2024 йил 21 ноябрь куни Самарқанд шаҳрида Рақобат қўмитаси ва Евроосиё иқтисодий комиссияси (ЕИК) вакиллари билан учрашув ўтказилди. Бунда Ўзбекистон Республикаси Ҳукумати ва ЕИКнинг 2024-2026-йилларга мўлжалланган Қўшма чора-тадбирлар режасида белгиланган тадбирларни самарали ташкил этиш бўйича масалалар кўриб чиқилди.
Маълумот учун: Жорий йилнинг 1 октябрь куни Ереван шаҳрида (Арманистон) бўлиб ўтган Евроосиё Ҳукуматлараро кенгашининг йиғилиши доирасида Ўзбекистон Республикасининг Бош вазири ва Евроосиё иқтисодий комиссияси (ЕИК) Ҳайъати раиси томонидан имзоланган Ўзбекистон Республикаси Ҳукумати ва ЕИКнинг 2024-2026 йилларга мўлжалланган Қўшма чора-тадбирлар режаси тасдиқланган.
Мазкур чора-тадбирлар режасининг 13,14 ва 15-бандларида Ўзбекистон Республикаси давлат органлари ва истеъмолчилар жамоат бирлашмаларининг (ЕИК таклифига биноан) истеъмолчилар ҳуқуқларини ҳимоя қилиш бўйича маслаҳат йиғилишларида, шунингдек, ЕИКда истеъмолчилар ҳуқуқларини ҳимоя қилиш мавзусида тадбирлар ўтказиш ва ўзаро тажриба алмашиш белгиланган.
