Очиқлик соҳасини такомиллаштириш бўйича ишлаб чиқилган таклифлар тўғрисида ҲИСОБОТ
Рақобат қўмитаси томонидан очиқлик ва шаффофликни таъминлаш, жамоатчилик билан очиқ мулоқотни ривожлантириш ҳамда ахборотдан фойдаланиш имкониятларини кенгайтириш йўналишида тизимли ишлар амалга ошириб келинмоқда.
Белгиланган талабларга мувофиқ, очиқлик соҳасидаги фаолиятни такомиллаштириш ва унинг кўламини кенгайтириш мақсадида ҳар йили камида 3 тадан кам бўлмаган таклиф ишлаб чиқиш ва очиқ эълон қилиш амалиёти жорий этилган.
Ҳисобот даврида қуйидаги таклифлар ишлаб чиқилди ва жамоатчиликка тақдим этилди:
1. Очиқ маълумотлар ҳажмини кенгайтириш
— қўмита фаолиятига оид статистик ва таҳлилий маълумотлар рўйхатини кенгайтириш;
— очиқ маълумотлар тўпламларини мунтазам янгилаб бориш тартибини жорий қилиш;
— очиқ маълумотларни машина ўқийдиган форматларда жойлаштириш.
2. Ахборот ресурсларининг шаффофлигини ошириш
— расмий веб-ресурсларда жойлаштириладиган маълумотларни янгилаш муддатларини қисқартириш;
— қарорлар, кўрсатмалар ва огоҳлантиришлар бўйича алоҳида очиқ реестр юритиш;
— жамоатчилик учун муҳим ҳужжатлар бўйича қисқача изоҳли маълумотлар бериш амалиётини йўлга қўйиш.
3. Жамоатчилик билан очиқ мулоқот механизмларини кучайтириш
— очиқ муҳокамалар ва онлайн мулоқотлар сонини кўпайтириш;
— таклиф ва мурожаатларни қабул қилиш бўйича электрон платформалар имкониятларини кенгайтириш;
— очиқлик масалалари бўйича жамоатчилик фикрини ўрганиш тизимини жорий этиш.
Ишлаб чиқилган таклифлар белгиланган тартибда расмий ахборот манбаларида очиқ эълон қилинди ҳамда амалий фаолиятга босқичма-босқич жорий этилмоқда.
