“REAL AGRO COTTON” UKGA MANIPULYASIYA HARAKATLARI SODIR ETGANLIGI UCHUN TEGISHLI TA’SIR CHORASI QO‘LLANILDI

Vazirlar Mahkamasining 2020-yil 18-martdagi 170-sonli qarori bilan tasdiqlangan “Birja savdolarida yuqori likvidli va monopol turdagi mahsulotlarni sotish tartibi to‘g‘risida”gi Nizomining 29-bandiga muvofiq Monopoliyaga qarshi kurashish organi doimiy ravishda birja narxlari monitoringini o‘tkazib borilishi belgilangan.  Raqobat qo‘mitasining Toshkent viloyati hududiy boshqarmasi “O‘zbekiston Respublikasi Tovar xom ashyo birjasi” Toshkent filialining taqdim qilgan ma’lumotlarini o‘rganish davomida “Real Agro Cotton” UK tomonidan 2023-yilda yig‘ib olingan paxta hosili hisobidan jami 17 ming tonnadan ziyod texnik chigit mahsulotini  to‘g‘ridan to‘g‘ri shartnoma asosida sotib, manipulyatsiya harakatlarini sodir etganlik holatlari aniqlandi. Ma’lumot o‘rnida. “Raqobat to‘g‘risida”gi Qonunning 29-moddasi 3-qismi 12-xatboshisida “Faqat birja savdolariga qo‘yish yo‘li bilan sotilishi lozim bo‘lgan yuqori likvidli va (yoki) monopol mahsulotlar hajmlarini birja savdolariga qo‘ymasdan to‘g‘ridan to‘g‘ri  shartnomalar bo‘yicha sotish” harakatlari monopoliyaga qarshi talablarni buzilishi  belgilab ko‘rsatilgan. Vazirlar Mahkamasining 2020-yil 18-martdagi 170-sonli qarori bilan tasdiqlangan Nizomining 311-bandi 18-xatboshisida, “Yuqori likvidli va (yoki) monopol mahsulotlarni to‘g‘ridan to‘g‘ri shartnomalar bo‘yicha sotish” harakatlari manipulyatsiya deb hisoblanadi.  Yuqoridagilarga muvofiq, hududiy boshqarma tomonidan “Raqobat to‘g‘risida”gi Qonunning 29-moddasi va Vazirlar Mahkamasining 170-sonli qarori bilan tasdiqlangan Nizom talablari buzilishi alomatlari bilan “Real Agro Cotton” UKga nisbatan ish qo‘zg‘atilib, natijasi yuzasidan belgilangan tartibda tegishli ta’sir chorasi qo‘llanildi. Kanalga ulanish  https://t.me/RaqobatGovUz