O‘zbekiston Respublikasi Prezidentining qarori
Mamlakatimizda barcha sohalarda amalga oshirilayotgan islohotlarda alohida faollik ko‘rsatib, o‘zining bilim va qobiliyati, intiluvchanligi, tashabbuskorligi va samarali mehnati bilan Vatanimiz taraqqiyotini yuksaltirish, Yangi O‘zbekistonning xalqaro miqyosdagi obro‘-e’tiborini yanada oshirishga katta hissa qo‘shib kelayotgan, yuksak ma’naviyatli, mustaqil fikrlaydigan, keng dunyoqarash va yuqori salohiyatga ega, xalq manfaati va yurt istiqboli uchun mas’uliyatni o‘z zimmasiga olishga qodir bo‘lgan fidoyi va mard o‘g‘lonlarimizni munosib rag‘batlantirish maqsadida:
1. O‘zbekiston Respublikasi Prezidenti huzuridagi Davlat mukofotlari va geraldika bo‘yicha komissiyaning Qoraqalpog‘iston Respublikasi, viloyatlar va Toshkent shahrining iqtidorli yigitlarini fan, ta’lim, madaniyat, adabiyot, san’at, sport, harbiy xizmat sohalari va huquqni muhofaza qilish organlaridagi faoliyatida erishgan alohida yutuqlari uchun «Mard o‘g‘lon» davlat mukofoti bilan taqdirlash to‘g‘risidagi takliflari ilovadagi ro‘yxatga muvofiq ma’qullansin.
2. «Mard o‘g‘lon» davlat mukofoti bilan taqdirlanganlarga sovrindorlik diplomlari va ko‘krak nishonlari tantanali vaziyatda topshirilsin.
3. O‘zbekiston Respublikasi Iqtisodiyot va moliya vazirligi «Mard o‘g‘lon» davlat mukofoti sovrindorlarining har biriga bazaviy hisoblash miqdorining 50 baravari miqdorida pul mukofoti berilishini ta’minlasin.
4. O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, O‘zbekiston Milliy axborot agentligi, O‘zbekiston Milliy teleradiokompaniyasi va boshqa ommaviy axborot vositalariga «Mard o‘g‘lon» davlat mukofoti sohiblarining ibratli faoliyati, ularning noyob iste’dodi va erishgan yutuqlarini keng yoritib borish tavsiya etilsin.
5. Mazkur qarorning ijrosini nazorat qilish O‘zbekiston Respublikasining Bosh vaziri A.N.Aripov va O‘zbekiston Respublikasi Prezidenti Administratsiyasi rahbari S.U.Umurzakov zimmasiga yuklansin.
O‘zbekiston Respublikasi Prezidenti Sh.Mirziyoyev
* * *
O‘zbekiston Respublikasi Prezidentining
2023-yil 29-iyundagi
PQ-199-son qaroriga ilova
«Mard o‘g‘lon» davlat mukofoti bilan taqdirlanganlar ro‘yxati
Yendirbayev Davronbek Gulman o‘g‘li – Nukus shahridagi 12-bolalar musiqa va san’at maktabining baxshichilik bo‘limi o‘qituvchisi (Qoraqalpog‘iston Respublikasi)
Mambetsharipov Yusup Raxatovich – O‘zbekiston Respublikasi Jamoat xavfsizligi universitetining doktoranti (Qoraqalpog‘iston Respublikasi)
Azimov Sarvarbek Qayumjon o‘g‘li – Andijon mashinasozlik institutining 1-bosqich magistranti (Andijon viloyati)
Mo‘minjonov Mirjalol Muqimjon o‘g‘li – Andijon davlat universitetining kimyo kafedrasi katta o‘qituvchisi (Andijon viloyati)
Sadulloyev Anvarbek Oybek o‘g‘li – Peshku tumanidagi 18-umumiy o‘rta ta’lim maktabining 11-sinf o‘quvchisi (Buxoro viloyati)
Sodikov Muxammadali Kaxramonovich – Buxoro shahridagi «AD Astra» o‘quv markazi rahbari (Buxoro viloyati)
Qodirov Umidjon Lapas o‘g‘li – Jizzax davlat pedagogika institutining 3-bosqich talabasi (Jizzax viloyati)
Rayimov Furqatjon Farxod o‘g‘li – Kamoliddin Behzod nomidagi Milliy rassomlik va dizayn institutining 4-bosqich talabasi (Jizzax viloyati)-
Nomurodov Olimjon Obidjon o‘g‘li – Navoiy viloyati Ichki ishlar boshqarmasining tezkor vazifalarni bajaruvchi safarbar otryadi katta mutaxassisi (Qashqadaryo viloyati)
Usmonov Maxsud Tulqin o‘g‘li – O‘zbekiston Milliy universitetining 1-bosqich magistranti (Qashqadaryo viloyati)
Ismoilov Abduqodir Dilshod o‘g‘li – Toshkent davlat iqtisodiyot universitetining 1-bosqich talabasi (Navoiy viloyati)
Xaydarov Xumoyun Masharip o‘g‘li – «Mash X Industry» mas’uliyati cheklangan jamiyati rahbari (Navoiy viloyati)
Nasriddinov Voxidjon Maxammadsoli o‘g‘li – O‘zbekiston Respublikasi Davlat xavfsizlik xizmatining Chegara qo‘shinlari harbiy xizmatchisi (Namangan viloyati)
Odashov Zayniddin Zuxriddin o‘g‘li – Chirchiq oliy tank qo‘mondonlik-muhandislik bilim yurtining guruh komandiri (Namangan viloyati)
Zakirov Ruslan Olegovich – O‘zbekiston Respublikasi Favqulodda vaziyatlar vazirligi akademiyasi huzuridagi markazning haydovchi-qutqaruvchisi (Samarqand viloyati)
Islomov Sherbek Mahmud o‘g‘li – Toshkent davlat o‘zbek tili va adabiyoti universitetining 1-bosqich talabasi (Samarqand viloyati)
Bahrillayev Bahrom Azmiddin o‘g‘li – Sardoba tumanidagi 18-umumiy o‘rta ta’lim maktabining 9-sinf o‘quvchisi (Sirdaryo viloyati)
Krasnov Anatoliy Viktorovich – Sirdaryo viloyati suv sporti turlariga ixtisoslashtirilgan sport maktabining akademik eshkak eshish bo‘yicha murabbiysi (Sirdaryo viloyati)
Tursunov Anvar Maxmadiyor o‘g‘li – O‘zbekiston Respublikasi Mudofaa vazirligining harbiy qismi guruh mutaxassisi (Surxondaryo viloyati)
Xurramov Abbos Baxramovich – Respublika «Barkamol avlod» bolalar maktabi uslubchisi (Surxondaryo viloyati)
Abdug‘aniyev Turdali Abdukayum o‘gli – O‘zbekiston Respublikasi Favqulodda vaziyatlar vazirligining Maxsus vazifalar bo‘yicha respublika qutqaruv markazi kinolog-qutqaruvchisi (Toshkent viloyati)
Yoqubov Doston Jaloliddin o‘g‘li – O‘zbekiston Respublikasi Milliy gvardiyasining Toshkent viloyati bo‘yicha boshqarmasi harbiy qismi guruh komandiri (Toshkent viloyati)
Yigitaliyev Saidasror Shavkat o‘g‘li – Alisher Navoiy nomidagi O‘zbekiston davlat akademik katta teatrining opera ijrochisi (Farg‘ona viloyati)
Melikuziyev Sarvarbek Maxmud o‘g‘li – «Toshkent irrigatsiya va qishloq xo‘jaligini mexanizatsiyalash muhandislari instituti» Milliy tadqiqot universitetining tayanch doktoranti (Farg‘ona viloyati)
Amatboyev Og‘abek Shonazar o‘g‘li – O‘zbekiston davlat jismoniy tarbiya va sport universitetining 4-bosqich talabasi (Xorazm viloyati)
Karimov Javohir Abdukarim o‘g‘li – Xiva shahridagi Ogahiy nomidagi ijod maktabining 9-sinf o‘quvchisi (Xorazm viloyati)
Maxmudov Abdullox Alisher o‘g‘li – Uchtepa tumanidagi 81-umumiy o‘rta ta’lim maktabining 10-sinf o‘quvchisi (Toshkent shahri)
Mirzaaxmedov Miraziz Mirvoxid o‘g‘li – O‘zbekiston Milliy teleradiokompaniyasining «Yoshlar» radiokanali muharririyati bosh muharriri (Toshkent shahri)
