O’zbekiston Respublikasi Prezidenti Shavkat Mirziyoev iqtisodiyotda raqobat muhitini ta’minlash va iste’molchilar huquqini himoya qilish borasidagi ustuvor vazifalar muhokamasiga bag’ishlangan yig’ilish o’tkazdi.
Unda davlatimiz rahbari O’zbekiston bozor iqtisodiyotiga qat’iy o’tishi jarayonida raqobat masalasi printsipial ahamiyatga ega ekanini ta’kidlab, O’zbekiston Respublikasi Monopoliyaga qarshi kurashish qo’mitasi va uning huzuridagi Iste’molchilar huquqlarini himoya qilish agentligi zimmalariga bir qator muhim vazifalarni belgilab berdi, ana shunday vazifalardan biri, Qo’mitani Oliy Majlis oldida hisobdor bo’lishidir.
Bugun esa, O’zbekiston Respublikasi Oliy Majlisi Senati va Monopoliyaga qarshi kurashish qo’mitasi rahbariyati o’rtasida videoyig’ilish shaklida uchrashuv o’tkazilib, bir qator dolzarb masalalari muhokama etildi, hamda, kelgusida amalga oshiriladigan rejalari kelishib olindi.
Monopoliyaga qarshi kurashish qo’mitasi Matbuot xizmati