Turaxujayev Halilillo Sobirjonovich 1972-yil 21-yanvarda Namangan viloyatida tavallud topgan. Ma’lumoti oliy, huquqshunos, 1-darajali adliya maslahatchisi, “Do‘stlik” ordeni sohibi.

1992-2008-yillar – O‘zbekiston Respublikasi sud tizimida turli lavozimlarda faoliyat yuritgan, xususan, Oliy sud sudyasi, Fuqarolik ishlari bo‘yicha Toshkent shahar sudining raisi (2014-2017-yy);

2008-2017-yillar – O‘zbekiston Respublikasi Prezidenti devonida turli lavozimlarda, xususan, davlat maslahatchisining o‘rinbosari, birinchi o‘rinbosari;

2017-2020-yillar – Adliya vazirligi huzuridagi Davlat xizmatlari agentligi direktori;

2020-2021-yillar – O‘zbekiston Davlat soliq qo‘mitasi raisining birinchi o‘rinbosari – Qo‘mita huzuridagi Kadastr agentligi direktori;

2021-2024-yillar – O‘zbekiston Respublikasi Oliy sudi raisining o‘rinbosari – fuqarolik ishlari bo‘yicha sudlov hay’ati raisi.

O‘zbekiston Respublikasi Prezidentining 2024-yil 21-iyundagi taqdimnomasiga asosan O‘zbekiston Respublikasi Oliy Majlisi Senati Turaxujayev Halilillo Sobirjonovichni Raqobatni rivojlantirish va iste’molchilar huquqlarini himoya qilish qo‘mitasi raisi lavozimiga sayladi.

Karabayev Farrux Esanaliyevich 1981–yilda Toshkent viloyatining Angren shahrida tug‘ilgan.

U Jahon iqtisodiyoti va diplomatiya universitetining xalqaro iqtisodiy munosabatlar mutaxassisligi bo‘yicha bakalavr va jahon iqtisodiyoti va geosiyosati mutaxassisligi bo‘yicha magistr darajasiga ega.

Farrux Karabayev institutsional innovatsiyalarni amalga oshirish, iqtisodiy taraqqiyot, samarali davlat boshqaruvi, raqobat, norma ijodkorligi, biznes va investitsiya muhitini yaxshilash kabi davlat siyosatining muhim yo‘nalishlari bo‘yicha tarkibiy o‘zgartirish va islohotlarni amalga oshirish bo‘yicha davlat idoralari va xalqaro tashkilotlarida 15 yillik tajribaga ega.

U 2008-yildan buyon monopoliyaga qarshi davlat organi, O‘zbekiston Respublikasi Prezidenti huzuridagi Loyiha boshqaruvi milliy agentligi va BMTning Taraqqiyot Dasturining loyihalarida turli rahbarlik lavozimlarida ishlagan.

2019-2023-yillarda O‘zbekiston Respublikasi Monopoliyaga qarshi qo‘mitasi raisining o‘rinbosari sifatida faoliyat yuritgan.

O‘zbekiston Respublikasi Prezidentining 2023-yil 31-yanvardagi PQ-38-sonli Qaroriga asosan O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi raisi o‘rinbosari etib tayinlangan.

Davlatov Ulug‘bek Bahodirovich 1987-yilda Buxoro viloyatida tug‘ilgan.

Ma’lumoti oliy, iqtisodchi, Toshkent davlat iqtisodiyot universitetining bakalavr va magistraturasini tamomlagan.

2005–2006-yillar — DATK “ O‘zbekiston temir yo‘llari” Bino va inshootlari xizmat ko‘rsatish Direksiyasi temir yo‘l ish qog‘ozlari omborida katta omborchi;

2006–2006-yillar — “O‘ztemiryo‘lmashta’mir “ unitar korxonasida ishlab chiqarishni avtomatik tizim bo‘limi elektr mexanigi;

2007–2010-yillar — “O‘zsanoatqurilishbank” Kogon filiali buxgalteriya hisoboti va hisobot bo‘limi yetakchi mutaxassisi, 2- toifali kichik hisobchisi;

2010–2011-yillar — Buxoro viloyat hokimligi Iqtisodiyot bosh boshqarmasi investitsiyalar, investitsiya dasturlari va uy-joy kommunal xo‘jaligi bo‘limi birinchi toifali mutaxassisi;

2011–2013-yillar — Buxoro viloyat Monopoliyadan chiqarish va raqobatni rivojlantirish hududiy boshqarmasi bosh mutaxassisi, bo‘lim boshlig‘i;

2013–2017-yillar —Buxoro viloyat Xususiylashtirish, monopoliyadan chiqarish va raqobatni rivojlantirish hududiy boshqarmasi Reklama faoliyatini nazorat qilish va iste’molchilar huquqlarini himoya etish bo‘lim boshlig‘i;

2018–2019-yillar — O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish Davlat qo‘mitasi Buxoro viloyat hududiy boshqarmasi bo‘lim boshlig‘i;

2019–2022-yillar — O‘zbekiston Respublikasi Monopoliyaga qarshi kurashish qo‘mitasi Tartibga solinadigan narxlar va tariflarni tahlil va nazorat qilish boshqarmasi bosh mutaxassisi, boshqarma boshlig‘i o‘rinbosari, boshqarma boshlig‘i;

2022–2023-yillar — O‘zbekiston Respublikasi Monopoliyaga qarshi kurashish qo‘mitasi Iste’mol bozorlarida narxlarni monitoring qilish departamenti direktori;

2023–2024-yillar — O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi Tovar-xom ashyo birjalari va iste’mol bozorlarida narxlarni nazorat qilish boshqarmasi boshlig‘i;

2024–2025-yillar — O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi Monopoliyaga qarshi tartibga solish, narxlar va tariflarni nazorat qilish boshqarmasi boshlig‘i.

O‘zbekiston Respublikasi Prezidentining 2025-yil 18-noyabrdagi tegishli Qaroriga asosan O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi raisi o‘rinbosari etib tayinlangan.

Usmonov Otabek Odilbek o‘g‘li 1994-yilda Namangan viloyatida tug‘ilgan.

Ma’lumoti bo‘yicha, yurisprudensiya, huquq magistri (Davlat boshqaruv huquqi yo‘nalishi), mamlakat va mintaqalar tarixi mutaxassisliklarini tamomlagan.

U turli tashkilotlar tizimida: maslahatchi konsultant, yuriskonsult, bosh yuriskonsult, yuridik xizmat boshlig‘i, bosh boshqarma boshlig‘i, rahbar o‘rinbosari kabi lavozimlarda faoliyat olib borgan.

Bir necha xalqaro miqyosidagi muassasalarda malaka oshirish kurslarini ( AQSH, Buyuk Britaniya, Germaniya, Rossiya, Polsha davlatlaridagi) tamomlagan.

Shuningdek, u ilmiy faoliyati davomida bugungi kunga qadar 30 ga yaqin xalqaro miqyosdagi konferensiya va jurnallarda davlat boshqaruv tizimida jamoatchilik nazoratini kuchaytirish va boshqa yo‘nalishlardagi ilmiy maqolalar muallifi.

U Qo‘mita tizimida 2021-yildan faoliyat olib bormoqda.

Jumladan,

2021-2023-yillar O‘zbekiston Respublikasi Monopoliyaga qarshi kurashish qo‘mitasining Strategik dasturlarni ishlab chiqish va eng yaxshi amaliyotlarni joriy etish, xalqaro reyting va indekslar bilan ishlash boshqarmasi boshlig‘i.

2023 – yil 31-martdan O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi raisining jamoatchilik bilan aloqalar bo‘yicha maslahatchisi lavozimida faoliyat yuritmoqda.