Расмий_муносабат

Кун.уз расмий канали орқали эълон қилинган «Тиббиётда янги монополия? 178 та лаборатория битта операторга берилди» сарлавҳали мақоласи юзасидан Монополияга қарши курашиш қўмитаси қуйидагиларни маълум қилади.
Тошкент шаҳри ва Тошкент вилоятидаги 178 та лаборатория битта оператор – “Intermed Innovation”га берилгани юзасидан “VITROS DIAGNOSTICS” МЧЖ ва бир қатор тадбиркорлар томонидан Қўмитага қилган мурожаатлари ва бир неча маротаба улар билан ўтказилган суҳбатлар асосида, тақдим этилган ҳужжат ва маълумотларга асосан Рақобат ва табиий монополиялар тўғрисидаги қонун ҳужжатларини бузилиши юзасидан Монополияга қарши курашиш қўмитасининг Махсус комиссияси томонидан “Рақобат тўғрисида”ги Қонунининг 23-моддаси талаблари бузилганлиги ҳолати бўйича Соғлиқни сақлаш вазирлигига нисбатан 2022 йил 29 апрель куни 17/20-сонли иш қўзғатилган.
Қўзғатилган ишни кўриб чиқиш жараёнида Соғлиқни сақлаш вазирлиги мутасадди ходимлари томонидан Тошкент шаҳри ва Тошкент вилоятидаги 178 та лабораторияларни битта оператор – “Intermed Innovation”га берилиши билан боғлиқ барча асослантирувчи ҳужжат ва маълумотлар тақдим этилди ва ушбу ҳужжатларга асосан Қўмита томонидан бугунги кунда қайта ўрганиш ишлари бошланди.