Prezident Shavkat Mirziyoyev 2-fevral kuni Navoiy xalqaro aeroporti faoliyati samaradorligini oshirish hamda aviatsiya korxonalarini transformatsiya qilish yuzasidan taqdimot bilan tanishdi.<\/p>\n
Navoiy xalqaro aeroportining asosiy ko\u02bbrsatkichlari 2025-yilda 2024-yilga nisbatan o\u02bbsganiga qaramasdan, havo kemalariga xizmat ko\u02bbrsatish, yo\u02bblovchi va yuk tashish bo\u02bbyicha maksimal quvvatlaridan to\u02bbliq foydalanilmayapti.<\/p>\n
Shuningdek, aeroport infratuzilmasi, texnika parki, yuk va yo\u02bblovchi terminallarini modernizatsiya qilish, faoliyat jarayonlarini raqamlashtirish zarur.<\/p>\n
Taqdimotda Navoiy xalqaro aeroportini loyihaviy boshqaruv tamoyillari asosida rivojlantirish taklif etildi.<\/p>\n
Aeroportni \u201cUzbekistan Airports\u201d AJning markazlashgan operativ boshqaruv tizimidan ajratgan holda, unga mahalliy va xorijiy aviakompaniyalar bilan yo\u02bblovchi va yuk tashish, tranzit hamda texnik qo\u02bbnishlar bo\u02bbyicha mustaqil muzokaralar olib borish hamda shartnomalar tuzish huquqi beriladi.<\/p>\n
Aeroport daromadlarini uning infratuzilmasini modernizatsiya qilish, yoqilg\u02bbi rezervuarlarini kengaytirish, havo kemalarini ta\u02bcmirlash va bo\u02bbyash xizmatlarini joriy etishga yo\u02bbnaltirish orqali aviatsiya xizmatlari eksportini oshirish vazifalari belgilandi.<\/p>\n
Navoiy xalqaro aeroportini rivojlantirish bo\u02bbyicha ishlab chiqilgan biznes rejasi to\u02bbg\u02bbrisida axborot berildi. Unga ko\u02bbra, tijorat va noaviatsion faoliyat ko\u02bbrsatkichlari 50 foizga oshiriladi, 25 tadan ortiq aviakompaniyalarning doimiy parvozlari yo\u02bblga qo\u02bbyilib, qayta ishlanadigan yuk hajmi 20 ming tonnadan oshiriladi.<\/p>\n
Aeroport hududida havo kemalariga texnik va tijorat xizmatlari ko\u02bbrsatishga ixtisoslashgan \u201cporto-franko\u201d erkin bojxona zonasini tashkil etish taklif qilindi.<\/p>\n
2029-yil 1-yanvarga qadar havo kemalariga xizmat ko\u02bbrsatish uchun olib kiriladigan maxsus texnika va ehtiyot qismlar bojxona to\u02bblovlaridan ozod qilinadi. Shuningdek, hududdagi mehmonxona aeroport tasarrufiga o\u02bbtkazilishi belgilandi.<\/p>\n
Taqdimotda fuqaro aviatsiyasi korxonalarini transformatsiya qilish masalalariga alohida e\u02bctibor qaratildi.<\/p>\n
Korxonalar faoliyati samaradorligini oshirish va moliyaviy barqarorlikni ta\u02bcminlash maqsadida xarajatlarni qisqartirish, resurslardan oqilona foydalanish hamda asosiy faoliyat turiga xos bo\u02bblmagan xizmatlarni autsorsingga o\u02bbtkazish bo\u02bbyicha kompleks chora-tadbirlar haqida axborot berildi.<\/p>\n
Energiya tejovchi texnologiyalarni joriy etish, elektr energiyasida harakatlanuvchi maxsus transport vositalaridan foydalanish orqali ekspluatatsion xarajatlarni kamaytirish zarurligi qayd etildi.<\/p>\n
2026-yildan boshlab \u201cUzbekistan Airways\u201d va \u201cUzbekistan Airports\u201d aksiyadorlik jamiyatlari tomonidan nosohaviy faoliyatni moliyalashtirish to\u02bbxtatilishi belgilandi. \u201cUzbekistan Airports\u201d faoliyati 18 ta, \u201cUzbekistan Airways\u201d faoliyati esa 16 ta ustuvor vazifa asosida amalga oshiriladi.<\/p>\n
Jumladan, korxonalarda xizmatlar sifatini oshirish orqali raqobatbardoshlikni mustahkamlash, xizmat va mahsulot tannarxini hisoblashda maqbul metodologiyalarni joriy etish, ishlab chiqarish jarayonlarining barcha bosqichlarini raqamlashtirish, kadrlar tayyorlash va ularning malakasini oshirish ustuvor vazifalar sifatida belgilandi.<\/p>\n
Transformatsiya doirasida tashkiliy tuzilmalarni qayta ko\u02bbrib chiqish, shtat birliklarini maqbullashtirish, xalqaro kredit reytinglarini oshirish, IPOga chiqish hamda korporativ xalqaro obligatsiyalarni joylashtirish bo\u02bbyicha chora-tadbirlar amalga oshiriladi.<\/p>\n
Yig\u2018ilishda aviatsiya sohasida kadrlar tayyorlash tizimini tubdan takomillashtirish masalalari, jumladan, Fuqaro aviatsiyasi universiteti va uning qoshida aviatsiya texnikumini tashkil etish ishlarining borishi ko\u2018rib chiqildi.<\/p>\n
Ta\u02bclim muassasalari AQShning \u201cEmbry-Riddle\u201d, Fransiyaning \u201cENAC\u201d kabi yetakchi xalqaro aviatsiya ta\u02bclim markazlari bilan hamkorlikda tashkil etiladi. Universitetda bort kuzatuvchi, aviatsiya texnikasi bo\u02bbyicha mutaxassislar va mexaniklar kabi amaliy kasblar bilan birgalikda uchuvchilik, muhandislik, havo harakati dispetcherligi, boshqaruv bo\u02bbyicha ham kadrlar tayyorlash va ilmiy dasturlar yo\u02bblga qo\u02bbyiladi.<\/p>\n
Prezidentimiz takliflarni ma\u02bcqullab, mutasaddilarga tegishli topshiriqlar berdi.<\/p>\n","protected":false},"excerpt":{"rendered":"
Prezident Shavkat Mirziyoyev 2-fevral kuni Navoiy xalqaro aeroporti faoliyati samaradorligini oshirish hamda aviatsiya korxonalarini transformatsiya qilish yuzasidan taqdimot bilan tanishdi. Navoiy xalqaro aeroportining asosiy ko\u02bbrsatkichlari 2025-yilda 2024-yilga nisbatan o\u02bbsganiga qaramasdan, havo kemalariga xizmat ko\u02bbrsatish, yo\u02bblovchi va yuk tashish bo\u02bbyicha maksimal quvvatlaridan to\u02bbliq foydalanilmayapti. Shuningdek, aeroport infratuzilmasi, texnika parki, yuk va yo\u02bblovchi terminallarini modernizatsiya qilish, faoliyat…<\/p>\n","protected":false},"author":1,"featured_media":75532,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n