photo_2023-09-28_14-39-18

ХАЛҚАРО ҲАМКОРЛИК: ҚЎМИТА ВА EВРООСИЁ ИҚТИСОДИЙ КОМИССИЯСИ
Жорий йилнинг 28-29 сентябрь кунлари Россия Федерацияси пойтахти Москва шаҳрида Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва Евроосиё иқтисодий комиссиясининг монополияга қарши тартибга солиш блоки вакиллари билан учрашув бўлиб ўтди.

Тадбирдан кўзланган асосий мақсад Ўзбекистон Республикаси ва Евроосиё иқтисодий комиссияси ўтказаётган тадқиқотлар, жумладан, рақамли бозорлар бўйича тажриба алмашишдан иборат эди.

Йиғилишда қўмита раиси ўринбосари Фаррух Карабаев Ўзбекистон Республикасининг рақобат тўғрисидаги қонунчилигига киритилган ўзгартиришлар, Ўзбекистон Республикасида Рақамли трансформация ва аутсорсинг маркази (“ФАИР TECH” ахборот тизими) ташкил этиш тўғрисида маълумот бериб, тақдимот қилди.

Шунингдек, томонлар Ўзбекистон Республикасида дори воситаларининг референт нархлари устидан назоратни таъминлаш ва Евроосиё иқтисодий иттифоқида нархларни тартибга солиш бўйича тажриба алмашдилар.

Учрашув якунида томонлар Меморандум доирасидаги ҳамкорликни янада ривожлантириш истиқболларини муҳокама қилдилар.

3

Халқаро ҳамкорлик

 

Рақобатни ривожлантириш ва истеъмолчилар ҳуқуқларини ҳимоя қилиш қўмитаси раҳбарияти бошчилигидаги делегация Корея Республикаси пойтахти Сеул шаҳрида бўлиб ўтаётган Жанубий-Шарқий Осиё давлатлари Ассотсиатсияси, МДҲ давлатлари рақобат органлари, Корея Республикаси Адолатли савдо комиссиясининг 1-чи Саммити ҳамда 12-чи Сеул Халқаро рақобат Форумида иштирок этмоқда.

Ушбу нуфузли халқаро тадбир доирасида, бугун, 2023-йил 7-сентябр куни Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Корея Республикаси Адолатли савдо комиссияси (КФТC) мутасаддилари ўртасида раҳбарият даражасидаги учрашув бўлиб ўтди.

Учрашувда, жумладан, икки идора ўртасида рақобатни ривожлантириш ва истеъмолчилар ҳуқуқларини ҳимоя қилиш соҳасида ўзаро англашув ҳамда ҳамкорлик тўғрисидаги Меморандумни имзолашга келишилди.

Мазкур меморандум доирасида ўрганилган хорижий амалиётларни Қўмита фаолиятида тизимли жорий этиш юзасидан тегишли тадбирлар ўтказиш, олинган билим ва кўникмалар асосида Қўмита ходимлари салоҳиятини оширишга қаратилган ўқув-семинар тренинглар ташкил этиш, миллий иқтисодиётнинг рақобат базасини янада яҳшиланишига қаратилган Корея Республикасининг монополияларга қарши курашиш, рақобат муҳитини тартибга солиш ва ривожлантириш, истеъмолчилар ҳуқуқларини ҳимоя қилиш соҳаларидаги илғор тажрибасини ўрганиш, истиқболдаги ҳамкорликни йўлга қўйиш бўйича лойиҳаларни амалга ошириш имконияти кўриб чиқилди.

Учрашув доирасида, шунингдек, янги таҳрирдаги “Рақобат тўғрисида”ги Ўзбекистон Республикаси қонунининг мазмун-моҳияти, унга киритилган муҳим янгиликлар муҳокама қилинди.

Бундан ташқари, рақамли бозорда рақобат қонунларини тартибга солиш
(ех анте/ех пост тартибга солиш), замонавий иқтисодиётда қўшиб юбориш бўйича келишувларни самарали коъриб чиқиш, рақамли платформалами тартибга солиш, рақамли бозорларда рақобат тўғрисидаги қонунчиликга амал қилинишини таъминлаш, давлат харидлари соҳасидаги рақобатни қўллаб-қувватлаш,  истеъмолчилар ҳуқуқларини ҳимоя қилиш ҳамда реклама бозорини тартибга солиш йўналишларида тажриба алмашиш юзасидан музокаралар бўлиб ўтди.

1

Германия Халқаро ҳамкорлик жамияти (ГИЗ) вакиллари билан учрашув бўлиб ўтди

Жорий йилнинг 29 август санасида Германия Халқаро ҳамкорлик жамияти барқарор ривожланиш бўйича лойиҳа раҳбари Беате Шореит бошчилигидаги вакиллар билан Рақобатни ривожлантириш ва истеъмолчилар ҳуқуқларини ҳимоя қилиш қўмитаси мутасаддилари ўртасида учрашув бўлиб ўтди.

Мазкур учрашувда “Рақобат тўғрисида”ги янги қонун ва истиқболдаги ҳамкорликни йўлга қўйиш бўйича лойиҳалар муҳокама қилинди.

photo_2023-06-08_11-11-56

ҚЎМИТА РАҲБАРИЯТИ «GERMAN SPARKASSENSTIFTUNG» МУТАСАДДИЛАРИ БИЛАН УЧРАШУВ ЎТКАЗДИ

Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси Ш.Шарахметов бошчилигидаги мутасаддилар халқаро ҳамкорлик бўйича «German Sparkassenstiftung» вакиллари билан музокаралар ўтказишди.
Ўтказилган музокаралар доирасида ҳамкорликда амалга оширилган ишлар, томонлар ўртасида янги Меморандумни имзолаш бўйича ҳамкорлик қилиш ва ҳамкорликнинг истиқболдаги режалари муҳокама қилинди.
5

Халқаро семинар

Рақобатни ривожлантириш ва истеъмолчилар ҳуқуқларини ҳимоя қилиш қўмитаси вакиллари «Марказий Осиё мамлакатларида адолатли тарифларга эришиш учун хизматлар нархини тартибга солиш» мавзусига бағишланган семинарда иштирок этмоқда.

Бугун, 2023 йил 17 май куни Тошкент шаҳридаги “Radisson Blu Tashkent” меҳмонхонасида «Марказий Осиё мамлакатларида адолатли тарифларга эришиш учун хизматлар нархини тартибга солиш» мавзусига бағишланган семинар бўлиб ўтмоқда.
Мазкур семинар АҚШ Халқаро тараққиёт агентлигининг (USAID) «Марказий Осиёда энергетика соҳасини тартибга солиш бўйича ҳамкорлик» лойиҳаси доирасида, Ўзбекистон Республикаси Энергетика вазирлиги ҳамда АҚШнинг Коммунал хизматларни тартибга солиш миллий ассоциацияси (NARUC) билан ҳамкорликда ташкил этилмоқда.
Ўз навбатида, халқаро аудиторлик-консалтинг компанияси “KPMG” экспертлари ва NARUC вакили иштирокида олиб борилаётган ушбу семинарда Энергетика вазирлиги, «Ўзбекистон миллий электр тармоқлари» АЖ, «Ҳудудий электр тармоқлари» АЖ, «Иссиқлик электр станциялари» АЖ вакиллари ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитаси мутасаддилари иштирок этмоқда.

Эслатиб ўтамиз, NARUC томонидан жорий йилнинг 6-9 ҳамда 13-16 февраль кунлари Тошкент шаҳридаги “Radisson Blu Tashkent” меҳмонхонасида «Марказий Осиё мамлакатларида энергетика соҳасида адолатли таърифларга эришиш учун хизматлар кўрсатиш тан нархини тартибга солиш» мавзусига бағишланган тўртта техник модуллардан иборат ўқув курсида Қўмита мутасаддилари иштирок этган.

Бошқарма ходимлари халқаро молия институтлари ва бошқа мамлакатларнинг монополияга қарши идоралари билан мунтазам равишда ўзаро ҳамкорлик қилишади.

2020 йилдан бошлаб Монополияга қарши курашиш қўмитаси Жаҳон банкининг институционал салоҳиятини ошириш лойиҳасида иштирок етмоқда. Лойиҳа доирасида товар ва молия бозорларида рақобатбардош таҳлилни ўтказиш, монополияга қарши қонунчиликни ривожлантириш методологиясини ишлаб чиқиш, ўқув семинарларини ташкил етиш ва турли мамлакатларнинг рақобат органлари билан тажриба алмашиш чоралари кўрилмоқда.

Бирлашган Миллатлар Ташкилотининг Савдо ва Тараққиёт Конференцияси (УНCТAД) билан монополияга қарши тартибга солиш ва рақобатни ривожлантириш соҳасидаги узоқ муддатли ҳамкорлик ва Бирлашган Миллатлар Ташкилотига аъзо мамлакатларнинг рақобат соҳасидаги илғор тажрибаларини татбиқ етиш тўғрисида келишувга еришилди.

Иқтисодий ҳамкорлик ва ривожланиш ташкилоти (ОЕCД) вакиллари билан ҳамкорлик ривожланмоқда. Хусусан, 2020 йил феврал ойида Монополияга қарши курашиш қўмитасининг вакиллари Франциянинг Париж шаҳрида бўлиб ўтган ОЕCД Очиқ Рақобат кунида иштирок етишди ва уларда монополияга қарши қонунларнинг сўнгги тенденциялари муҳокама қилинди.

Европада Хавфсизлик ва Ҳамкорлик Ташкилоти (ЙХҲТ) вакиллари билан ўзаро алоқалар мунтазам равишда олиб борилмоқда. 2020 йилда корхоналарда монополияга қарши талабларни бажариш бўйича ўқув тадбирларини ўтказиш режалаштирилган.

Қўмита ходимлари Брюсселда Ўзбекистон Республикаси ва Европа Иттифоқи ўртасида Кенгайтирилган шериклик ва ҳамкорлик тўғрисидаги битимга (СРПС) қўшилиши бўйича музокараларда мунтазам қатнашадилар. Музокаралар давомида Монополияга қарши курашиш қўмитаси ходимлари ушбу Битимга рақобат қоидаларини, маълумот алмашиш тўғрисидаги қоидаларни ва монополияга қарши тартибга солиш соҳасидаги илғор тажрибаларни, шунингдек, монополияга қарши амалиётларни ҳисобга олиш ва уларга риоя қилиш зарурлигини киритиш тўғрисида келишиб олиш зарурлигини таъкидладилар.