Республика чегара ўтказиш пунктларида коронавирусга антиген экспресс тест текширувларини ўтказиш юзасидан кўплаб шикоятлар келиб тушаётганлиги муносабати билан Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича Республика махсус комиссияси томонидан Монополияга қарши курашиш қўмитаси, “Uzbekistan airports” АЖ, Қорақалпоғистон Республикаси Вазирлар Кенгаши, вилоят ҳокимликлари ва Санитария-эпидемиология хизматига:
Ўзбекистон Республикасига кириб келувчи шахсларга арзон ва сифатли коронавирусга антиген экспресс тест текширувларини ташкил этиш мақсадида танлов асосида, жамоатчиликка эълон берган ҳолда лабораторияларни қайта жалб этиш чораларини кўриш;
коронавирусга антиген экспресс тест текширувларни ўтказиш учун лабораторияларни жалб қилиш бўйича ўтказиладиган танловнинг аниқ талабларини ишлаб чиқиш ва оммавий ахборот воситаларига жойлаштириш;
чегара ўтказиш пунктларида лабораториялар фаолияти очиқ рақобат тамойили асосида ташкил этилиши, чегара ўтказиш пункти орқали кириб келувчилар сони беш юз нафардан ортиқ бўлган пунктларда лабораториялар камида 2 та бўлиши ҳамда кўрсатиладиган хизматлар нархлари арзон ва сифатли бўлиши таъминлаш вазифаси юклатилган.
Коронавирусга антиген экспресс тест текширувларини ўтказиш хизматини очиқ рақобат тамойили асосида ташкил этиш мақсадида Монополияга қарши курашиш қўмитаси, Транспорт вазирлиги ва “Uzbekistan airports” АЖ билан биргаликда янги танлов ҳужжатлари ишлаб чиқилди. Тадбиркорлик субъектлари орасида тенг рақобат муҳитини яратишга қаратилган шартлар асосида Ўзбекистон Республикаси аэропортлари томонидан янги танловлар эълон қилинди.
Самарқанд лот № 9108762 https://exarid.uzex.uz/ru/competitive/lot/9108762
Бухоро лот № 9108799 https://exarid.uzex.uz/ru/competitive/lot/9108799
Нукус лот № 9108818 https://exarid.uzex.uz/ru/competitive/lot/9108818
Навоий лот № 9108771 https://exarid.uzex.uz/ru/competitive/lot/9108771
Қарши лот № 9108815 https://exarid.uzex.uz/ru/competitive/lot/9108815
Термез лот № 9108843 https://exarid.uzex.uz/ru/competitive/lot/9108843
Андижон лот № 9108749 https://exarid.uzex.uz/ru/competitive/lot/9108749
Фарғона лот № 9108814 https://exarid.uzex.uz/ru/competitive/lot/9108814
Наманган лот № 9108931 https://exarid.uzex.uz/ru/competitive/lot/9108931
Шунингдек, яқин кунларда Тошкент ва Ургенч аэропортларида тадбиркорлик субъектлари орасида тенг рақобат муҳитини яратишга қаратилган шартлар асосида танлов эълон қилиниши режалаштирилган.
Ушбу хизмат турларини кўрсатиш имкониятига эга тадбиркорлик субъектларини танловда тенг шартлар асосида иштирок этишлари мумкин.