Рақобатни ривожлантириш ва истеъмолчилар ҳуқуқларини ҳимоя қилиш қўмитаси ички аудит хизматининг 2025-йил фаолияти натижалари бўйича
ЙИЛЛИК ҲИСОБОТИ
- Умумий маълумотлар.
Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Ички аудит, коррупцияга қарши курашиш ва ҳуқуқни қўллаш амалиётини ўрганиш бўлими 3 та штат бирлиги (1 та бўлим бошлиғи ва 2 та бош мутахассис) дан иборат бўлиб, ушбу лавозимлардан 1 таси ички аудит йўналишида фаолият юритувчи (ички аудит бўйича миллий малака сертификатига эга) бош мутахассис ҳисобланади. Шунингдек, Қўмитада 17 та тизим ташкилотлари мавжуд.
- Ички аудит йиллик режасида тасдиқланган ички аудит тадбирларининг ҳисобот даврида режалаштирилган қисмининг бажарилиши ҳолати.
Ўзбекистон Республикаси Молия вазирининг 2022-йил 22-ноябрдаги 63-сон буйруғига билан тасдиқланган (Ўзбекистон Республикаси Адлия вазирлиги томонидан2022 йил 27 декабрда 3406-рақам билан рўйхатдан ўтган) “Ички аудит тадбирларини ўтказиш Қўлланмаси”га ҳамда Вазирликнинг 2022-йил 3-октябрдаги 52-сон буйруғи билан тасдиқланган “Ички аудит миллий стандартлари”га асосан ички аудит объектларини аниқлаш мақсадида ўтказилган баҳолаш натижаларига кўра, 2025-йилда Қорақалпоғистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Бухоро, Самарқанд, Тошкент, Фарғона вилояти ва Тошкент шаҳар ҳудудий бошқармаларида ички аудит тадбирлари ўтказилиши лозимлиги кўрсатилган.
Шунга кўра, ички аудит тадбирлари режа графиги ишлаб чиқилиб, ўрнатилган тартибда Ўзбекистон Республикаси Ҳисоб палатаси билан келишилган ҳолда тасдиқланган. Мазкур график асосида 2025-йилда Қорақалпоғистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Бухоро вилояти ҳудудий бошқармаси, Самарқанд вилояти ҳудудий бошқармаси, Тошкент вилояти ҳудудий бошқармаси, Фарғона вилояти ҳудудий бошқармаси ва Тошкент шаҳар ҳудудий бошқармаларида ички аудит тадбирлари ўтказилди, графикда белгиланган тадбирлар тўлиқ бажарилиши таъминланди.
Мазкур ўтказилган Ички аудит тадбирлари давомида асосан ички аудит объектидаги бухгалтерия ҳисобининг юритилиши, иш ҳақи ва унга тенглаштирилган тўловларнинг ҳисобланиши ва тўланиши, шунингдек хизмат сафари харажатларининг тўғри ҳисобланиши юзасидан жами 57 ҳолатда 36,7 млн. сўмлик молиявий хато ва камчиликлар аниқланиб, 6 ҳолатда 24,1 млн. сўмлик ноқонуний харажатларнинг олди олинишига эришилди.
Ҳисобот даврида Жиззах вилояти ҳудудий бошқармасида режадан ташқари ички аудит тадбири ўтказилди ва 1 ҳолатда 4,1 млн. сўмлик молиявий хато камчиликлар аниқланиб, ушбу ноқонуний харажатлар белгиланган тартибда ички аудит объектларининг тегишли шахсий ҳисоб рақамларига ундирилди.
Бундан ташқари, ўтказилган масофавий аудит тадбирлари натижасида Навоий вилояти ҳудудий бошқармасида 1 ҳолатда чет элга чиқиб кетган ходимга 0,2 млн. сўм, Бухоро вилояти ҳудудий бошқармасида 3 ҳолатда 5,2 млн. сўм, Жиззах вилояти ҳудудий бошқармасида 1 ҳолатда 4,1 млн. сўм жами 9,6 млн. сўмлик иш ҳақи ва унга тенглаштирилган тўловлар ортиқча ҳисобланиб, ортиқча тўловлар амалга оширилганлиги аниқланди ва ушбу ноқонуний харажатлар белгиланган тартибда ички аудит объектларининг тегишли шахсий ҳисоб рақамларига ундирилди.
Ушбу аниқланган молиявий хато камчиликларнинг юзага келишининг асосий сабаби ички аудит объекти бош ҳисобчисининг бухгалтерия ҳисобининг юритилиши, меҳнатга ҳақ тўланиши ҳамда хизмат сафари харажатларининг тўланиши бўйича амалдаги норматив-ҳуқуқий ҳужжатларни тўлиқ ўрганиб чиқмаганлиги, шунингдек охирги қабул қилинаётган норматив-ҳуқуқий ҳужжатлар билан танишмаганлиги оқибатида юқоридаги молиявий хато камчиликларга йўл қўйилганлиги маълум бўлди.
- Ҳисобот даврида ўтказилиши режалаштирилган, лекин амалга оширилмаган ички аудит тадбирлари тўғрисидаги маълумотлар.
Ҳисобот даврида ўтказилиши режалаштирилган, лекин амалга оширилмаган ички аудит тадбирлари мавжуд эмас.
- Ички аудит объектлари томонидан чора-тадбирлар режасининг бажарилиши тўғрисидаги маълумотлар.
2025-йил Ички аудит йиллик режасига ва режадан ташқари ўтказилган ички аудит тадбирига мувофиқ, 2025-йил давомида ички аудит тадбирлари натижасида берилган 45 та таклиф ва тавсияларнинг бажарилиши юзасидан ички аудит объектлари томонидан чора-тадбирлар режаси ишлаб чиқилиб, шундан 2 та таклиф ва тавсиялар ҳисобот даврида бажарилмади.
Ички аудит объектларида асосан хизмат сафарига юборилган ходимларнинг намунавий иш режаларини, рўйхатга олиш махсус журналларининг юритилишни, хизмат сафари якунлари бўйича якуний ҳисоботларни расмийлаштиришни Ўзбекистон Республикаси Вазирлар Маҳкамасининг 2018-йил 2-августдаги 424-сон қарори иловаси билан тасдиқланган Ўзбекистон Республикаси ҳудудида хизмат сафарлари тўғрисидаги Низомга мувофиқ ташкил этиш юзасидан таклиф ва тавсиялар берилди.
- Ҳисоб палатасининг «Масофавий назорат» ААТ орқали келиб тушган хавф таҳлиллари.
Ҳисобот даврида Ҳисоб палатасининг “Масофавий назорат” ААТ орқали “Бюджет ташкилотларида ишловчиларнинг 4 ва ундан ортиқ даромад манбаига эга фуқаролар” йўналишида 3 ҳолатда 58,4 млн. сўм, “Аффилланганлик таҳлили (Uzex AI)” йўналишида 41 ҳолатда 12 789,9 млн. сўм, “Аффилланганлик таҳлили” йўналишида 1 ҳолатда 83 млн. сўм, “Дебитор қарздорликлар” йўналишида 6 ҳолатда 15,3 млн. сўм, “Бюджет ташкилотлари ходимлари иш ҳақисини УзАСБО ва Солиқ органлари маълумотлари базасини ўзаро солиштириш” йўналишида 88 ҳолатда 39,2 млн. сўм жами 139 ҳолатда 12 985,7 млн. сўм молиявий хато ва камчиликларнинг олди олинган.
- Давлат органи ва ташкилоти тизимидаги бюджет ҳисобидан молиялаштирилмайдиган нобюджет муассаса ва ташкилотларда молиявий-хўжалик фаолияти бўйича ўтказилган назорат ишларига оид ҳужжатларнинг мониторинги юзасидан амалга оширилган ишлар
Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги “Рақамли трансформация ва аутсорсинг маркази” давлат муассасасининг молиявий-хўжалик фаолияти «BUSINESS AUDIT TODAY» МЧЖ томонидан 2025-йил июн ойида ташқи аудитдан ўтказилиши бошланган, ҳисобот даврида аудит тадбири якунланмаганлиги сабабли назорат иши давомида аниқланган молиявий камчиликлар суммаси кўрсатилмади.
- Ички аудит хизмати ходимларининг фаолияти самарадорлигини баҳолаш натижалари.
Ҳисобот даври якуни бўйича Рақобатни ривожлантириш ва истеъмолчилар ҳуқуқларини ҳимоя қилиш қўмитаси Ички аудит хизмати ходимлари фаолиятининг самарадорлигини баҳолаш натижаси юзасидан йиғма кўрсаткич 99 % ни (“аъло”) ташкил этди. Жумладан: Бюджет тўғрисидаги қонунчилик бузилиши ҳолатларининг олдини олишдаги натижалари 30 %, Масофавий назоратни амалга оширишдаги натижалар 30%, Ички аудит йиллик режасида ходим масъул бўлган ички аудит тадбирларининг ўтказилиши 20%, Берилган таклиф ва тавсияларнинг ижроси 19 % ни ташкил этди.