Жорий йилнинг 9 ойи мобайнида да Монополияга қарши курашиш қўмитаси ва унинг ҳудудий бошқармалари томонидан иқтисодий концентрация бўйича битимлар тузиш билан боғлиқ жами 156 та мурожаат кўриб чиқилди. Шундан, 23 таси хўжалик юритувчи субъектларнинг акциялари ва улушларини сотиб олиш бўйича, 57 таси хўжалик юритувчи субъектларни қўшиб юбориш ва қўшилиб олиш бўйича.
Натижада 108 та ҳолат бўйича битим тузишга розилик берилди, 48 та ҳолат бўйича монополияга қарши орган розилиги талаб этилмаслиги маълум бўлди.
Иқтисодий концентрация бўйича битимларни тузиш бўйича тушган мурожаатларни кўриб чиқиш динамикаси
- 2018 й.
- 2019 й.
- 2018 й.
- 2019 й.
Олиб борилган ўрганишлар давомида тегишли товарлар бозорлари таҳлил қилинди, натижада режалаштирилаётган қўшилиб кетишлар ва акцияларни (улушларни) сотиб олиниши тегишли бозорда рақобатни чеклаши ёки маълум бир хўжалик юритувчи субъектни устун мавқега эга бўлиб қолишига олиб келмаслиги маълум бўлди.
Эслатма: Битимда иштирок этаётган юридик шахслар активларининг жами баланс қиймати ёки охирги календарь йилда товарларни реализация қилишдан олинган жами тушум энг кам ойлик иш ҳақининг юз минг баробари миқдоридан ортиқ бўлса ёхуд битим иштирокчиларидан бири товар ёки молия бозорида устун мавқега эга бўлса, хўжалик юритувчи субъектларни қўшилиб кетиши ёки қўшиб олиниши ёхуд хўжалик юритувчи субъектнинг 50 фоиздан ортиқ акцияларини (улушини) тасарруф этиш бўйича Монополияга қарши курашиш қўмитасининг олдиндан рухсати олинади.