Халқаро давра суҳбати Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси Раис ўринбосари Фаррух Карабаев ҳамда тадбирда иштирок этаётган қатор нуфузли халқаро ва миллий ташкилотлар вакилларининг кириш сўзлари билан очиб берилди.
Шунингдек, қуйидаги спикерлар ўз маърузалари билан иштирок этишди:
Бобур Бекмуродов — Ўзбекистон Республикаси Олий Мажлиси Қонунчилик палатасининг Тадбиркорлик, рақобатни ривожлантириш ва саноат масалалари қўмитаси раиси;Жамшид Урунов — Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ўринбосари;Абдулла Абдукадиров — Ўзбекистон Республикаси Президенти ҳузуридаги Стратегик ислоҳотлар агентлиги директорининг биринчи ўринбосари;Шахло Ибрагимова —Ўзбекистон Савдо-саноат палатаси раиси ўринбосари;Отабек Насиров — Марказий Осиё Финтех Ассоциацияси раиси, Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги Жамоатчилик экспертлар кенгаши аъзоси.Халқаро ташкилотларнинг етакчи экспертларидан:
Тереза Морейра — БМТнинг Савдо ва тараққиёт конференцияси (UNKTAD) Халқаро савдо ва хомашё бўлими ҳузуридаги Рақобат ва истеъмолчилар сиёсати бўлими раҳбари;Канокпан Лао-Арая — Осиё тараққиёт банкининг (OTB) Ўзбекистондаги Доимий ваколатхонаси раҳбари;Коба Гвенетадзе — Халқаро валюта жамғармасининг Ўзбекистон Республикасидаги доимий вакили;Пинар Яшар — Жаҳон банкининг Ўзбекистондаги ваколатхонаси бош иқтисодчиси;Мария Пилар Канедо Арриллага — Иқтисодий ҳамкорлик ва тараққиёт ташкилоти (OECD) Рақобат бўлими катта эксперти;Уилям Ковачич — Глобал рақобат сиёсати ва ҳуқуқи бўйича профессор, ҳуқуқ профессори, Рақобат ҳуқуқи маркази директори;Ренато Ферранди — Италия Монополияга қарши органининг халқаро масалалар ва Европа Иттифоқи билан алоқалар бўйича директори.Cпикерлар ўз маърузалари тадбиркорлик фаолиятига давлат органларининг ноқонуний аралашувини олдини олиш, ишбилармонлик муҳитини яхшилаш, ортиқча бюрократик тўсиқларни бартараф этиш ва рақобат муҳитини ҳимоя қилиш масалалари бугунги кунда стратегик аҳамиятга эга эканини алоҳида таъкидладилар. Шунингдек, халқаро тажриба, институционал механизмлар ва рақамли ечимларни жорий этишнинг аҳамиятига тўхталиб ўтилди.
Давра суҳбатида қуйидаги панель сессиялари бўлиб ўтмоқда:
“Тадбиркорлик фаолиятига давлат органларининг аралашувини чеклаш – институционал механизмлар”;“Бизнес учун ортиқча бюрократик тўсиқларни бартараф этиш ва лицензиялаш жараёнларини соддалаштириш”;“Текширув ва назорат жараёнларида рақамли ечимлар ва шаффофликни таъминлаш”.Ушбу тадбир Ўзбекистонда тадбиркорлик муҳитини янада яхшилаш, давлат органлари фаолиятида қонунийлик ва шаффофликни таъминлаш ҳамда рақобат сиёсатини ривожлантиришда муҳим аҳамият касб этади.
