Prezident Shavkat Mirziyoyev 28-fevral kuni qayta tiklanuvchi energiya manbalarini ko\u2018paytirish bo\u2018yicha ustuvor vazifalar yuzasidan yig\u2018ilish o\u2018tkazdi.<\/p>\n
Tahlillarga ko\u2018ra, yurtimizda quyosh va shamol energiyasi salohiyati elektrga bo\u2018lgan hozirgi ehtiyojni 10-12 barobar ortig\u2018i bilan qoplashga yetadi. Lekin shunday ulkan imkoniyat ancha yillar davomida ishga solinmagan edi.<\/p>\n
So\u2018nggi yillarda davlatimiz tomonidan bu sohaga katta e\u2019tibor qaratilib, huquqiy zamin yaratildi. \u201cYashil energiya\u201d manbalarini barpo qilish bo\u2018yicha katta dasturlar boshlandi. Investorlar uchun jozibador muhit tashkil etildi.<\/p>\n
Bugungi kunga qadar, sohaga 2,1 milliard dollar to\u2018g\u2018ridan to\u2018g\u2018ri xorijiy investitsiya kirib keldi, yana 13 milliard dollarlik loyihalar amalga oshirilayapti. Deyarli barcha viloyatlarda zamonaviy quyosh va shamol elektr stansiyalari barpo etilmoqda.<\/p>\n
Jumladan, Buxoro, Jizzax, Qashqadaryo, Navoiy, Samarqand va Surxondaryoda 1,6 gigavattli 9 ta yirik quyosh va shamol elektr stansiyalari ishga tushdi. Andijon, Samarqand, Surxondaryo va Toshkent viloyatida 183 megavattli 6 ta yirik va kichik GESlar foydalanishga topshirildi.<\/p>\n
Shuningdek, ijtimoiy soha obyektlari, korxona va tashkilotlar, tadbirkorlarga tegishli binolar va aholi xonadonlarida umumiy quvvati 457 megavattli quyosh panellari o\u2018rnatildi. Bu ishlarga banklar tomonidan qariyb 2 trillion so\u2018m resurs ajratildi.<\/p>\n
Natijada qo\u2018shimcha 5 milliard kilovatt-soat ekologik toza elektr ishlab chiqarish va 1,5 milliard kub metr gaz tejash imkoniyati yaratildi.<\/p>\n
Bu sohadagi keng qamrovli ishlar mahalliy korxonalarda transformator, har xil turdagi kabellar, isitish kollektorlari, quyosh paneli, izolator, metall ustunlar kabi mahsulotlar ishlab chiqarishni ko\u2018paytirishga ham katta turtki berdi.<\/p>\n
Bir so\u2018z bilan aytganda, \u201cyashil\u201d energetika \u2013 ham iqtisodiyotimiz drayverlaridan biriga, ham chinakam umummilliy harakatga aylanmoqda.<\/p>\n
2024-yilda \u201cyashil energiya\u201d hajmi 13 milliard kilovatt-soatga, uning mamlakatimizdagi jami ulushi 15 foizga yetadi. Qisqa davr uchun bu juda katta ko\u2018rsatkich, albatta.<\/p>\n
Lekin bu borada hali imkoniyatlar ko\u2018p, ular hamma hududlarda ham to\u2018liq ishga solinmayapti.<\/p>\n
Shu bois yig\u2018ilishda qayta tiklanuvchi energiya manbalarini ko\u2018paytirish va shunga yarasha infratuzilmani rivojlantirish bo\u2018yicha yangi rejalar muhokama qilindi.<\/p>\n
Davlatimiz rahbari sohadagi tajribaga tayanib, bu yildan yirik \u201cyashil energiya\u201d quvvatlarini yaratish bo\u2018yicha uch yillik dasturga o\u2018tish zarurligini ta\u2019kidladi.<\/p>\n
Aholi va iqtisodiyot tarmoqlari talabidan kelib chiqib, kelgusi uch yilda 8 gigavattli 28 ta yirik quyosh va shamol elektr stansiyalari ishga tushiriladi. 944 kilometr yuqori kuchlanishli elektr tarmoqlari va 6 ta yirik podstansiya quriladi. Jami 2,2 gigavatt bo\u2018lgan 18 ta elektr saqlash quvvati o\u2018rnatiladi.<\/p>\n
Energetika tizimining barqarorligini ta\u2019minlash uchun ushbu quvvatlarga mos tarmoqlarni qurishni hamda zarur materiallar ishlab chiqarishni hozirdan boshlash kerakligi qayd etildi.<\/p>\n
Energetika vaziri uch yillik dasturdan o\u2018rin olgan 2,6 gigavattli 14 ta stansiya bu yil ishga tushirilishi, ularni tarmoqqa ulash uchun 5 ta podstansiya quvvati kengaytirilib, 500 kilometr yuqori kuchlanishli elektr tarmoqlari qurilishi haqida axborot berdi.<\/p>\n
Umuman, yangi quvvatlar hisobiga bu yil kamida 85 milliard kilovatt-soat, shundan quyosh va shamol stansiyalarida 6 milliard kilovatt-soat elektr ishlab chiqarilishi aytildi.<\/p>\n
Joylarda quyosh panellarini o\u2018rnatish holati ham ko\u2018rib chiqildi.<\/p>\n
Aholining bundan manfaatdorligini oshirish maqsadida \u201cQuyoshli xonadon\u201d dasturi joriy qilingan. Unga ko\u2018ra, quyosh paneli o\u2018rnatgan aholidan har 1 kilovatt elektrni 1 ming so\u2018mdan sotib olish tizimi yo\u2018lga qo\u2018yildi. Hozirda 11 mingga yaqin xonadon egalari bu imkoniyatdan samarali foydalanayapti.<\/p>\n
Bu ishlarni kengaytirish uchun uning jozibadorligini oshirish, quyosh paneli o\u2018rnatuvchilarga ko\u2018maklashish kerakligi aytildi. Buning uchun qo\u2018shimcha 50 million dollar resurs ajratilishi, xorijiy investorlar ishtirokida yana 100 million dollar jalb qilinishi belgilandi.<\/p>\n
Quyosh energiyasidan foydalanishda tadbirkorlarga ham qo\u2018shimcha yengilliklar yaratiladi. Jumladan, quyosh paneli, invertor va akkumulatorlarni import qilishda bojxona imtiyozlari yana besh yilga uzaytiriladi.<\/p>\n
Mutasaddilarga qishloq va suv xo\u2018jaligi, ichimlik suvi ta\u2019minoti kabi energiya sarfi yuqori bo\u2018lgan sohalarda qayta tiklanuvchi energiya manbalarini qo\u2018llash bo\u2018yicha alohida dastur ishlab chiqish topshirildi.<\/p>\n
Bu soha rivojlanayotgani boshqa turdosh tarmoqlarga ham ijobiy ta\u2019sir etmoqda. Xususan, yirik quyosh va shamol stansiyalarini qurish, ularni tarmoqqa ulash, ta\u2019mir va servis xizmati ko\u2018rsatish jarayonlarida mahalliy korxonalarimiz uchun kamida 1 milliard dollarlik bozor paydo bo\u2018lmoqda.<\/p>\n
Shu bois bu yil Qarshi shahridagi \u201cSolar klaster\u201dda quyosh paneli, akkumulator, invertor, suv isitkich, Ohangaron sanoat zonasida kabel va transformator, Nukus shahri va Andijon tumanida quyosh panellari ishlab chiqarish loyihalashtirilgan.<\/p>\n
Prezidentimiz mahalliy korxonalarga xalqaro sertifikatlarni olishda va ishlab chiqarishni xalqaro standartlarga moslashtirishga ko\u2018maklashish bo\u2018yicha ko\u2018rsatma berdi.<\/p>\n
Energetika vaziri va hokimlar yig\u2018ilishda belgilangan vazifalar bo\u2018yicha ishni tashkil qilish rejalari yuzasidan axborot berdi.<\/p>\n","protected":false},"excerpt":{"rendered":"
Prezident Shavkat Mirziyoyev 28-fevral kuni qayta tiklanuvchi energiya manbalarini ko\u2018paytirish bo\u2018yicha ustuvor vazifalar yuzasidan yig\u2018ilish o\u2018tkazdi. Tahlillarga ko\u2018ra, yurtimizda quyosh va shamol energiyasi salohiyati elektrga bo\u2018lgan hozirgi ehtiyojni 10-12 barobar ortig\u2018i bilan qoplashga yetadi. Lekin shunday ulkan imkoniyat ancha yillar davomida ishga solinmagan edi. So\u2018nggi yillarda davlatimiz tomonidan bu sohaga katta e\u2019tibor qaratilib, huquqiy zamin…<\/p>\n","protected":false},"author":1,"featured_media":48223,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n