Расмий муносабат
Ижтимоий тармоқ орқали “Корзинка”- (Гуручариқ)да пештахтада кўрсатилгани билан кассадаги нархларда фарқ бўлаяпти, оқибатда кассада кўпроқ пул тўлашга тўғри келди…” мавзуида мурожаат қолдирилган.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан мазкур танқидий материал юзасидан қуйидагиларни маълум қилади.
Рақобат қўмитаси томонидан олиб борилган ўрганишлар натижасида истеъмолчининг ҳақлиги маълум бўлди, пештахтада олдинги маҳсулотга қўйилган эски нархнома янгиланмагани сабаб кассада ортиқча пул олингани маълум бўлди.
Савдо шохобчаси томонидан харидорга ортиқча олинган пул тўлиқ қайтарилиши таъминланиб, узр сўраган ҳолда компания томонидан унга қўшимча махсус бонус ҳисобланган.
Келгусида бундай ҳолатлар такрорланмаслиги мақсадида компания томонидан тегишли ишлар амалга оширилмоқда.
