Ўзбекистон Республикаси Монополияга қарши курашиш қўмитаси томонидан “Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида”ги қарор лойиҳаси тайёрланди.
Мазкур қарор лойиҳасида айрим давлат функцияларини хусусий секторга ўтказиш, мутлақ ҳуқуқ ва преференцияларни бекор қилиш, шунингдек, давлат-хусусий шерикчилик шартлари асосида хусусий секторга ўтказиш таклиф этилмоқда.
Бугунги кунга қадар мазкур лойиҳа вазирликлар, идоралар, шунингдек, жамоатчиликнинг қўшимча асосланган таклиф ва мулоҳазаларини олиш мақсадида муҳокамага тақдим этилди.
Қўмита томонидан тайёрланган таклифлар оммавий ахборот воситалари, блогерлар ва жамоатчилик томонидан ижобий қабул қилинганлигини мамнуният билан қабул қилдик, бу эса Монополияга қарши курашиш қўмитасининг керакли йўналишда ҳаракат қилаётганлигини кўрсатади.
Шу билан бирга, оммавий ахборот воситалари, блогерлар ва кенг жамоатчиликдан кўриб чиқилаётган ҳужжат тегишли тасдиқлаш тартиб-қоидаларини талаб қилувчи ва якуний қарор эмаслиги, балки лойиҳа босқичида эканлигига эътибор қаратишлари сўралади.
Ушбу лойиҳада кўзда тутилган чора-тадбирларни амалга оширишнинг ўзига хос шартлари ва механизмлари тегишли вазирлик ва идоралар билан биргаликда янада аниқлаштирилади ва такомиллаштирилади.
Натижада лойиҳа белгиланган тартибда Ҳукуматга киритилиши маълум қилинади.