Turaxujayev Halilillo Sobirjonovich 1972-yil 21-yanvarda Namangan viloyatida tavallud topgan. Ma’lumoti oliy, huquqshunos, 1-darajali adliya maslahatchisi, “Do‘stlik” ordeni sohibi.

1992-2008-yillar – O‘zbekiston Respublikasi sud tizimida turli lavozimlarda faoliyat yuritgan, xususan, Oliy sud sudyasi, Fuqarolik ishlari bo‘yicha Toshkent shahar sudining raisi (2014-2017-yy);

2008-2017-yillar – O‘zbekiston Respublikasi Prezidenti devonida turli lavozimlarda, xususan, davlat maslahatchisining o‘rinbosari, birinchi o‘rinbosar;

2017-2020-yillar – Adliya vazirligi huzuridagi Davlat xizmatlari agentligi direktori;

2020-2021-yillar – O‘zbekiston Davlat soliq qo‘mitasi raisining birinchi o‘rinbosari – Qo‘mita huzuridagi Kadastr agentligi direktori;

2021-2024-yillar – O‘zbekiston Respublikasi Oliy sudi raisining o‘rinbosari – fuqarolik ishlari bo‘yicha sudlov hay’ati raisi;

O‘zbekiston Respublikasi Prezidentining 2024-yil 21-iyundagi taqdimnomasiga asosan O‘zbekiston Respublikasi Oliy Majlisi Senati Turaxujayev Halilillo Sobirjonovichni Raqobatni rivojlantirish va iste’molchilar huquqlarini himoya qilish qo‘mitasi raisi lavozimiga sayladi.

Qayumov Asadulla Urolovich 1984–yil Surxondaryo viloyatida tug‘ilgan.

2007-yil Jahon iqtisodiyoti va diplomatiya universitetini, 2013-yil Yaponiyaning Veseda universitetining magistratura yo‘nalishini tamomlagan.

U birinchi faoliyatini 2007-yilda O‘zbekiston Respublikasining Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasida yetakchi mutaxassis lavozimidan boshlagan va bosh mutaxassis, bo‘lim boshlig‘i o‘rinbosari lavozimigacha ko‘tarilib 2010-yilga qadar faoliyat yuritgan.

2010-2011-yillarda O‘zbekiston Respublikasining Monopoliyadan chiqarish va raqobatni rivojlantirish davlat qo‘mitasida bo‘lim boshlig‘i o‘rinbosari lavozimida ishlagan.

2011-2013 yy. – Veseda universiteti (Yaponiya), Biznes boshqaruvi magistranti bo‘lgan.

2013-yildan 2017-yilgacha O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasida bo‘lim boshlig‘i, boshqarma boshlig‘i lavozimlarida ishlagan.

2017-2019-yillarda- “O‘zbekipaksanoat” uyushmasi Iqtisodiy tahlil va ishlab chiqarishni prognozlashtirish boshqarmasi boshlig‘i, bosh boshqarma boshlig‘i,

2019-2019-yillarda – O‘zbekiston Respublikasi Prezidenti Administratsiyasi Islohotlarni huquqiy ta’minlash va huquqni muhofaza qilish faoliyatini muvofiqlashtirish masalalari bo‘yicha maslahatchisi bo‘linmalari xalqaro reytinglar bilan ishlash va “Elektron hukumat” tizimini joriy etish ishlarini muvofiqlashtirish sho‘basi bosh inspektori,

2019-2022-yillarda O‘zbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamentining iqtisodiy rivojlanish sohasida tizimli tahlil qilish va yangi tashabbuslarni ishlab chiqish sho‘basi bosh inspektori lavozimlarida ishlagan.

2022-2023-yillarda O‘zbekiston Respublikasi Monopoliyaga qarshi kurashish qo‘mita raisining birinchi o‘rinbosari lavozimida faoliyat yuritgan.

O‘zbekiston Respublikasi Prezidentining 2023-yil 31-yanvardagi PQ-38-sonli Qaroriga asosan Qayumov Asadulla Urolovich Raqobatni rivojlantirish va iste’molchilar huquqlarini himoya qilish qo‘mitasi raisi o‘rinbosari lavozimiga tayinlandi.

Karabayev Farrux Esanaliyevich 1981–yilda Toshkent viloyatining Angren shahrida tug‘ilgan.

U Jahon iqtisodiyoti va diplomatiya universitetining xalqaro iqtisodiy munosabatlar mutaxassisligi bo‘yicha bakalavr va jahon iqtisodiyoti va geosiyosati mutaxassisligi bo‘yicha magistr darajasiga ega.

Farrux Karabayev institutsional innovatsiyalarni amalga oshirish, iqtisodiy taraqqiyot, samarali davlat boshqaruvi, raqobat, norma ijodkorligi, biznes va investitsiya muhitini yaxshilash kabi davlat siyosatining muhim yo‘nalishlari bo‘yicha tarkibiy o‘zgartirish va islohotlarni amalga oshirish bo‘yicha davlat idoralari va xalqaro tashkilotlarida 15 yillik tajribaga ega.

U 2008-yildan buyon monopoliyaga qarshi davlat organi, O‘zbekiston Respublikasi Prezidenti huzuridagi Loyiha boshqaruvi milliy agentligi va BMTning Taraqqiyot Dasturining loyihalarida turli rahbarlik lavozimlarida ishlagan.

2019-2023-yillarda O‘zbekiston Respublikasi Monopoliyaga qarshi qo‘mitasi raisining o‘rinbosari sifatida faoliyat yuritgan.

O‘zbekiston Respublikasi Prezidentining 2023-yil 31-yanvardagi PQ-38-sonli Qaroriga asosan O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi raisi o‘rinbosari etib tayinlangan.

Usmonov Otabek Odilbek o‘g‘li 1994-yilda Namangan viloyatida tug‘ilgan.

Maʼlumoti bo‘yicha: Yurisprudensiya, huquq magistri (Davlat boshqaruv huquqi yo‘nalishi), mamlakat va mintaqalar tarixi mutaxassisliklarini tamomlagan. Hozirgi vaqtda, mustaqil tadqiqotchi yuridik fanlar bo‘yicha falsafa doktori (PhD).

2016-2017-yillar  “O‘zbektelekom”  Aksiyadorlik kompaniyasida shartnoma asosidagi maslahatchi konsultant.

2017-2020-yillar “SCIENSE PROGRESS” MChJ Markaziy ofisida yuriskonsult, Bosh yuriskonsult.

2019-yil Buyuk Britaniya Academic Technology Approval Scheme (ATAS) xalqaro tadqiqotlar markazida malaka oshirish kursi tinglovchisi.

2020-2021-yillar  LLC “DIGITAL WORLD” (Raqamli Dunyo) jamiyati markaziy boshqaruvida Yuridik xizmat boshlig‘i.

2021-2023-yillar O‘zbekiston Respublikasi Monopoliyaga qarshi kurashish qo‘mitasi Strategik dasturlarni ishlab chiqish va eng yaxshi amaliyotlarni joriy etish, xalqaro reyting va indekslar bilan ishlash boshqarmasi boshlig‘i, Rais yordamchisi.

2023-yil 31 – martdan O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi raisining jamoatchilik bilan aloqalar boʻyicha maslahatchisi lavozimida faoliyat yuritmoqda.