O‘zbekiston Respublikasi Prezidentining farmoni
O‘zining yorqin iste’dodi, yuksak professional mahorati, ko‘p yillik samarali ijodiy faoliyati bilan o‘zbek estrada san’atini rivojlantirish, uning shon-shuhratini xalqaro miqyosda keng targ‘ib etish, xalqlar o‘rtasida madaniy aloqalar, o‘zaro do‘stlik va hamjihatlikni mustahkamlashga qo‘shgan katta hissasi, navqiron iqtidor egalarining qobiliyatini ro‘yobga chiqarish, xalqimiz, ayniqsa, yoshlarni Vatanga muhabbat va sadoqat, milliy va umuminsoniy qadriyatlarga hurmat ruhida tarbiyalash borasidagi alohida xizmatlari hamda «Yalla» ansambli tashkil etilganining 50 yilligi munosabati bilan quyidagilar mukofotlansin:
«El-yurt hurmati» ordeni bilan
Zakirov Farrux Karimovich – «Yalla» ansambli badiiy rahbari
«Do‘stlik» ordeni bilan
Aliyev Abbos Saidovich – «Yalla» ansambli sozandasi
Toxtayev Javlon Ramzitdinovich – «Yalla» ansambli sozandasi
Xalikov Igor Yakubovich – «Yalla» ansambli direktori
Xalikov Timur Pulatovich – «Yalla» ansambli sozandasi
O‘zbekiston Respublikasi Prezidenti Sh.Mirziyoyev
