O\u2018zbekiston Respublikasi Prezidenti Shavkat Mirziyoyev 9-oktyabr kuni Dushanbe shahrida bo\u2018lib o\u2018tgan «Markaziy Osiyo – Rossiya» formatidagi ikkinchi sammitda ishtirok etdi.<\/p>\n
Tojikiston Respublikasi Prezidenti Emomali Rahmon raisligida o\u2018tgan tadbirda Rossiya Federatsiyasi Prezidenti Vladimir Putin, Qozog\u2018iston Respublikasi Prezidenti Qasim-Jomart Toqayev, Qirg\u2018iz Respublikasi Prezidenti Sadir Japarov va Turkmaniston Prezidenti Serdar Berdimuhamedov qatnashdi.<\/p>\n
Kun tartibiga muvofiq, ko\u2018p tomonlama sheriklikni yanada rivojlantirish, siyosiy, savdo-iqtisodiy, investitsiyaviy va madaniy-gumanitar sohalardagi hamkorlikni kengaytirish masalalari, shuningdek, xalqaro va mintaqaviy siyosatning dolzarb jihatlari ko\u2018rib chiqildi.<\/p>\n
Davlatimiz rahbari so\u2018zining avvalida Rossiya Prezidenti Vladimir Putinga Markaziy Osiyo bilan keng ko\u2018lamli strategik sheriklikni rivojlantirish tarafdori bo\u2018lib kelayotgani uchun minnatdorlik bildirib, uning tabiiy sheriklar bo\u2018lgan mamlakatlarimiz hamkorligiga yangi sur\u2019at berishga qaratilgan tashabbuslarini qo\u2018llab-quvvatladi.<\/p>\n
– Rossiya biz uchun muhim, ustuvor strategik sherik va ittifoqchi bo\u2018lib kelgan, hozir ham shunday va kelgusida ham shunday bo\u2018lib qolishini ta\u2019kidlayman. Umumiy tarix, ko\u2018p asrlik aloqalar, xalqlarimizning madaniy va dunyoqarash jihatdan yaqinligi, mamlakatlarimiz o\u2018rtasidagi do\u2018stona va ishonchli munosabatlar bunday hamkorlikning mustahkam va o\u2018zgarmas asosi hisoblanadi,\u00a0<\/em>– dedi O\u2018zbekiston yetakchisi.<\/p>\n Jahon iqtisodiyotidagi tobora kuchayib borayotgan geosiyosiy keskinlik va inqirozli holatlar, shuningdek, yuzaga kelayotgan yangi xavf-xatar va tahdidlar «Markaziy Osiyo – Rossiya» formatida yanada yaqin muvofiqlashuv va hamkorlikni taqozo etayotgani qayd etildi.<\/p>\n Shu ma\u2019noda, O\u2018zbekiston yetakchisi mintaqa mamlakatlarining Rossiya bilan hamkorligi istiqbollari yuzasidan o\u2018z nuqtayi nazarini bayon qildi.<\/p>\n Eng avvalo, tizimli siyosiy muloqotni mustahkamlash va aniq natijaga qaratilgan amaliy hamkorlikni kengaytirish muhim ekani ta\u2019kidlandi.<\/p>\n Shu bois, O\u2018zbekiston Prezidenti har yili oliy darajadagi uchrashuvlarni, hukumatlar, vazirliklar, idoralar va hududlarning muntazam muloqotlarini o\u2018tkazish muhimligini ta\u2019kidladi.<\/p>\n 2027 yilga qadar qo\u2018shma harakatlar rejasi qabul qilinishini qo\u2018llab-quvvatlab, davlatimiz rahbari amaliy hamkorlikni kengaytirish bo\u2018yicha aniq chora-tadbirlarni o\u2018z ichiga olgan yanada batafsil «yo\u2018l xaritasi»ni tayyorlashni taklif etdi.<\/p>\n Topshiriqlarni o\u2018z vaqtida bajarish, mintaqaviy ahamiyatga molik dastur va loyihalarni tayyorlash hamda jadallashtirish maqsadida hukumat rahbarlari o\u2018rinbosarlari darajasida Muvofiqlashtiruvchi kengash tuzish muhimligi qayd etildi.<\/p>\n Iqtisodiy sheriklikni tubdan kengaytirish mintaqa bilan Rossiya hamkorligining asosiy yo\u2018nalishi bo\u2018lishi kerak. O\u2018zaro savdo ko\u2018rsatkichlarida ijobiy sur\u2019at kuzatilayotgani mamnuniyat bilan qayd etildi.<\/p>\n Xususan, o\u2018tgan yil va joriy yilda O\u2018zbekistonning Rossiya va mintaqa mamlakatlari bilan tovar ayirboshlash hajmi 15 foizgacha oshdi.<\/p>\n Muvofiqlashtiruvchi kengash faoliyati doirasida tovar ayirboshlash hajmini oshirishga qaratilgan kompleks chora-tadbirlarni ishlab chiqish taklif qilindi.<\/p>\n Bozorlarga kirishni o\u2018zaro yengillashtirish, tartib-taomillarni soddalashtirish, «Markaziy Osiyo \u2013 Rossiya agroekspressi» loyihasini ishga tushirish shular jumlasidan.<\/p>\n Davlatimiz rahbari mamlakatlarimiz tranzit-transport salohiyatidan, eng avvalo, «Shimol – Janub» yo\u2018lagi doirasida samarali foydalanish g\u2018oyat muhim ekanini ta\u2019kidladi.<\/p>\n – Biz avtomobil, temir yo\u2018l va aviatsiya aloqalari sohasida milliy dasturlarni uyg\u2018unlantirish va shu asosda infratuzilmaviy sheriklikning kompleks rejasi \u2013 mamlakatlarimiz Transport-logistika konturini ishlab chiqishni taklif etamiz. Tashqi xavf-xatarlarga nisbatan barqaror bo\u2018lgan integratsiyalashgan, o\u2018zaro bog\u2018liq mintaqaviy transport infratuzilmasini shakllantirish bizning pirovard maqsadimiz bo\u2018lishi zarur,\u00a0<\/em>– dedi Prezident.<\/p>\n Yana bir ustuvor yo\u2018nalish sifatida barqaror ishlab chiqarish zanjirlarini yaratish va sanoat kooperatsiyasini chuqurlashtirish belgilandi. Shu ma\u2019noda, bugungi kunda O\u2018zbekiston Rossiyaning yetakchi kompaniyalari bilan sanoat kooperatsiyasini faol kengaytirayotgani, gaz-kimyo tarmog\u2018ida yirik strategik loyihalar amalga oshirilayotgani, zamonaviy mis boyitish xabi tashkil etilayotgani ta\u2019kidlandi.<\/p>\n Shu bilan birga, mashinasozlik, aniq asbobsozlik, kimyo, elektrotexnika, tog\u2018-kon va boshqa tarmoqlarda hamkorlikni klaster asosida kengaytirish uchun ulkan zaxiralar borligi ko\u2018rsatib o\u2018tildi.<\/p>\n Yetakchi korxonalar va xususiy sektorning innovatsiyalarga yo\u2018naltirilgan kooperatsiyasini rag\u2018batlantirish maqsadida Buxoro shahrida ilg\u2018or muhandislik yechimlarini ishlab chiqish, joriy etish va ko\u2018paytirish uchun noyob texnologik maydon bo\u2018lishi mumkin bo\u2018lgan «Markaziy Osiyo – Rossiya» sanoat injiniring xabini tashkil etish tashabbusi ilgari surildi.<\/p>\n Mamlakatimiz yetakchisi Toshkentdagi \u201cInnoprom. Markaziy Osiyo\u201d ko\u2018rgazma-forumi imkoniyatlarini maksimal darajada ishga solish muhimligini ta\u2019kidladi.<\/p>\n Joriy yil aprel oyida o\u2018tkazilgan beshinchi ko\u2018rgazmada 35 mamlakatdan 10 mingdan ziyod ishtirokchi qatnashdi. 5 milliard dollarlik bitimlar tuzildi. Ushbu tadbirga «Markaziy Osiyo – Rossiya» muloqoti formatidagi bosh industrial va innovatsion maydon maqomini berish taklif qilindi.<\/p>\n O\u2018zbekiston rahbari ta\u2019kidlaganidek, Rossiya bilan energetika sohasidagi hamkorlik bundan buyon ham mintaqa barqarorligining omili bo\u2018lib qoladi. Bugungi kunda gaz quvurlari va energetika infratuzilmasini rivojlantirish bo\u2018yicha strategik loyihalar amalga oshirilmoqda.<\/p>\n – Shu kunlarda tarixiy bir voqea bo\u2018lib o\u2018tadi \u2013 O\u2018zbekistonda barpo etiladigan atom elektr stansiyasining birinchi reaktori va ko\u2018ptarmoqli yadro tibbiyoti markazi qurilishi bo\u2018yicha qo\u2018shma loyihalarni amalga oshirishga start beriladi,<\/em>\u00a0– dedi Prezident.<\/p>\n Ushbu yo\u2018nalishda keng ilmiy-amaliy hamkorlikni yo\u2018lga qo\u2018yish – O\u2018zbekistonda Atom energetikasi bo\u2018yicha mintaqaviy kompetensiyalar markazini ta\u2019sis etish, shuningdek, Moskva muhandislik-fizika institutining Toshkent filiali negizida Kadrlar tayyorlash dasturini qabul qilish taklif qilindi.<\/p>\n Uglevodorodlarni izlash va qayta ishlash, elektr energetikasini modernizatsiya qilish, energiya tejamkor yechimlarni joriy etish borasidagi hamkorlikni kengaytirish niyati bildirildi.<\/p>\n Ilg\u2018or bilim va texnologiyalar transferi, qo\u2018shma loyihalarni tayyorlash va ilgari surish maqsadida «Markaziy Osiyo – Rossiya energetika sherikligi» kompleks dasturini ishlab chiqish maqsadga muvofiqligi ko\u2018rsatib o\u2018tildi.<\/p>\n Innovatsiyalar sohasida «Skolkovo» markazining mintaqa mamlakatlarida filiallarini ochish taklif etildi.<\/p>\n Shuningdek, yetakchi markazlar, tashkilotlar va IT kompaniyalar darajasida sa\u2019y-harakatlarni birlashtirish va loyihaviy hamkorlikni yo\u2018lga qo\u2018yish imkonini beruvchi Sun\u2019iy intellekt va raqamli texnologiyalar bo\u2018yicha mintaqaviy ekspert kengashini ta\u2019sis etish zarurligi qayd etildi.<\/p>\n Gumanitar hamkorlikni kengaytirish maqsadida har yili Etnomadaniyat forumi – Markaziy Osiyo va Rossiya xalqlari madaniyati, san\u2019ati va ijodi festivalini o\u2018tkazish tashabbusi ilgari surildi.<\/p>\n Bundan tashqari, dual va professional ta\u2019lim tizimini joriy etish, fundamental ilmiy ishlanmalarni amalga oshirish uchun yetakchi oliy ta\u2019lim muassasalari va ilmiy-tadqiqot tuzilmalarining salohiyatini birlashtirishga qaratilgan «Kelajak muhandislari» ilmiy-ta\u2019lim konsorsiumini ishga tushirish taklif qilindi. Mintaqa mamlakatlarida muvaffaqiyatli faoliyat yuritayotgan Rossiya universitetlarining filiallari Konsorsiumning intellektual bazasi bo\u2018lishi mumkinligi ta\u2019kidlandi. O\u2018zbekistonda ularning soni 15 tani tashkil etadi.<\/p>\n Shuningdek, Markaziy Osiyo va Rossiyaning yosh tadqiqotchi va olimlari uchun maxsus grant dasturini ta\u2019sis etish taklif qilindi.<\/p>\n Har tomonlama hamkorlikni rivojlantirish uchun bolalar va onalar salomatligini muhofaza qilish, mehnat migratsiyasi sohasida ijtimoiy moslashuvga ko\u2018maklashish, shuningdek, mintaqaviy yo\u2018nalishlar asosida sayyohlar oqimini kengaytirish bo\u2018yicha dasturlar qabul qilish dolzarbligi ko\u2018rsatib o\u2018tildi.<\/p>\n O\u2018zbekiston Prezidenti mintaqaviy xavfsizlikni ta\u2019minlash masalalariga alohida to\u2018xtaldi.<\/p>\n – Terrorizm, ekstremizm, radikalizm, uyushgan jinoyatchilik, odam savdosi va narkotrafiklarga qarshi kurashda maxsus xizmatlar va huquqni muhofaza qiluvchi organlarning yaqin hamkorligini yanada kengaytirish muhim, deb hisoblaymiz. Yangi kibertahdid va xavf-xatarlarga qarshi kurashish bo\u2018yicha birgalikda chora-tadbirlarni ishlab chiqishni taklif etamiz,<\/em>\u00a0– dedi mamlakatimiz yetakchisi.<\/p>\n Hamkorlikni kengaytirish va Afg\u2018onistonning ijtimoiy-iqtisodiy taraqqiyotiga ko\u2018maklashish borasidagi yondashuvlarni muvofiqlashtirish maqsadida oliy darajadagi maslahatlashuvlar o\u2018tkazish imkoniyatini ko\u2018rib chiqish taklif qilindi. Ushbu uchrashuvlar kun tartibidan xavfsizlik sohasidagi hamkorlik, ushbu mamlakat barqarorligi va taraqqiyotini ta\u2019minlashga qaratilgan iqtisodiy loyihalarni amalga oshirish masalalari o\u2018rin olishi mumkin.<\/p>\n So\u2018zining yakunida O\u2018zbekiston Prezidenti mintaqaning barcha mamlakatlari xavfsizligi, barqaror taraqqiyoti va ravnaqini ta\u2019minlash yo\u2018lida Rossiya bilan ko\u2018p qirrali hamkorlikni yanada kengaytirishga intilishi qat\u2019iy ekanini yana bir bor ta\u2019kidladi.<\/p>\n Sammit davomida boshqa davlatlar rahbarlari ham so\u2018zga chiqdi.<\/p>\n Tadbir yakunida Qo\u2018shma kommyunike va ustuvor yo\u2018nalishlarda hamkorlikni yanada rivojlantirish bo\u2018yicha 2025 – 2027 yillarga mo\u2018ljallangan Qo\u2018shma harakatlar rejasi qabul qilindi.<\/p>\n","protected":false},"excerpt":{"rendered":" O\u2018zbekiston Respublikasi Prezidenti Shavkat Mirziyoyev 9-oktyabr kuni Dushanbe shahrida bo\u2018lib o\u2018tgan «Markaziy Osiyo – Rossiya» formatidagi ikkinchi sammitda ishtirok etdi. Tojikiston Respublikasi Prezidenti Emomali Rahmon raisligida o\u2018tgan tadbirda Rossiya Federatsiyasi Prezidenti Vladimir Putin, Qozog\u2018iston Respublikasi Prezidenti Qasim-Jomart Toqayev, Qirg\u2018iz Respublikasi Prezidenti Sadir Japarov va Turkmaniston Prezidenti Serdar Berdimuhamedov qatnashdi. Kun tartibiga muvofiq, ko\u2018p tomonlama sheriklikni…<\/p>\n","protected":false},"author":1,"featured_media":72413,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n