Islom Karimov nomidagi teatr konsert saroyida Farg‘ona viloyati hokimi kubogi uchun davlat xizmatchilari o‘rtasida «Zakovat» intellektual o‘yini bo‘lib o‘tdi.
Viloyat hokimligi, Davlat xizmatini rivojlantirish agentligi Farg‘ona filiali hamda Respublika Ma’naviyat va ma’rifat markazi viloyat bo‘limi tomonidan tashkil etilgan tadbirda jami 40 ta jamoa kuch sinashdi. Bo‘lib o‘tgan aql jangi baxslarida viloyat Raqobat boshqarmasining “Raqobat” jamoasi faxrli uchinchi o‘rinni egallab, tadbir tashkilotchilarining Faxriy yorlig‘i va esdalik mukofotlariga sazovor bo‘ldilar.
