2019 йил 1 декабрь ҳолатига Монополияга қарши курашиш қўмитаси марказий аппаратига хўжалик юритувчи субъектларни қўшиб олиш ва қўшиб юбориш ҳамда хўжалик юритувчи субъектларнинг устав фондидаги (капиталидаги) акцияларни (улушларни) олиш бўйича битимларга олдиндан розилик бериш бўйича жами 96 та мурожаатлар келиб тушди. Шундан, 78 таси устав фондидаги (капиталидаги) акцияларни (улушларни) олишга доир мурожаатлар бўлиб, ушбу мурожаатларнинг 28 таси хорижий инвесторларга тегишли.
Ушбу давр мобайнида келиб тушган барча мурожаатлар чуқур таҳлил қилиниб, Қўмита томонидан жами 2,806 трлн. сўмлик битимларга олдиндан розилик берилди, шундан 80,8 фоиз, яъни 2,267 трлн. сўмлик (256,5 млн. АҚШ долл.) битимлар хорижий инвесторлар ҳиссасига тўғри келади.
Хорижий инвесторлар томонидан асосан тўқимачилик, фармацевтика, ахборот технологиялари, электротехника, озиқ-овқат ва шу каби соҳаларга тўғридан-тўғри маблағлар ва замонавий технологиялар кўринишида инвестициялар киритилиши кўзда тутилган.
Монополияга қарши курашиш қўмитаси ахборот хизмати