlarini himoya qilish qo‘mitasi raisi Sh.Sharaxmetov boshchiligidagi mutasaddilar xalqaro hamkorlik bo‘yicha “German Sparkassenstiftung” vakillari bilan muzokaralar o’tkazishdi.

O’tkazilgan muzokaralar doirasida hamkorlikda amalga oshirilgan ishlar, tomonlar o‘rtasida yangi Memorandumni imzolash bo‘yicha hamkorlik qilish va hamkorlikning istiqboldagi rejalari muhokama qilindi.

IMG_8250

XALQARO HAMKORLIK

 

Raqobatni rivojlantirish va iste’molchilar huquqlarini himoya qilish qo‘mitasining vakillari Koreya xalqaro hamkorlik agentligi (KOICA) tomonidan Seul shahrida (Koreya Respublikasi) tashkil etilgan va joriy yilning 21-mayidan 3-iyun kuniga qadar davom etadigan xalqaro tajriba almashinuv dasturida ishtirok etishmoqda.

“Raqobat qonunchiligi va bozor iqtisodiyotini rivojlantirish” deb nomlangan ushbu dasturda O‘zbekiston bilan birgalikda Ozarbayjon, Qirg‘iziston va Qozog‘iston davlatlari vakillari ham qatnashmoqda.

Mazkur dasturni tashkillashtirishdan ko‘zlangan asosiy maqsad ishtirokchi davlatlarning raqobat qonunchiligi va bozor iqtisodiyotini o‘zaro tajriba almashinuvlar va samarali hamkorlik asosida yanada rivojlantirishdan iborat. Shuning bilan bir qatorda Koreya Respublikasining ilg‘or tajribasi, sohada erishilgan yutuqlari bilan  ishtirokchilarni tanishtirish va ularga Koreyaning muvaffaqiyatli tajribasini o‘z mamlakatlarida samarali joriy etishda ko‘maklashishdir.

Ushbu xalqaro dasturning dastlabki ikki kunida Qo‘mita vakillari tomonidan O‘zbekiston Respublikasining iqtisodiy yutuqlari, raqobat qonunchiligi haqida taqdimotlar tashkil etildi. Taqdimotlarda mamlakatda amalga oshirilgan ishlar, erishilgan yutuqlar va hal etilishi dolzarb bo‘lgan muammolar haqida batafsil hisobot berib o‘tildi.

Taqdimot yakunida boshqa ishtirokchi davlatlar vakillari tomonidan erishilgan yutuqlar e’tirof etildi hamda ular tomonidan Qo‘mita faoliyatida joriy etilgan yangi loyihalarga yuqori qiziqish bildirildi.

Xalqaro dastur davom etmoqda.

Qo‘mita, raqobat va iste’molchilar huquqlarini himoya qilish sohasidagi organlar, shuningdek, xalqaro tashkilotlar bilan tuzilgan Memorandumlar/Bitimlar
RO‘YXATI

 

T/r Hamkor tomon Memorandum / Bitim nomi
1 Rossiya Federatsiyasi 2022-yil 7-sentabr kuni Minsk shahrida Belarus Respublikasida monopoliyaga qarshi tartibga solishning 30-yilligiga bagʻishlangan xalqaro konferensiya doirasida Oʻzbekiston Respublikasi Monopoliyaga qarshi kurashish qoʻmitasi bilan Rossiya Federatsiyasi Monopoliyaga qarshi kurashish federal xizmati oʻrtasida raqobat siyosati sohasida oʻzaro anglashuv hamda hamkorlik toʻgʻrisida Memorandum imzolangan.

Memorandumga muvofiq quyidagi asosiy yoʻnalishlarda hamkorlik olib boriladi:

–         monopoliyaga qarshi qonun hujjatlarini buzilishlariga samarali chek qo‘yish sohasida tajriba almashish;

–         tovar bozorlarining holati, shu jumladan qonunchilik va raqobat siyosati sohasidagi huquqni qoʻllash amaliyoti toʻgʻrisidagi ma’lumotlarni almashish;

–         innovatsion ishlanmalar va axborot texnologiyalarni tatbiq etish masalalari boʻyicha tajriba almashish;

–         ikki tomonlama uchrashuvlar, konferentsiyalar va malaka oshirish tadbirlarini tashkil etish va o‘tkazish orqali turli darajadagi hamkorlikni rivojlantirish.
2 Qirg‘iziston Respublikasi Qirg‘iziston Respublikasi Prezidenti Sadir Japarovning O‘zbekiston Respublikasiga qilgan davlat tashrifi doirasida 2021-yil 11-martda Toshkent shahrida O‘zbekiston Respublikasi Monopoliyaga qarshi kurashish qo‘mitasi va Qirg‘iziston Respublikasi Iqtisodiyot va moliya vazirligi o‘rtasida raqobat siyosati sohasida hamkorlik to‘g‘risida Memorandum imzolangan.

Mazkur Memorandumga muvofiq quyidagi asosiy yoʻnalishlarda hamkorlik olib boriladi:

–         raqobat siyosatining huquqiy asoslarini takomillashtirish sohasida tajriba almashish;

–         tekshiruvlarni o‘tkazish sohasi va raqobat qonunchiligi buzilishlari to‘g‘risidagi ishlarni ko‘rib chiqishda tajriba almashish;

–         raqobatni rivojlantirish bo‘yicha memorandum ishtirokchilarining  milliy davlat hokimiyati organlarining o‘zaro harakat hamkorligi sohasida tajriba almashish;

–         tovar bozorlarida izlanishlar olib borish, shu jumladan transchegaraviy bozorlarda raqobatni rivojlanishini tahlil qilish;

–         raqobatni advokatlashtirish sohasida tajriba almashish.
3 Gruziya 2022-yil 16-17-noyabr kunlari Gruziya Raqobat milliy agentligi taklifiga binoan Qoʻmita vakillarining “Raqobat va iste’molchilar huquqlarini himoya qilish” mavzusidagi xalqaro konferensiyada ishtiroki doirasida, 2022-yil 17-noyabrda Oʻzbekiston Respublikasi Monopoliyaga qarshi kurashish qoʻmitasi bilan Gruziya Milliy raqobat agentligi oʻrtasida raqobat qonunchiligini qoʻllash sohasida oʻzaro anglashuv hamda hamkorlik toʻgʻrisida Memorandum imzolangan.

Memorandumga muvofiq quyidagi asosiy yoʻnalishlarda hamkorlik olib boriladi:

–         qonunchilikni ishlab chiqishda ma’lumotlar almashish;

–         oʻz davlatlarining raqobat qonunchiligining buzilishlariga qarshi kurashish sohasida tajriba almashish;

–         innovatsion ishlanmalar va axborot yangiliklarini oʻz faoliyatida tatbiq qilishda tajriba almashish;

–         milliy qonunchilikdagi oʻzgarishlar va keyslar boʻyicha konfidentsial boʻlmagan ma’lumotlar bilan almashish;

–         tomonlar tashkil etadigan xalqaro konferentsiyalar, simpoziumlar, seminar va boshqa tadbirlarda ishtirok etish.
4 Koreya Respublikasi 2021-yil 29-iyunda Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi va Koreya Respublikasi Koreya isteʼmolchilar agentligi oʻrtasida isteʼmolchilar huquqlarini himoya qilish sohasida anglashuv Memorandumi imzolangan.

Memorandumga muvofiq quyidagi asosiy yoʻnalishlarda hamkorlik olib boriladi:

– tomonlar tashkil etadigan, iste’molchilar huquqlari va manfaatlarini himoya qilishga qaratilgan xalqaro konferentsiyalar, simpoziumlar, seminar va boshqa tadbirlarda ishtirok etish;

–       ushbu Memorandumning samarali bajarilishini qoʻllab-quvvatlash uchun boshqa oʻzaro hamkorlik, shu jumladan uchrashuvlar va amalga oshirish holatini tekshirish uchun tashriflarni amalga oshirish;

–       xavfli mahsulotlar tarqalishining oldini olish orqali iste’molchilar xavfsizligini ta’minlash boʻyicha hamkorlik qilish;

–         tajriba almashish uchun ishtirokchilar oʻrtasida oʻzaro kadrlar va ma’lumotlar almashinuvi.
5 German Sparkassenstiftung 2021-yil 21-dekabrda Toshkent shahrida Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi xalqaro hamkorlik boʻyicha German Sparkassenstiftung oʻrtasida moliya sohasidagi isteʼmolchilar huquqlarini himoya qilish toʻgʻrisida anglashuv Memorandumi imzolangan.

Ushbu memorandum doirasida tomonlar quyidagi asosiy yoʻnalishlarda hamkorlik olib borishadi:

–         Oʻzbekiston Respublikasi moliya sektorida iste’molchilarning huquqlari va manfaatlarini himoya qilish hamda qoʻllab-quvvatlashga qaratilgan konferensiyalar, simpozium, seminar, treninglar va boshqa xalqaro tadbirlarni tashkil etish;

–         Ishtirokchilar oʻrtasida oʻzaro ma’lumotlar va tajribalar almashinuvini yoʻlga qoʻyish;

–         Uchrashuvlar tashkil etish va tashriflarni amalga oshirish.
6 Yevrosiyo iqtisodiy komissiyasi 2021-yil 30-aprelda Rossiya Federatsiyasining Qozon shahrida, Oʻzbekiston Respublikasi Hukumati bilan Yevrosiyo iqtisodiy komissiyasi oʻrtasida oʻzaro hamkorlik toʻgʻrisida Memorandum imzolangan.

Memorandum savdo siyosati, tadbirkorlikni rivojlantirish, raqobat siyosati va monopoliyaga qarshi tartibga solish, iste’molchilar huquqlarini himoya qilish, intellektual mulk kabi muhim sohalarda hamkorlik olib borishni nazarda tutadi.
7 Mustaqil davlatlar hamdo‘stligi ishtirokchi-davlatlari 2000-yil 25-yanvarda “Mustaqil davlatlar hamdo‘stligi ishtirokchi-davlatlarining iste’molchilar huquqlarini himoya qilish sohasida hamkorlik qilishning asosiy yo‘nalishlari to‘g‘risida”gi Bitim Moskva shahrida imzolangan bo‘lib, Oʻzbekiston Respublikasi Prezidentining
2020-yil 24-avgustdagi “Xalqaro shartnomalarni tasdiqlash to‘g‘risida” PQ-4813-sonli Qarori bilan tasdiqlangan hamda Oʻzbekiston Respublikasi uchun 2020-yil 21-sentabrdan kuchga kirgan. Mazkur Bitim Hamdo‘stlik ishtirokchi-davlatlarning sifatsiz tovar, ish, xizmatlardan iste’molchilarning huquqlarini himoya qilishda o‘zaro hamkorlik qilish, iste’molchilar huquqlarini himoya qilish sohasida muvofiqlashtirilgan siyosatni olib borish maqsadida tuzilgan.

 

5

Xalqaro seminar

Raqobatni rivojlantirish va iste’molchilar huquqlarini himoya qilish qo‘mitasi vakillari “Markaziy Osiyo mamlakatlarida adolatli tariflarga erishish uchun xizmatlar narxini tartibga solish” mavzusiga bagʻishlangan seminarda ishtirok etmoqda

Bugun, 2023-yil 17-may kuni Toshkent shahridagi “Radisson Blu Tashkent” mehmonxonasida “Markaziy Osiyo mamlakatlarida adolatli tariflarga erishish uchun xizmatlar narxini tartibga solish” mavzusiga bagʻishlangan seminar boʻlib o‘tmoqda.
Mazkur seminar AQSH Xalqaro taraqqiyot agentligining (USAID) “Markaziy Osiyoda energetika sohasini tartibga solish boʻyicha hamkorlik” loyihasi doirasida, Oʻzbekiston Respublikasi Energetika vazirligi hamda AQSHning Kommunal xizmatlarni tartibga solish milliy assotsiatsiyasi (NARUC) bilan hamkorlikda tashkil etilmoqda.
O‘z navbatida, xalqaro auditorlik-konsalting kompaniyasi “KPMG” ekspertlari va NARUC vakili ishtirokida olib borilayotgan ushbu seminarda Energetika vazirligi, “O‘zbekiston milliy elektr tarmoqlari” AJ, “Hududiy elektr tarmoqlari” AJ, “Issiqlik elektr stansiyalari” AJ vakillari hamda Raqobatni rivojlantirish va iste’molchilar huquqlarini himoya qilish qo‘mitasi mutasaddilari ishtirok etmoqda.
Eslatib o‘tamiz, NARUC tomonidan joriy yilning 6-9 hamda 13-16-fevral kunlari Toshkent shahridagi “Radisson Blu Tashkent” mehmonxonasida “Markaziy Osiyo mamlakatlarida energetika sohasida adolatli taʼriflarga erishish uchun xizmatlar koʻrsatish tan narxini tartibga solish” mavzusiga bagʻishlangan toʻrtta texnik modullardan iborat oʻquv kursida Qo‘mita mutasaddilari ishtirok etgan.

Boshqarma xodimlari xalqaro moliya institutlari va boshqa mamlakatlarning monopoliyaga qarshi idoralari bilan muntazam ravishda o’zaro hamkorlik qilishadi.

2020 yildan boshlab Monopoliyaga qarshi kurashish qo’mitasi Jahon bankining institutsional salohiyatini oshirish loyihasida ishtirok etmoqda. Loyiha doirasida tovar va moliya bozorlarida raqobatbardosh tahlilni o’tkazish, monopoliyaga qarshi qonunchilikni rivojlantirish metodologiyasini ishlab chiqish, o’quv seminarlarini tashkil etish va turli mamlakatlarning raqobat organlari bilan tajriba almashish choralari ko’rilmoqda.

Birlashgan Millatlar Tashkilotining Savdo va Taraqqiyot Konferentsiyasi (UNCTAD) bilan monopoliyaga qarshi tartibga solish va raqobatni rivojlantirish sohasidagi uzoq muddatli hamkorlik va Birlashgan Millatlar Tashkilotiga a’zo mamlakatlarning raqobat sohasidagi ilg’or tajribalarini tatbiq etish to’g’risida kelishuvga erishildi.

Iqtisodiy hamkorlik va rivojlanish tashkiloti (OECD) vakillari bilan hamkorlik rivojlanmoqda. Xususan, 2020 yil fevral oyida Monopoliyaga qarshi kurashish qo’mitasining vakillari Frantsiyaning Parij shahrida bo’lib o’tgan OECD Ochiq Raqobat kunida ishtirok etishdi va ularda monopoliyaga qarshi qonunlarning so’nggi tendentsiyalari muhokama qilindi.

Evropada Xavfsizlik va Hamkorlik Tashkiloti (YXHT) vakillari bilan o’zaro aloqalar muntazam ravishda olib borilmoqda. 2020 yilda korxonalarda monopoliyaga qarshi talablarni bajarish bo’yicha o’quv tadbirlarini o’tkazish rejalashtirilgan.
Qo’mita xodimlari Bryusselda O’zbekiston Respublikasi va Evropa Ittifoqi o’rtasida Kengaytirilgan sheriklik va hamkorlik to’g’risidagi bitimga (SRPS) qo’shilishi bo’yicha muzokaralarda muntazam qatnashadilar. Muzokaralar davomida Monopoliyaga qarshi kurashish qo’mitasi xodimlari ushbu Bitimga raqobat qoidalarini, ma’lumot almashish to’g’risidagi qoidalarni va monopoliyaga qarshi tartibga solish sohasidagi ilg’or tajribalarni, shuningdek, monopoliyaga qarshi amaliyotlarni hisobga olish va ularga rioya qilish zarurligini kiritish to’g’risida kelishib olish zarurligini ta’kidladilar.