Toshkentda Raqobat qo‘mitasi va O‘zbekiston Marketing Assotsiatsiyasi hamkorligida tashkil etilgan Uchinchi xalqaro marketing biznes-forumi — Tashkent Marketing Forum 2025 boshlandi. Tadbir Raqobatni rivojlantirish va iste’molchilar huquqlarini himoya qilish qo‘mitasi rahbariyati tomonidan ochib berildi.
Xalqaro marketing konferensiyasi doirasida ishtirokchilar biznesni marketing yordamida rivojlantirishning asosiy trendlari va dolzarb masalalarini muhokama qilishadi. Tadbirda 70 dan ortiq mahalliy va xorijiy marketing sohasi ekspertlari ishtirok etmoqda. Forum dasturida besh paralel sessiya bo‘lib, ularda ekspertlar ilg‘or strategiyalar va muvaffaqiyatli ish tajribalari bilan o‘rtoqlashadilar.
