Raqobat qo‘mitasi huzuridagi Raqobat siyosati va iste’molchilar huquqlari tadqiqotlari markazi tomonidan turli vazirlik va yirik korxonalar vakillari uchun “Monopoliyaga qarshi komplayens o‘qitish” mavzusida amaliy o‘quv kursi tashkil etildi.
Kurs davomida monopoliyaga qarshi qonunchilik, insofsiz raqobat turlari, kartel kelishuvlari va komplayens tizimining amaliy ahamiyati yuzasidan chuqur bilimlar berildi.
Ushbu o‘quv kursi nafaqat xodimlarning malakasini oshirishga balki, sohada adolatli raqobat muhitini mustahkamlash va iqtisodiyotning barqaror rivojlanishiga ham xizmat qiladi.
Kurs yakunida ishtirokchilarga maxsus sertifikatlar topshirildi
Raqobat siyosatini amaliyotga joriy etish, sohaviy bilimlarni yangilash va malaka oshirishga qaratilgan bunday kurslar Markaz tomonidan tizimli ravishda tashkil etilmoqda.
