Raqobat qo‘mitasi tomonidan German Sparkassenstiftung for International Cooperation (Germaniya) tashkiloti bilan hamkorlikda iste’molchilar huquqlarini himoya qilish va aholining moliyaviy savodxonligini yanada oshirish maqsadida huquqiy targ‘ibot materiallari tayyorlanmoqda.
Dastlabki loyiha aholining kundalik hayotida eng ko‘p duch keladigan masalalarga bag‘ishlangan bo‘lib, unda iste’molchilar uchun muhim bo‘lgan ma’lumot va tavsiyalar keltirilgan.
Xususan,
- bank plastik kartalaridan to‘g‘ri foydalanish;
- himoya va xavfsizlik choralari;
- shaxsiy byudjetni rejalashtirish;
- kredit va qarz munosabatlari;
- kredit tarixi va skoring;
- kafillik munosabatlari.
