2019 йил октябрь ойи мобайнида Монополияга қарши курашиш қўмитаси марказий аппарати ва унинг ҳудудий бошқармаларига хўжалик юритувчи субъектларни қўшиб олиш ва қўшиб юбориш ҳамда хўжалик юритувчи субъектларнинг устав фондидаги (капиталидаги) акцияларни (улушларни) олиш бўйича битимларга олдиндан розилик бериш бўйича жами 9 та мурожаатлар келиб тушди. Шундан, 7 таси хўжалик юритувчи субъектларнинг акциялари ва улушларини сотиб олиш бўйича, 2 таси хўжалик юритувчи субъектларни қўшиб юбориш бўйича.
Барча мурожаатлар белгиланган тартибда кўриб чиқилди. 3та мурожаат бўйича монополияга қарши органнинг розилиги керак бўлмади, 6 та мурожаат юзасидан тегишли бозорлар чуқур таҳлил қилиниб, Қўмита махсус комиссиясининг тегишли қарорлари билан битимларга розилик берилган.
Жорий йилнинг октябр ойида Қўмита томонидан олдиндан розилик берилган битимларнинг умумий қиймати 235,4 млрд. сўмни ташкил этиб, шундан 37,5 млрд. сўмлик (15,9 фоиз) битимлар хорижий инвесторлар ҳиссасига тўғри келган.