7-may kuni mamlakatimizga yangi tayinlangan xorijiy elchilar tomonidan ishonch yorliqlarini topshirish tantanali marosimi bo\u2018ldi.<\/p>\n
O\u2018zbekiston Respublikasi Prezidenti Vengriya elchisi Yojef Roja, Eron Islom Respublikasi elchisi Muhammadali Iskandariy, Chexiya Respublikasi elchisi Lyubomir Frebort, O\u2018mon Sultonligi elchisi Vafo al-Busaidiy, Jazoir Xalq Demokratik Respublikasi elchisi Muhammad Irqiydan ishonch yorliqlarini qabul qildi.<\/p>\n
Davlatimiz rahbari xorijiy diplomatik vakolatxonalar rahbarlarini tayinlov bilan samimiy qutlab, O\u2018zbekiston va ular vakillik qilayotgan mamlakatlarni yaqinlashtirish, ko\u2018p qirrali hamkorlikni rivojlantirishdagi muhim o\u2018rnini qayd etdi.<\/p>\n
O\u2018zbekiston Prezidenti global geosiyosiy va iqtisodiy muammolar avj olayotgan, barqaror rivojlanishga tahdidlar tobora kuchayayotgan hozirgi davrda davlatlar o\u2018rtasida konstruktiv muloqotni yo\u2018lga qo\u2018yishda, do\u2018stona va o\u2018zaro manfaatli munosabatlarni yo\u2018lga qo\u2018yishda diplomatlar faoliyati yanada muhim ahamiyat kasb etayotganini ta\u2019kidladi.<\/p>\n
\u201cO\u2018zbekiston – 2030\u201d strategiyasida O\u2018zbekiston Respublikasi tashqi siyosatining eng ustuvor yo\u2018nalishlari o\u2018z ifodasini topgan. Jumladan, dunyodagi barcha davlatlar bilan do\u2018stlik va hamkorlik aloqalarini mustahkamlash, iqtisodiyotimizga xorijiy investitsiyalarni keng jalb etish, ishlab chiqarish va eksport salohiyatini oshirish, xususiy sektor uchun yanada qulay shart-sharoitlar yaratish.<\/p>\n
\u2013\u00a0Bugungi O\u2018zbekiston \u2013 jahonga keng ochilayotgan, xorijiy sheriklari bilan uzoq muddatli va keng qamrovli aloqalarni izchil rivojlantirib borayotgan tinchliksevar va adolatli ijtimoiy davlatdir,<\/em>\u00a0– dedi Prezident.<\/p>\n Davlatimiz rahbari O\u2018zbekiston iqtisodiyoti so\u2018nggi yetti yilda ikki barobar o\u2018sgani, investitsiyalar, savdo aylanmasi hajmi muttasil oshayotgani, eksport geografiyasi kengayayotganiga e\u2019tibor qaratdi. Dunyodagi yetakchi kompaniyalar, mashhur brendlar bozorimizga faol kirib kelmoqda.<\/p>\n Kuni kecha 93 ta mamlakat vakillari ishtirokida o\u2018tgan uchinchi Toshkent investitsiya forumi va Xorijiy investorlar kengashi majlisining muvaffaqiyatli o\u2018tkazilgani ham buning yaqqol tasdig\u2018idir.<\/p>\n O\u2018zbekiston bundan buyon ham xalqaro maydonda ochiq, pragmatik va tashabbuskor tashqi siyosatni izchil davom ettirishini ta\u2019kidlab, davlatimiz rahbari elchilar diqqatini ular vakillik qilayotgan mamlakatlar bilan munosabatlarni sifat va mazmun jihatidan yangi darajaga ko\u2018tarish muhimligiga qaratdi.<\/p>\n Prezidentimiz Vengriya elchisiga murojaat qilar ekan, Budapesht O\u2018zbekistonning Yevropadagi muhim va vaqt sinovlaridan o\u2018tgan ishonchli sherigi ekanini qayd etdi.<\/p>\n \u2013\u00a0So\u2018nggi yillarda Bosh vazir Viktor Orban bilan birgalikdagi qat\u2019iy intilish va aniq maqsadga yo\u2018naltirilgan harakatlarimiz natijasida aloqalarimiz strategik sheriklik darajasiga ko\u2018tarildi,\u00a0<\/em>\u2013 dedi Prezident.<\/p>\n Shuningdek, ikki tomonlama tovar ayirboshlash ikki barobar o\u2018sdi, qo\u2018shma korxonalar soni oshmoqda, o\u2018tgan yili Budapeshtda O\u2018zbekiston elchixonasi ochildi, yuzdan ortiq o\u2018zbekistonlik talaba \u201cStipendium Hungaricum\u201d dasturi doirasida Vengriya oliy ta\u2019lim muassasalarida tahsil olmoqda. Yurtimiz bozorida Vengriyaning \u201cOTP Bank\u201d, \u201cBonapharm\u201d, \u201cGedeon Richter\u201d, \u201cMeditop\u201d kabi bir qator yetakchi kompaniya va banklari muvaffaqiyatli ishlamoqda.<\/p>\n Toshkent va Budapesht o\u2018rtasida aviaqatnovlar boshlanishi ishbilarmonlik aloqalari va turizm almashinuvlarini yanada faollashtirishga xizmat qilishiga ishonch bildirildi.<\/p>\n Davlatimiz rahbari Eron bilan O\u2018zbekiston o\u2018rtasidagi aloqalar ko\u2018p ming yillik tarixiy ildizlardan kuch olayotganini ta\u2019kidladi. Bugungi Eron katta iqtisodiy, madaniy va intellektual salohiyatga ega mamlakat. Keyingi yillardagi oliy darajadagi tarixiy tashriflar va erishilgan muhim kelishuvlar munosabatlarimizda yangi yuksalish davrini boshlab berdi.<\/p>\n Barcha darajada o\u2018zaro muloqotlar faollashdi. Ikki tomonlama savdo hajmi o\u2018smoqda, qo\u2018shma korxonalar soni 300 taga yetdi. Qayd etilganidek, tomonlar tovar ayirboshlashni 1 milliard dollarga yetkazish bo\u2018yicha aniq rejalarni belgilab olgan.<\/p>\n O\u2018zbekiston Eron bilan tog\u2018-kon, energetika, kimyo sanoati, qishloq xo\u2018jaligi, sog\u2018liqni saqlash va farmatsevtika sohalaridagi hamkorlik ko\u2018lamini kengaytirishdan manfaatdor.<\/p>\n Transport yo\u2018laklari va tranzit borasidagi hamkorlik salohiyatini to\u2018liq ishga solish muhimligi qayd etildi.<\/p>\n Prezidentimiz Chexiya Respublikasi O\u2018zbekistonning Yevropa Ittifoqidagi an\u2019anaviy va muhim hamkori ekanini ta\u2019kidladi. O\u2018tgan yili hukumat delegatsiyalarining o\u2018zaro tashriflari ikki tomonlama aloqalarimizni yangi bosqichga ko\u2018tardi.<\/p>\n Birgina o\u2018tgan yilning o\u2018zida o\u2018zaro savdo ikki barobarga ko\u2018paygani hamkorlik borasida katta imkoniyatlar mavjudligini yaqqol tasdiqlaydi. O\u2018zbekistonda Chexiyaning yetakchi kompaniyalari sanoat, infratuzilma, tibbiyot, qurilish materiallari ishlab chiqarish sohalarida muvaffaqiyatli faoliyat yuritmoqda. \u201cToshkent-Praga\u201d aviaqatnovlari yo\u2018lga qo\u2018yilmoqda.<\/p>\n Kelishilgan investitsiya loyihalarini to\u2018liq amalga oshirish va sanoat kooperatsiyasi bo\u2018yicha dasturni qabul qilish muhimligi ta\u2019kidlandi. Chexiya Eksport banki hamda Eksportni kafolatlash va sug\u2018urtalash korporatsiyasining mamlakatimiz bank-moliya bozoriga kirish rejalari yuqori baholandi.<\/p>\n Prezidentimiz O\u2018mon Sultonligi O\u2018zbekistonning Yaqin Sharq mintaqasidagi muhim hamkorlaridan biri ekanini ta\u2019kidladi. Muqaddas islom dini, o\u2018xshash urf-odat va qadriyatlar hamkorligimizning mustahkam poydevoridir.<\/p>\n \u2013\u00a0Toshkentda Sulton Haysam Ol Said ishtirokida ochilgan Sharqshunoslik institutining muhtasham kutubxonasi davlatlarimiz o\u2018rtasida o\u2018ziga xos do\u2018stlik ramzi bo\u2018lib kelmoqda,<\/em>\u00a0\u2013 dedi davlatimiz rahbari.<\/p>\n Ikki mamlakat hamkorligida hali ishga solinmagan juda katta salohiyat bor. Tez orada Hukumatlararo komissiyaning yig\u2018ilishini o\u2018tkazish, Ishbilarmonlar kengashini tuzish zarurligi qayd etildi.<\/p>\n Qishloq xo\u2018jaligi, transport va logistika, telekommunikatsiya, to\u2018qimachilik sanoati, turizm kabi sohalar hamkorlik uchun istiqbollidir. O\u2018zbekiston-O\u2018mon investitsiya kompaniyasi imkoniyatlaridan unumli foydalanish muhimligi ta\u2019kidlandi.<\/p>\n O\u2018zbekiston Prezidenti Jazoir arab-musulmon dunyosida jadal sur\u2019atda taraqqiy etayotgani, katta iqtisodiy salohiyatga ega mamlakat, Afrika qit\u2019asidagi istiqbolli sherigimiz ekanini ta\u2019kidladi. Jazoir arab davlatlari orasida birinchi bo\u2018lib Toshkentda o\u2018z elchixonasini ochgan.<\/p>\n Oliy darajadagi uchrashuvlarni tashkil etish, siyosiy maslahatlashuvlar mexanizmini joriy etish, Hukumatlararo komissiyaning birinchi yig\u2018ilishini o\u2018tkazish zarurligi, bu ikki tomonlama munosabatlarga yangi sur\u2019at bag\u2018ishlashi ta\u2019kidlandi.<\/p>\n Neft-gaz, energetika, qishloq xo\u2018jaligi va turizm sohalarida aniq investitsiya loyihalarini ishlab chiqish va amalga oshirish uchun delegatsiyalarning o\u2018zaro tashriflarini uyushtirish zarurligi qayd etildi.<\/p>\n Marosim yakunida Prezidentimiz elchilarga sharafli faoliyatida katta muvaffaqiyatlar tilab, mamlakatimiz hududlariga borish, yurtimizda bo\u2018layotgan bunyodkorlik ishlari bilan tanishishga chaqirdi. Bu, hech shubhasiz, hamkorlik mustahkamlanishiga xizmat qilishini ta\u2019kidladi.<\/p>\n Diplomatlar samimiy qabul, samarali faoliyatiga yaratilgan sharoitlar uchun minnatdorlik bildirib, O\u2018zbekiston bilan ko\u2018p qirrali hamkorlikni yanada rivojlantirishga bor sa\u2019y-harakatlarini qaratishlarini ta\u2019kidladilar.<\/p>\n","protected":false},"excerpt":{"rendered":" 7-may kuni mamlakatimizga yangi tayinlangan xorijiy elchilar tomonidan ishonch yorliqlarini topshirish tantanali marosimi bo\u2018ldi. O\u2018zbekiston Respublikasi Prezidenti Vengriya elchisi Yojef Roja, Eron Islom Respublikasi elchisi Muhammadali Iskandariy, Chexiya Respublikasi elchisi Lyubomir Frebort, O\u2018mon Sultonligi elchisi Vafo al-Busaidiy, Jazoir Xalq Demokratik Respublikasi elchisi Muhammad Irqiydan ishonch yorliqlarini qabul qildi. Davlatimiz rahbari xorijiy diplomatik vakolatxonalar rahbarlarini tayinlov…<\/p>\n","protected":false},"author":1,"featured_media":52909,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n