Рақобатни ривожлантириш ва истеъмолчилар ҳуқуқини ҳимоя қилиш қўмитаси юридик бўлим бошлиғи Ш.Шадманкулов иштирокида Муҳаммад ал-Хоразмий номидаги Тошкент ахборот технологиялар университетида учрашув бўлиб ўтди.
Мазкур учрашув давомида “Ўзбекистон Республикасининг рақобат сиёсати” номли тақдимоти ҳамда талабаларнинг ҳуқуқий билимларини янада бойитиш мақсадида “Қомусимиз-бахтимиз” мавзусида маъруза қилиниб, Ўзбекистон Республикаси Конституциясининг янги таҳрири ҳамда унинг ижтимоий-иқтисодий жиҳатларини рақобат сиёсатига боғлиқ асослари бўйича тушунчалар берилди. Шунингдек, талабалар ҳамда профессор-ўқитувчилар томонидан мавзуга доир саволларга мутахассисдан жавоб олдилар.
