O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi tomonidan qonunchilik hujjatlari ijrosini ta’minlash bo‘yicha amalga oshirilgan ishlar to‘g‘risida
MA’LUMOT
2025 yil 15-dekabr holatiga
Raqobatni rivojlantirish va iste’molchilar huquqlarini himoya qilish qo‘mitasi tomonidan ijro intizomiga qat’iy rioya etilishini ta’minlash yuzasidan mustahkam tizim yaratish, tartib o‘rnatish, temir intizomni joyiga qo‘yish, rahbarlar va xodimlarning dunyoqarashini o‘zgartirish soha xodimlarining eng muhim hamda asosiy faoliyat yo‘nalishlari etib belgilangan.
“Ijro.gov.uz” tizimida O‘zbekiston Respublikasi Prezidenti Farmonlari, qaror va farmoyishlari hamda hududlarga tashriflari davomida Qo‘mitaga berilgan topshiriqlari, shuningdek Prezident Administratsiyasi rahbarining topshiriqlari va Hukumatning qarorlari, farmoyishlari, bayon va topshiriqlarida belgilangan vazifalar ijrosi O‘zbekiston Respublikasi Prezidentining 2021-yil 10-fevraldagi PF-6166-son, 2025-yil 25-iyuldagi
PF-117-son Farmonlari hamda 2021-yil 31-maydagi PQ-5132-sonli qarori talablari bo‘yicha tashkil qilingan yagona va uzluksiz “texnologik zanjir” asosida amalga oshirilib, ijro intizomiga rioya etish borasida qat’iy tartib, intizom va tizimli nazorat o‘rnatilib, muayyan natijadorlikka erishildi.
Hisobot davrida Qo‘mita asosiy ijrochi bo‘lgan O‘zbekiston Respublikasi Prezidentining 68 ta hujjatlari orqali 481 ta topshiriqlar nazoratga olingan va ijrosi o‘z vaqtida ta’minlangan. Shundan, 1 ta topshiriqning muddatini uzaytirish bo‘yicha belgilangan tartibda Adliya vazirligiga takliflar kiritilgan bo‘lib, Vazirlar Mahkamasining tegishli Rayosat bayoni bilan ijro muddatini uzaytirish ma’qullangan.
O‘zbekiston Respublikasi Vazirlar Mahkamasining 49 ta hujjati orqali 75 ta topshirig‘i nazoratga olingan va ijrosi o‘z vaqtida ta’minlangan.
Joriy yilning dekabr oyida ijrosi ta’minlanishi lozim bo‘lgan 97 ta Prezident topshiriqlari 100 foiziga muddatidan oldin bajarildi va o‘rnatilgan tartibda nazoratdan yechildi.
O‘zbekiston Respublikasi Prezidenti Administratsiyasi rahbarining joriy yil dekabr oyida ijrosi ta’minlanishi lozim bo‘lgan 4 ta topshirig‘i 100 foiziga muddatidan oldin bajarildi va belgilangan tartibda nazoratdan yechildi.
Shuningdek, Vazirlar Mahkamasining joriy yil dekabr oyida ijrosi ta’minlanishi lozim bo‘lgan 6 ta topshiriqlari 100 foizga muddatidan oldin bajarildi va o‘rnatilgan tartibda nazoratdan yechildi.
Bundan tashqari, 2026-yil yanvar oyida O‘zbekiston Respublikasi Prezidentining 47 ta topshirig‘i nazoratga olingan bo‘lib, shundan, 32 tasida Qo‘mita asosiy ijrochi va 15 tasida ham ijrochi etib belgilangan.
O‘zbekiston Respublikasi Prezidenti Administratsiyasi rahbarining 4 ta topshirig‘i nazoratga olingan bo‘lib, shundan, 3 tasida Qo‘mita asosiy ijrochi va 1 tasida ham ijrochi hisoblanadi.
Vazirlar Mahkamasining 2 ta topshirig‘i nazoratga olingan bo‘lib, shundan, 1 tasida Qo‘mita asosiy ijrochi va 1 tasida ham ijrochi hisoblanadi.
Topshiriqlar ijrosini tashkil etish bilan bog‘liq barcha masalalar har haftaning dushanba kun qo‘mita markaziy apparati yig‘ilishlarida tanqidiy muhokama va tahlil qilib borilmoqda.