Ўзбекистон Республикаси Президенти ҳузурида бўлган рақобатни ривожлантиришга қаратилган чора-тадбирлар тақдимоти давомида, Давлатимиз Раҳбари томонидан Қўмита тизимидаги кадрлар салоҳиятини ошириш масаласи бўйича топшириқ берилган эди.
Қўмитанинг бир гуруҳ ходимлари Хитой Халқ Республикасининг Шанхай шаҳридаги Хитой тижорат вазирлигининг Шанхай бизнес мактабида махсус ташкил этилган «Ўзбекистонда монополияга қарши ва товар биржа бозорлари фаолиятини тартибга солиш бўйича» ўқув семинарида малакасини оширади. Ўқув курслари жорий йил 21 августдан 3 сентябргача давом этади.