Ижтимоий тармоқ орқали (https://t.me/antikorruz/30074) истеъмолчи томонидан қолдирилган мурожаати юзасидан Рақобатни ривожлантириш ва истеъмолчилар ҳуқуқларини ҳимоя қилиш қўмитаси мазкур мурожаат юзасидан қуйидагиларни маълум қилади.
Истеъмолчи корхонага тегишли Шодлик маҳалласида жойлашган «HAVAS» савдо дўконидан маҳсулотлар харид қилишини, охирги вақтларда савдо дўконининг ходимлари харид чекига қушимча товарлар қийматини қўшган холда ҳисоб-китоб қилаётгани тез-тез қайтарилаётгани таъкидлаб ўтилган.
Истеъмолчи ўз мурожаатида санаб ўтилган ҳолатларни ўрганиш вақтида, корхона куйидагиларни аниқлади:
Истеъмолчининг куйидаги – «жамиятнинг масъул шахслари савдо дўконидаги ходимларига, харид қилаётган истеъмолчиларга мажбурий сақич сотиш Закида»ги маълумотлари (сўзлари) ўринсиз ва асоссиз эканлигини, бу эса ўз ўрнида Жамият хўжалик фаолиятини ҳақорат қилишига олиб келаётганини инобатга олишини сўраган.
Истеъмолчига 26 700 (йигирма олти минг етти юз) сўм қушимча равишда ҳисоб-китоб қилинган ҳолат савдо дўконида мавжуд видеокузатув тизимидаги видеолавҳалар синчикловлик билан ўрганиб чиқилган ва бундай ҳолат аниқланмаган.
Сақич учун 650 (олти юз эллик) сўм қушимча равишда ҳисоб-китоб қилинган ҳолат видеокузатув тизимида тасвирга тушган. Савдо дўкони ходими ўзига юклатилган меҳнат вазифаларини лозим даражада бажармаган, янги сақич харид қилган истеъмолчига хизмат кўрсатаётган даврда харид жараёнини якунламай, иккинчи истеъмолчига ўтиб кетганлиги аниқланган. Шунга кура, биринчи истеъмолчининг хариди иккинчи истеъмолчининг харид қийматига қўшиб ҳисоб-китоб қилинганлик ҳолатлари аниқланган.
Вазирлар Маҳкамасининг 13.02.2003 йилдаги 75-сонли қарори билан тасдиқланган чакана савдо қоидалари, шунингдек Жамиятнинг ички меҳнат тартиби талабларига риоя этмаган ходимга нисбатан ҳозирда интизомий жазо чораларини кўллаш ҳамда тартибга чақириш ишлари олиб борилишини ҳамда юқоридаги ҳолат такрорланмаслиги борасида корхона ўз ходимларини тартибга чақириш, меҳнат вазифаларига жиддий ёндашиш, уларнинг мулоқот ҳамда муомала маданиятини, шунингдек касбий фазилатларини шакллантириш бўйича тегишли тадбирларни амалга ошириб боришини таъкидлаб ўтган.
«HAVAS FOOD» МЧЖ қўшма корхонаси учун истеъмолчиларнинг фикри жуда муҳимдир ва улардан келган барча мурожаатларга жамият жиддий ёндашиб келади. Вужудга келган ҳолат истеъмолчига зарар етказганлиги сабабли, Жамият уларни Ўзбекистон Республикаси қонун ҳужжатларига мувофиқ қоплаб беришини маълум қилади.
Вазирлар Маҳкамасининг 13.02.2003 йилдаги 75-сонли қарори 29-бандида санаб ўтилган истеъмолчининг хунукларига мувофиқ, Жамият унинг талабига асосан нуқсонларни дарҳол бепул бартараф этиши, ёки айнан шундай маркадаги (модели, артикулдаги) товарга алмаштириши, ёки харид нархини тегишли равишда қайта ҳисоб-китоб қилган ҳолда бошқа маркадаги айнан шундай товарга алмаштириши, ёки харид нархини мутаносиб равишда камайтириши тугригида белгилаб ўтилган.