SAVOL: Mahsulot qadog‘idagi belgilar nimani anglatishini bilasizmi?

Ochiq qopqoqli dumaloq quti mahsulot ochilganidan keyin qancha muddat foydalanish mumkinligini bildiradi. Belgida ko‘rsatilgan raqam sanani bildiradi, “M” harfi “oy”ni bildiradi. Ushbu belgi ko‘pchilik hollarda kosmetika va antiseptik mahsulotlarining qadog‘ida qo‘llaniladi.

“Ochiq kitobni o‘qiyotgan qo‘l” belgisi – ishlab chiqaruvchi mahsulotni ishlatishdan oldin qo‘llanmani diqqat bilan o‘qib chiqishni tavsiyasi etayotganligini anglatadi. Odatda, bunday belgini murakkab tarkibli va bir necha bosqichda amalga oshirilishi lozim bo‘lgan mahsulotlarda ko‘rish mumkin.

Mahsulot qadog‘i yoki o‘rami (upakovkasi) va uning tarkibidagi materiallar oziq-ovqat mahsulotlari uchun xavfsiz ekanligini bildiruvchi belgi.

Yuqoridagi belgi, ammo ustidan chiziq tortilgan tasvir. Ushbu belgi iste’molchilarga mahsulot qadog‘i inson iste’mol qiladigan mahsulotlar uchun zararli ekanligi haqida ma’lumot beradi. Odatda belgi oziq-ovqat uchun mo‘ljallanmagan plastik idishlarda ko‘rsatiladi.

Odatda maishiy kimyo vositalari, xususan, idishlarni yuvish vositalarining qadog‘ida foydalaniladigan belgi. Bunday mahsulotlar bilan ehtiyotkorlik bilan muomalada bo‘lish kerakligini anglatadi.

Netto vazn – mahsulotning tarasiz sof vazni. Agar belgi yonida raqam ko‘rsatilgan bo‘lsa, bu mahsulotning brutto – mahsulotning qadoqlangan og‘irligini bildiradi.

EXP

Chet el mahsulotlarining yorlig‘ida ko‘pincha EXP belgisi mavjud, ushbu belgi inglizcha “expiration date” so‘zining qisqartmasi bo‘lib, mahsulotning yaroqlilik muddatini anglatadi.

Harorat chegarasi mahsulotni saqlash mumkin bo‘lgan harorat chegaralarini belgilaydi.

Mazkur belgi ishlab chiqaruvchi ayrim chiqindilarni qayta ishlash jarayonini moliyalashtirishda ishtirok etishini bildiradi. Shuningdek, ushbu belgiga ega mahsulotlarni Germaniyaning “Eco Emballage ” (eko qadoqlash) dasturiga ko‘ra, qayta ishlash mumkinligini ham anglatadi.

Bu belgi plastik mahsulotlar yoki ularning qadog‘i sanoatda qayta ishlanishi mumkinligini anglatadi. Belgining ichida va uning yonidagi 1-7 raqamlari yoki harflar ular yaratilgan moddaning kodini bildiradi.

Mazkur belgi qayta ishlangan yoki qayta ishlanishi mumkin bo‘lgan mahsulotni aks ettiradi. U ishlab chiqarish → qo‘llash → utilizatsiya qilish bosqichlarining uzluksizligini anglatadi.

Belgi mahsulot qadog‘ini axlat qutisiga tashlash kerakligini qat’iy tavsiya etilishini anglatadi.

Atrof-muhitga zarar yetkazmaslik uchun ushbu mahsulotni oddiy chiqindilardan alohida ajratish va xavfsizlik choralarini ko‘rgan holda utilizatsiya qilish kerakligini hamda belgilangan yig‘ish punktiga topshirish lozimligini bildiradi.