Стратегик режалаштириш, методология ва трансформация бўлими

Бўлимнинг асосий вазифалари қуйидагилардан иборат:

– республикада рақобат муҳитини ривожлантириш, товар ва молия бозорларида адолатсиз рақобатга барҳам бериш, давлат бошқаруви органлари ва маҳаллий давлат ҳокимияти органлари томонидан хўжалик юритувчи субъектларга нисбатан ноқонуний хатти-ҳаракатларга йўл қўймаслик учун ҳуқуқий майдонни янада такомиллаштириш бўйича таклифлар ишлаб чиқишда иштирок этиш;

– соҳаларда рақобатни ривожлантириш бўйича Стратегик режалар ишлаб чиқиш ва таклифлар тайёрлаш;

– қўмитанинг таркибий бўлинмаларининг белгиланган даври учун иш режаларини тайёрлатишда кўмаклашиш;

– монополияга қарши курашишни тартибга солиш ва рақобат муҳитини ривожлантириш соҳасидаги илғор халқаро тажрибани тизимли ўрганиш ва жорий этишни амалга ошириш;

– вазирлик ва идораларни жалб этган ҳолда товар ва молия бозорларида рақобат муҳитини янада такомиллаштиришга қаратилган стратегик дастурлар, “йўл хариталари” ва бошқа дастурий ҳужжатларни ишлаб чиқиш;

– қўмитанинг ҳамда бошқармаларнинг иш режаларидан келиб чиқиб фаолият самарадорлиги муҳим кўрсаткичлари (КПИ) лойиҳасини ишлаб чиқишда иштирок этиш;

– йирик корхоналар, хизмат кўрсатиш ва бошқа соҳаларда рақобатни ривожлантириш мақсадида трансформация қилиш бўйича таклифлар ишлаб чиқишда қатнашиш;

– йил, чорак якунлари ҳамда йиғилишларда фойдаланиш учун ҳисоботларни, жадвал, тақдимот, график ва бошқаларни тайёрлаш;

– рақобат ва истеъмолчилар ҳуқуқларини ҳимоя қилиш стандартларини ишлаб чиқиш ва таклифлар тайёрлаш;

– давлат дастурларига тегишли таклифларни ишлаб чиқиш;

– рақобатни ривожлантириш “Йўл хариталарини” ишлаб чиқиш бўйича давлат органлари билан фаолиятни мувофиқлаштириш;

– қўмита таркибий бўлинмалари чораклик, ярим йиллик ва йиллик иш фаолиятлари якунларини умумлаштириш, ҳисоботлар тайёрлаш.

Бўлим ўзига юклатилган вазифаларни бажариш учун қуйидаги функцияларни амалга оширади:

рақобатни ривожлантириш ва монополистик фаолиятни чеклаш бўйича давлат органлари ва маҳаллий давлат ҳокимияти органлари фаолиятини мувофиқлаштириш;

рақобатни ривожлантириш сиёсатини янада такомиллаштириш бўйича таклифлар ишлаб чиқиш ва қўмита раҳбариятига кўриб чиқиш учун тақдим этиш;

монополияга қарши курашишни тартибга солиш ва рақобат муҳитини ривожлантириш соҳасидаги илғор халқаро тажрибани тизимли ўрганиш ва жорий этишни амалга ошириш;

вазирлик ва идораларни жалб этган ҳолда товар ва молия бозорларида рақобат муҳитини янада такомиллаштиришга қаратилган стратегик дастурлар, “йўл хариталари” ва бошқа дастурий ҳужжатларни ишлаб чиқиш;

монополияга қарши курашишни тартибга солиш ва рақобат муҳитини ривожлантириш соҳасида норматив-ҳуқуқий ҳужжатларни ишлаб чиқиш;

рақобат ҳолати ва қўмита томонидан кўрилаётган чора-тадбирлар тўғрисида таҳлилий маърузалар (ҳисоботлар) тайёрлаш;

бошқарув ваколатига кирувчи масалалар бўйича қўмитанинг ҳудудий бошқармалари фаолиятини мувофиқлаштириш;

қонун ҳужжатларига мувофиқ бошқа функцияларни амалга оширади.