Tashqi reklamani joylashtirish tartibi tadbirkorlar foydasiga qayta ko\u2018rib chiqilmoqda<\/p>\n
Qo\u2018mita tomonidan tashqi axborot vositalarini tizimli tartibga solish, tashqi yozuvlarni o\u2018rnatish va ulardan foydalanishni nazorat qilish hamda joylashtirish tartibini nazarda tutuvchi Tashqi yozuvlarni tartibga solish to\u2018g\u2018risidagi nizomni tasdiqlash haqidagi Vazirlar Mahkamasining qarori loyihasi (ID-9160) tayyorlangan.<\/p>\n
Mazkur hujjat bilan amaliyotda turli kelishmovchilikni keltirib chiqarayotgan va qonunchilikdagi bo\u2018shliq hisoblangan ayrim jarayonlarga va tushunchalarga aniqlik kiritilmoqda. Xususan, \u201ctashqi axborot vositasi, \u201ctashqi yozuv\u201d, axborot ko\u2018rsatkichi\u201d, \u201cpeshlavha\u201d, \u201ce\u2019lon\u201d, \u201cma\u2019lumotlar taxtasi\u201d kabi tushunchalarga aniq tarif berilmoqda.<\/p>\n
Bunda, \u201ctashqi axborot vositasi\u201d va \u201ctashqi yozuvlar\u201d tashqi muhitga qaratilgan hamda tijorat maqsadi ko\u2018zlanmagan axborot, ya\u2019ni reklama tusiga ega bo\u2018lmagan vositalar hisoblanib, tashqi axborot vositalarini ularga reklama yoki tijorat tusiga ega bo\u2018lgan axborot yoki tasvirni joylashtirish orqali o\u2018rnatishga va foydalanishga yo\u2018l qo\u2018yilmaydi.<\/p>\n
Shuningdek, peshlavhalar \u2013 savdo, umumiy ovqatlanish va maishiy xizmat ko\u2018rsatish obyektlarida faoliyati tasnifi (tashkilot nomi, ixtisoslashuvi) to\u2018g\u2018risidagi ma\u2019lumot hisoblanib (misol uchun: dorixona, sartaroshxona, AYOQSH, milliy taomlar, supermarket, shifoxona, oziq-ovqat, qurilish va xo\u2018jalik mollari do\u2018koni), bunday peshlavhalar tashqi reklama obyekti hisoblanmaydi va reklama joyining pasportini olish shart emas.<\/p>\n
Ya\u2019ni, muayyan tadbirkorlik subyekti egallab turgan binoning tashqi tomonida binoga kirish joyida o\u2018zi va faoliyat turi (ixtisosligi) to\u2018g\u2018risida joylashtirilgan yoki mazkur tadbirkorning mahsuloti haqida shu bino vitrinasidagi axborot (peshlavha) reklama hisoblanmaydi va buning uchun tegishli ruxsat etish xususiyatidagi hujjatlarni olish hamda to\u2018lovlarni amalga oshirish talab etilmaydi.<\/p>\n
Ma\u2019lumot uchun: reklama obyektiga e\u2019tiborni jalb qilish, unga bo\u2018lgan qiziqishni shakllantirish yoki qo\u2018llab-quvvatlash, shuningdek uni bozorda bevosita yoki bilvosita foyda (daromad) olish maqsadida ilgari surish uchun mo\u2018ljallangan maxsus axborot \u2013 reklama hisoblanadi.<\/p>\n
Ta\u2019kidlash joizki, xususiy mulk bo\u2018lgan binolarda tashqi reklama konstruksiyalarini joylashtirish huquqini beruvchi reklama joyining pasportini rasmiylashtirish bevosita mahalliy hokimliklar tomonidan, Toshkent shahrida esa hokimlik huzuridagi Raqamli rivojlanish departamenti tomonidan amalga oshiriladi.<\/p>\n
Qo\u2018mita o\u2018z navbatida, reklama mazmunining, ya\u2019ni kontentni reklama qonunchiligi talablariga mosligi ustidan davlat nazoratini amalga oshiradi.<\/p>\n
Raqobat qo\u2018mitasi mamlakatimizdagi barcha yuridik shaxslar(tadbirkorlik subyektlari)ni, ish yurituvchi kompaniyalar va tashkilotlarni, shuningdek fuqarolik jamiyati institutlari hamda keng jamoatchilik vakillarini mazkur loyiha muhokamasida faol ishtirok etishga chorlaydi. Sizdan kelib tushgan har bir taklif o\u2018rganilib, loyihani yanada takomillashtirishga xizmat qiladi.<\/p>\n
Ushbu loyiha bilan belgilanayotgan yangi tartiblar Davlatimiz rahbari tomonidan ham ma\u2019qullanib, uning dolzarbligi yana bir bor ta\u2019kidlandi. Hamda, uning ijrosi va amalda qo\u2018llanilishi bo\u2018yicha mutasaddi tashkilotlarga tegishli topshiriqlar berildi.<\/p>\n
🗓Loyiha muhokamasi joriy yilning 25-apreldan boshlangan, 10-mayga qadar davom etadi.<\/p>\n