“Iste’molchilarning huquqlarini himoya qilish to‘g‘risida”gi Qonun qabul qilinganligining 28-yilligiga bag‘ishlangan seminarlar davom etmoqda.
Navbatdagi tadbirlar Qo’mitaning Sirdaryo va Navoiy viloyat hamda Toshkent shahar hududiy boshqarmalari tomonidan o‘tkazildi.
Tadbirlarda ommaviy axborot vositalari, davlat organlari mutasaddi vakillari, oliy ta’lim hamda o’rta ta’lim muassasalari o’quvchilari ishtirok etdi.
Tadbir davomida aholining isteʼmol madaniyati va huquqiy savodxonligi, tizimda olib borilayotgan ishlar hamda savdo, ishlab chiqarish, ish va xizmat ko‘rsatishning barcha yo‘nalishlarida isteʼmolchilarning huquq va manfaatlari ustuvorligini taʼminlashda Qo‘mita o‘z oldiga qo‘ygan rejalari haqida batafsil maʼlumotlar berildi.
