“Suntronix PTE LTD” (Сингапур) компанияси консалтинг хизмат кўрсатиш учун, “Халқ банки” АЖ томонидан ўтказилган тендердан асоссиз равишда чиқариб юборилгани ҳақида Монополияга қарши курашиш қўмитасига мурожаат этади. Ушбу ариза юзасидан Қўмитанинг Савдоларни назорат қилиш бошқармаси ўрганиш ишларини бошлайди.
Танлов комиссиясининг тасдиқланган баённомасига кўра, “Suntronix PTE LTD” компаниясининг четлатилишига сабаб қилиб, ташкилотнинг керакли ҳужжатларни тақдим этмагани ва тажрибаси талаб даражада эмаслиги қилиб кўрсатилинган. Лекин, танлов ҳужжатларида бу каби четлатилиш кўзда тутилмаган. (Танловда иштирок этаётган иштирокчиларга қўйилган талабда, иштирокчи бу каби лойиҳаларда олдин ҳам қатнашган ва камида 3 марта лойиҳаларни амалга оширган бўлиши керак бўлган. Талабга кўра ҳар бир иштирок этган лойиҳаси учун 1 балл, қатнашмаган бўлса, 0 бал ҳисобланиши белгиланган.)
“Suntronix PTE LTD” компанияси ўзи тақдим этган ҳужжатларда бошқа танловдаги лойиҳаларда 4 марта иштирок этгани ва бу борада тажрибаси борлиги кўрсатилган.
Шунингдек, танлов ҳужжатлари ижрочининг шахсий таркибига балл беришни назарда тутади. Масалан, камида университет магистри даражаси бўлган 2 та мутахассис бўлса, молия муассасаларида камида 10 йил иш стажи, камида 2 та лойиҳада давлат улуши бўлган тижорат банкларини конвертация қилиш тажрибаси мавжуд бўлса, яна қўшимча 1 балл берилади, агар бўлмаса 0 балл.
“Suntronix PTE LTD” компанияси тақдим этган 5 та мутахассисдан 2 таси танловдаги шартларга тўлиқ мос тушади, бу эса ўз навбатида ташкилотни танловларда иштирокини таъминлаши керак эди.
Лекин, “Suntronix PTE LTD” компанияси танлов шартларида кўрсатилинмаган кўплаб бошқа сабаблар бўйича четлатилган.
Шу билан бирга, танловдан сўнг ғолиб деб эълон қилинган “TA Consult” (Буюк Британия) компаниясининг нарх таклифи 284000 АҚШ долларини ташкил этди, 227.200 АҚШ долларлик чегирмани ҳисобга олганда.
Шу билан бирга, “TA Consult” га чегирма бериш шарти шартнома умумий суммасининг 70 фоизини олдиндан тўлашни назарда тутади, шартнома шартларига кўра (шартнома танлов ҳужжатига илова), олдиндан тўлаш шартноманинг умумий қийматининг 50 фоизини ташкил этиши керак.
Юқоридагиларни инобатга олиб, “Рақобат тўғрисида” ги қонуннинг 14-моддаси бўйича ўрнатилган тартибда иш қўзғатилиб, Қўмита махсус комиссияси томонидан аниқланган қонун бузилишларини бартараф этиш кўрсатмаси берилди.
Аммо, “Халқ банки” АЖ ушбу қарор устидан юқори турувчи инстация судга даъво аризаси билан чиқди. Суд ўз ўрнида барча маълумот ва ҳужжатларни ўрганиб чиқиб, Монополияга қарши курашиш қўмитаси томонидан берилган кўрсатмани бажарилиши юзасидан қарор қабул қилди.
Монополияга қарши кураши қўмитаси Матбуот хизмати