Турахужаев Ҳалилилло Собиржонович 1972 йил 21 январда Наманган вилоятида таваллуд топган. Маълумоти олий, ҳуқуқшунос, 1-даражали адлия маслаҳатчиси, “Дўстлик” ордени соҳиби.

1992-2008 йиллар – Ўзбекистон Республикаси суд тизимида турли лавозимларда фаолият юритган, хусусан, Олий суд судьяси, Фуқаролик ишлари бўйича Тошкент шаҳар судининг раиси (2014-2017 йй);

2008-2017 йиллар – Ўзбекистон Республикаси Президенти девонида турли лавозимларда фаолият юритган, хусусан, давлат маслаҳатчисининг ўринбосари, биринчи ўринбосари;

2017-2020 йиллар – Адлия вазирлиги ҳузуридаги Давлат хизматлари агентлиги директори;

2020-2021 йиллар – Ўзбекистон Давлат солиқ қўмитаси раисининг биринчи ўринбосари – Қўмита ҳузуридаги Кадастр агентлиги директори;

2021-2024 йиллар – Ўзбекистон Республикаси Олий суди раисининг ўринбосари – фуқаролик ишлари бўйича судлов ҳайъати раиси.

Ўзбекистон Республикаси Президентининг 2024 йил 21 июндаги тақдимномасига асосан Ўзбекистон Республикаси Олий Мажлиси Сенати Турахужаев Ҳалилилло Собиржоновични Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси лавозимига сайлади.

Карабаев Фаррух Эсаналиевич 1981 йилда Тошкент вилоятининг Ангрен шаҳрида туғилган.

У Жаҳон иқтисодиёти ва дипломатия университетининг халқаро иқтисодий муносабатлар мутахассислиги бўйича бакалавр ва жаҳон иқтисодиёти ва геосиёсати мутахассислиги бўйича магистр даражасига эга.

Фаррух Карабаев институционал инновацияларни амалга ошириш, иқтисодий тараққиёт, самарали давлат бошқаруви, рақобат, норма ижодкорлиги, бизнес ва инвестиция муҳитини яхшилаш каби давлат сиёсатининг муҳим йўналишлари бўйича таркибий ўзгартириш ва ислоҳотларни амалга ошириш бўйича давлат идоралари ва халқаро ташкилотларида 15 йиллик тажрибага эга.

У 2008 йилдан буён монополияга қарши давлат органи, Ўзбекистон Республикаси Президенти ҳузуридаги Лойиҳа бошқаруви миллий агентлиги ва БМТнинг Тараққиёт Дастурининг лойиҳаларида турли раҳбарлик лавозимларида ишлаган.

2019-2023 йилларда Ўзбекистон Республикаси Монополияга қарши қўмитаси раисининг ўринбосари сифатида фаолият юритган.

Ўзбекистон Республикаси Президентининг 2023 йил 31 январдаги ПҚ-38-сонли Қарорига асосан Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари этиб тайинланган.

Давлатов Улуғбек Баҳодирович 1987 йилда Бухоро вилоятида туғилган.

Маълумоти олий, иқтисодчи, Тошкент давлат иқтисодиёт университетининг бакалавр ва магистратурасини тамомлаган.

2005–2006 йиллар — ДАТК “ Ўзбекистон темир йўллари” Бино ва иншоотлари хизмат кўрсатиш Дирекцияси темир йўл иш қоғозлари омборида катта омборчи;
2006–2006 йиллар — “Ўзтемирйўлмаштаъмир “ унитар корхонасида ишлаб чиқаришни автоматик тизим бўлими электр механиги;
2007–2010 йиллар — “Ўзсаноатқурилишбанк” Когон филиали бухгалтерия ҳисоботи ва ҳисобот бўлими етакчи мутахаcсиси, 2- тоифали кичик ҳисобчиси;
2010–2011 йиллар — Бухоро вилоят ҳокимлиги Иқтисодиёт бош бошқармаси инвестициялар,инвестиция дастурлари ва уй-жой коммунал хўжалиги бўлими биринчи тоифали мутахассиси;
2011–2013 йиллар — Бухоро вилоят Монополиядан чиқариш ва рақобатни ривожлантириш ҳудудий бошқармаси бош мутахассиси, бўлим бошлиғи;
2013–2017 йиллар —Бухоро вилоят Хусусийлаштириш, монополиядан чиқариш ва рақобатни ривожлантириш ҳудудий бошқармаси Реклама фаолиятини назорат қилиш ва истеъмолчилар ҳуқуқларини ҳимоя этиш бўлим бошлиғи;
2018–2019 йиллар — Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш Давлат қўмитаси Бухоро вилоят ҳудудий бошқармаси бўлим бошлиғи;
2019–2022 йиллар — Ўзбекистон Республикаси Монополияга қарши курашиш қўмитаси Тартибга солинадиган нархлар ва тарифларни таҳлил ва назорат қилиш бошқармаси бош мутахассиси, бошқарма бошлиғи ўринбосари, бошқарма бошлиғи;
2022–2023 йиллар — Ўзбекистон Республикаси Монополияга қарши курашиш қўмитаси Истеъмол бозорларида нархларни мониторинг қилиш департаменти директори;
2023–2024 йиллар — Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси Товар-хом ашё биржалари ва истеъмол бозорларида нархларни назорат қилиш бошқармаси бошлиғи;
2024–2025 йиллар — Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси Монополияга қарши тартибга солиш, нархлар ва тарифларни назорат қилиш бошқармаси бошлиғи.

Ўзбекистон Республикаси Президентининг 2025 йил 18 ноябрдаги тегишли Қарорига асосан Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари этиб тайинланган.

Усмонов Отабек Одилбек ўғли 1994 йилда Наманган вилоятида туғилган.

Маълумоти бўйича, юриспруденция, ҳуқуқ магистри (Давлат бошқарув ҳуқуқи йўналиши), мамлакат ва минтақалар тарихи мутахассисликларини тамомлаган.

У турли ташкилотлар тизимида: маслаҳатчи консультант, юрисконсульт, бош юрисконсульт, юридик хизмат бошлиғи, бош бошқарма бошлиғи, раҳбар ўринбосари каби лавозимларда фаолият олиб борган.

Бир неча халқаро миқёсидаги муассасаларда малака ошириш курсларини ( АҚШ, Буюк Британия, Германия, Россия, Полша давлатларидаги) тамомлаган.

Шунингдек, у илмий фаолияти давомида бугунги кунга қадар 30 га яқин халқаро миқёсдаги конференция ва журналларда давлат бошқарув тизимида жамоатчилик назоратини кучайтириш ва бошқа йўналишлардаги илмий мақолалар муаллифи.

У Қўмита тизимида 2021 йилдан фаолият олиб бормоқда.

Жумладан,
2021-2023 йиллар Ўзбекистон Республикаси Монополияга қарши курашиш қўмитасининг Стратегик дастурларни ишлаб чиқиш ва энг яхши амалиётларни жорий этиш, халқаро рейтинг ва индекслар билан ишлаш бошқармаси бошлиғи.

2023 – йил 31 мартдан Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси раисининг жамоатчилик билан алоқалар бўйича маслаҳатчиси лавозимида фаолият юритмоқда.