Рақобат қўмитаси томонидан ўтказилган таҳлиллар натижаларига кўра, бугунги кунда аҳолининг соғлиғи, ҳуқуқ ва манфаатларини, шунингдек давлат ва жамоат хавфсизлигини ҳамда жамоат тартибини таъминлаш мақсадида муайян бозорларда фаолият юритиш учун 67 та тадбиркорлик субъектлари ва давлат ташкилотларида 81 та фаолият турлари бўйича эксклюзив ҳуқуқлар мавжудлиги маълум бўлди.
Ўтган давр мобайнида, Президентимизнинг тегишли қарорлари билан иқтисодиётда давлат иштирокини қисқартириш ва хусусий сектор учун кенг йўл очиш мақсадида 24 та тадбиркорлик субъектлари ва давлат ташкилотларига берилган эксклюзив ҳуқуқлар бекор қилинди.
Шунингдек, Ўзбекистон Республикаси Президентининг 2025 йил 28 февралдаги ПФ-35-сонли Фармони ижросини таъминлаш мақсадида Рақобат қўмитаси томонидан Эксклюзив ҳуқуқлар берилган хўжалик юритувчи субъектларнинг рўйхати шакллантирилди ва эълон қилинди.
Рўйхат билан батафсил қуйидаги ҳавола орқали (https://raqobat.gov.uz/ekskluziv-huquqlar-berilgan-hojalik-yurituvchi-subektlarning-reestri-rojhati/) танишишингиз мумкин.
Ўз навбатида, Рақобат қўмитаси Эксклюзив ҳуқуқларни аниқлаш бўйича таҳлилларни тизимли равишда давом эттиради ҳамда натижалари бўйича мазкур Эксклюзив ҳуқуқлар берилган хўжалик юритувчи субъектларнинг рўйхатига ўзгартириш ва қўшимчалар киритилиши мумкин.
