“StageWise Strategies Corp.” компанияси томонидан “Teg SPV” МЧЖ улушларини олиш бўйича иқтисодий концентрация битимига розилик берилди
Рақобат қўмитаси Америка Қўшма Штатларининг “StageWise Strategies Corp.” компанияси томонидан “Teg SPV” МЧЖнинг 100 фоиз улушларини олиш бўйича иқтисодий концентрация битимига розилик олиш юзасидан аризани кўриб чиқди.
“StageWise Strategies Corp.” – веб-сайтларни қидирув тизимларида ривожлантириш ва ахборот воситаларини тақдим этиш фаолияти билан шуғулланувчи компания;
“Teg SPV” МЧЖ эса Ўзбекистонда бир нечта корхоналарга эгалик қилувчи, ҳолдинг фаолиятини амалга оширувчи ташкилот ҳисобланади.
Қўмитанинг Махсус комиссияси томонидан ўтказилган таҳлил натижаларига кўра, мазкур битим бозорда рақобат муҳитига салбий таъсир кўрсатмаслиги бўйича хулосага келинди ва аризани қаноатлантириш ҳамда битимга розилик бериш ҳақида қарор қабул қилинди.
