Joriy yilning 23-sentyabr kuni O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi rahbariyati Xalqaro valyuta jamg‘armasining O‘zbekiston bo‘yicha missiyasi rahbari Yasser Abdix bilan uchrashdi.
Muloqot davomida O‘zbekistonning Xalqaro valyuta jamg‘armasi bilan hamkorlikda amalga oshirilayotgan loyihalari, O‘zbekistonda raqobat siyosatining asosiy maqsadlari, raqobatni rivojlantirish sohasidagi islohotlar va raqobat qonunchiligidagi so‘nggi o‘zgarishlar muhokama qilindi.
Uchrashuv yakunida tomonlar raqobatni rivojlantirish sohasidagi hamkorlikni davom ettirishga kelishib oldilar.
