Joriy yilning 11-yanvar kuni O‘zbekiston farmatsevtika sanoatida narxlarni tartibga solish bilan bog‘liq qator masalalar va sohadagi ohirgi o‘zgarishlar, tarmoqga joriy etilayotgan yangi mexanizmlar yuzasidan farmatsevtika mahsulotlari ishlab chiqaruvchi tadbirkorlar bilan davra suhbati bo‘lib o‘tdi.
Tadbirda Raqobat qo‘mitasi va boshqa ma’sul davlat tashkilotlari vakillari ishtirok etdi.
Qo‘mita vakillari tomonidan dori vositalari narxlari tartibga solinishi jihatidan xorij tajribasiga to‘xtalib o‘tildi hamda Qo‘mita tomonidan o‘tkazilgan o‘rganishlarda ayrim dori vositalarining chakana narxlari cheklangan narxlardan keskin yuqoriligi haqida maʼlumot berib o‘tildi.
