Хоразмда German Sparkassenstifung (Германия) ташкилоти томонидан Рақобат қўмитаси ва унинг ҳудудий бошқармалари ходимлари учун “Электрон тижорат ва онлайн савдонинг ўзига хос хусусиятлари, уларнинг фаолияти ва истеъмолчилар билан муносабатларидаги фарқлар, замонавий тенденциялар шунингдек, ушбу соҳаларда истеъмолчилар ҳуқуқларини ҳимоя қилишни самарали ташкил этиш йўллари” мавзуида ўқув семинари ташкил этилди.

Семинарда Қўмитанинг ҳудудий бошқармаси ходимлари ва экспертлар иштирок этди. Семинар давомида Европа Иттифоқи ва Германияда электрон тижорат ҳамда онлайн савдо амалиётлари, истеъмолчилар ҳуқуқларини ҳимоя қилиш бўйича замонавий ёндашувлар муҳокама қилинди.

Тадбирда электрон тижорат ва онлайн бозорларда истеъмолчилар манфаатларини ҳимоя қилиш учун қабул қилинган қоидалар, хориж амалиётлари ва келиб чиқадиган муаммоларни бартараф этиш механизмлари бўйича маълумотлар берилди.

Тадбир якунида қатнашчиларга сертификатлар топширилди.