TURKIY DAVLATLAR TAShKILOTINING YETAKChI TAHLIL MARKAZLARI XALQARO ANJUMANI BO‘LIB O‘TDI

«Turkiy Davlatlar Tashkilotiga a’zo davlatlari o‘rtasidagi savdo salohiyatini kengaytirish: qo‘shma tadqiqotlar va strategik yechimlar» mavzusida Turkiy Davlatlar Tashkilotining yetakchi tahlil markazlari ishtirokida unga a’zo davlatlar o‘rtasidagi savdo, raqamli iqtisodiyot, infratuzilma loyihalari va barqaror rivojlanish masalalariga bag‘ishlangan xalqaro anjuman bo‘lib o‘tdi.
Anjumanda Qo‘mita huzuridagi Raqobat siyosati va iste’molchilar huquqlari tadqiqotlari markazi direktori O.Jumayev «Raqamli savdo platformalarini rivojlantirishda raqobat siyosatining roli» mavzusidagi ma’ruzasi bilan ishtirok etdi.
Shuningdek, tadbir davomida Raqobat siyosati va iste’molchilar huquqlari tadqiqotlari markazi Ozarbayjon Respublikasining Iqtisodiy ilmiy tadqiqotlar instituti (ESRI) va Qozog‘iston Respublikasining Yevroosiyo tadqiqotlar instituti (ERI) bilan o‘zaro hamkorlik to‘g‘risida memorandumlar imzoladi.