Prezident Shavkat Mirziyoyev raisligida 18-yanvar kuni 2024-yilda investitsiya, eksport va sanoat sohalaridagi ustuvor vazifalar muhokamasi yuzasidan videoselektor yig\u2018ilishi bo\u2018lib o\u2018tdi.<\/p>\n
\u201cO\u2018zbekiston \u2013 2030\u201d strategiyasida mamlakatimiz yalpi ichki mahsuloti hajmini 160 milliard dollarga va aholi jon boshiga daromadlarni 4 ming dollarga yetkazish maqsadi belgilangan. Bunga faqat ichki bozor bilan erishib bo\u2018lmaydi, asosiysi \u2013 xorijiy investitsiyalarni faol jalb qilish va eksportni ko\u2018paytirish zarur.<\/p>\n
Tanqidiy ruhda o\u2018tgan yig\u2018ilish avvalida ushbu sohalardagi ishlar holati, mutasaddilarning faoliyati ko\u2018rib chiqildi.<\/p>\n
So\u2018nggi olti yilda yurtimizga xorijdan qariyb 50 milliard dollar investitsiya kirgan. O\u2018tgan yili yalpi ichki mahsulot ham, sanoat ham 6 foizga o\u2018sgan.<\/p>\n
Biroq tovarlar eksportida o\u2018sish bo\u2018lmagan. Mamlakatimiz sertifikatlarini tan olish bo\u2018yicha xorijiy sheriklar bilan ishlar lozim darajada tashkil etilmagan. Xalqaro moliya tashkilotlari ishtirokidagi 480 million dollarlik 5 ta loyiha bo\u2018yicha o\u2018zlashtirish boshlanmagan. Hududlarda moliyalashtirilishi to\u2018liq yakunlangan 8 trillion so\u2018mlik qariyb mingta loyiha haligacha ishga tushmagan.<\/p>\n
Faoliyatida sustkashlikka yo\u2018l qo\u2018ygani uchun Investitsiyalar, sanoat va savdo vaziri o\u2018rinbosari B.Abidov, Texnik tartibga solish agentligi direktori D.Sattarov, Xorijiy investitsiyalarni jalb etish agentligi direktori M.Mirzayev lavozimidan ozod qilindi. Yana bir qator rahbarlarga intizomiy choralar ko\u2018rilishi aytildi.<\/p>\n
Umuman, investitsiya kompleksiga kiruvchi barcha vazir va hokim o\u2018rinbosarlari faoliyatiga samaradorlik ko\u2018rsatkichlari (KPI) joriy etilishi belgilandi.<\/p>\n
Yig\u2018ilishda davlatimiz rahbari sohadagi kamchiliklarni aniq tahlillar asosida ko\u2018rsatib o\u2018tdi.<\/p>\n
Masalan, o\u2018tgan yili 2 ta drayver tarmoq va 4 ta hududda 2022-yilga nisbatan eksport hajmlari kamaygan. Eksportning 50 foizi hanuzgacha 4 ta bozorga to\u2018g\u2018ri kelmoqda. Yoki xorijga tovarlarning uchdan bir qismi xomashyo sifatida sotilmoqda.<\/p>\n
O\u2018zbekiston \u201cGSP+\u201d tizimiga qo\u2018shilib, Yevropaga 6 ming 200 turdagi tovarlarni bojsiz olib kirish imkoniyatiga ega bo\u2018lsa-da, o\u2018tgan yili bu tizim doirasida bor-yo\u2018g\u2018i 384 turdagi tovarlar eksport qilingan. Meva-sabzavot eksporti uchun xorijiy davlatlarning fitosanitar ruxsatlari olinganiga qaramasdan, bundan to\u2018liq foydalanilmagan.<\/p>\n
Aslida, mamlakatimiz iqtisodiyotini yangi bosqichga olib chiqish uchun eksportni yiliga kamida 30 foizga oshirib borish zarur.<\/p>\n
Prezidentimiz bu boradagi muhim vazifalarga to\u2018xtalib, tuzilmaviy islohotlarni ma\u2019lum qildi.<\/p>\n
Xususan, O\u2018simliklar karantini va himoyasi agentligi tizimi, ish uslubi va yondashuvlari to\u2018liq o\u2018zgaradi. U yangi salohiyatli bozorlar topish, eksportbop mahsulotlar ekilishini tashkillashtirishga ham mas\u2019ul bo\u2018ladi.<\/p>\n
So\u2018nggi yillarda meva-sabzavot va oziq-ovqat eksportida talab etiladigan barcha sertifikat va ruxsatnomalar to\u2018liq raqamlashtirildi. Lekin haligacha chegarada bu jarayon 4 ta idora tomonidan nazorat qilinayapti. Shu bois, chegaradagi barcha nazorat funksiyalari Bojxona qo\u2018mitasiga o\u2018tkazilishi belgilandi.<\/p>\n
Ko\u2018plab korxonalarimizda xalqaro sertifikat yo\u2018qligi uchun global logistika zanjirlariga qo\u2018shila olmayapti. Iqtisodiyotning drayver sohalarida xalqaro standartlarni joriy qilish darajasi 35 foizga ham yetmaydi.<\/p>\n
Shuning uchun Texnik jihatdan tartibga solish agentligi faoliyati to\u2018liq isloh qilinib, Hukumat tarkibiga o\u2018tkaziladi. Mutasaddilarga korxonalarda xalqaro sifat tizimlarini joriy etish, sifati kafolatlangan mahsulotlar turini ko\u2018paytirish, salohiyatli davlatlar bilan milliy sertifikatni ikki tomonlama tan olish bo\u2018yicha kelishuvlarga erishish vazifasi qo\u2018yildi.<\/p>\n
Eksportni kreditlashga 200 million dollar resurs berilgan. Bundan tashqari, bu yil eksportyorlarni qo\u2018llab-quvvatlashga 800 milliard so\u2018m yo\u2018naltirilmoqda. Lekin berilgan mablag\u2018lar, har doim ham, qo\u2018shilgan qiymatli mahsulot va eksport manbaiga aylanmayapti.<\/p>\n
Shu bois endi eksportni qo\u2018llab-quvvatlash tizimi ham o\u2018zgaradi. Eksportni rag\u2018batlantirish agentligi, Jahon savdo tashkiloti talablari asosida, Savdoni rivojlantirish kompaniyasi sifatida qayta tashkil etiladi. Bu kompaniya beradigan subsidiya, kredit va yordamlar yangi reyting asosida, eng avvalo, yuqori qo\u2018shilgan qiymatli mahsulot bilan yangi bozorlarga chiqayotgan eksportchilarga ajratiladi.<\/p>\n
Mahalliy mahsulotlarni tashqi bozorlarga yetkazishda ishonchli logistika zanjirlarini tashkil qilish, mintaqaviy va yirik xalqaro loyihalarni jadallashtirish, tovarlarni bojxona rejimida qayta ishlashni kengaytirish bo\u2018yicha topshiriqlar berildi.<\/p>\n
Yig\u2018ilishda investitsiyalar samaradorligi va galdagi rejalar ham muhokama qilindi.<\/p>\n
So\u2018nggi olti yilda mamlakatimiz sanoatiga jalb qilingan investitsiyalar hajmi 7 barobar oshgan. Yoki so\u2018nggi uch yilda xorijdan 14 milliard dollarlik asbob-uskunalar olib kelingan.<\/p>\n
Lekin sanoat ko\u2018rsatkichlari, yaratilgan ish o\u2018rni va qo\u2018shilgan qiymat shunga yarasha oshmagan. Qator hudud va tarmoqlarda ishga tushirilgan korxona va uskunalar eksport natijasiga ta\u2019sir ko\u2018rsatmagan. Loyihalar samaradorligi ustidan yetarli nazorat olib borilmayotgani tanqid qilindi va mutasaddilarga tegishli topshiriqlar berildi.<\/p>\n
O\u2018tgan yili baliqchilik, parrandachilik, zargarlik, asalarichilik va ipakchilik tarmoqlarida, Samarqand va Toshkent shaharlarida, shuningdek, 12 ta tuman va shaharda investitsiyalar hajmi nisbatan kamaygan. Ayrim viloyatlarda xorijiy tashriflar va xalqaro ko\u2018rgazmalar chog\u2018ida kelishilgan investitsiya loyihalarining ijrosi sust.<\/p>\n
Investitsiyalar, sanoat va savdo vazirligiga bu loyihalarni alohida nazoratga olib, jadallashtirish bo\u2018yicha ko\u2018rsatma berildi.<\/p>\n
Yig\u2018ilishdagi yana bir mavzu sanoat ishlab chiqarishini ko\u2018paytirish haqida bo\u2018ldi.<\/p>\n
Buning uchun yurtimizda 24 ta maxsus iqtisodiy zona tashkil qilingan. Ularga soddalashgan tartibda yer ajratilishi, soliqdan imtiyozlar belgilangan. Lekin bu imkoniyatdan to\u2018liq foydalanilmayapti. Masalan, respublika bo\u2018yicha bunday hududlarning infratuzilmasi bor 800 gektar maydoni bo\u2018sh turibdi.<\/p>\n
Shu bois iqtisodiy zonalarni rivojlantirish bo\u2018yicha yangi tajriba amalga oshirilishi belgilandi. Xususan, Buxoro, Navoiy va Toshkent viloyatidagi maxsus sanoat zonalarining 240 gektar maydoni xorijiy kompaniyalarga autsorsing asosida boshqaruvga beriladi.<\/p>\n
Joriy yilda maxsus iqtisodiy hududlarda 309 ta yirik loyihani amalga oshirib, 40 mingta ish joyi yaratish mumkinligi qayd etildi.<\/p>\n
Davlatimiz rahbari mahalliylashtirish masalasiga alohida e\u2019tibor qaratdi.<\/p>\n
Vazirlar Mahkamasiga hududlarda oziq-ovqat sanoatini rivojlantirish dasturini qabul qilish vazifasi qo\u2018yildi. Jumladan, talab yuqori bo\u2018lgan 25 turdagi oziq-ovqat mahsulotini yurtimizda ishlab chiqarishni yo\u2018lga qo\u2018yish, oziq-ovqat korxonalarida xalqaro standartlarni joriy etish bo\u2018yicha topshiriqlar berildi.<\/p>\n
Bunday imkoniyatlar charm sanoatida ham bor. Masalan, aholimizda avtomobil o\u2018rindig\u2018i jildlari, sport buyumlari, poyabzal va ayollar sumkasiga talab ko\u2018p. Shundan kelib chiqib, tarmoq rahbarlariga hududlarda loyihalarni shakllantirish topshirildi.<\/p>\n
Mahalliylashtirish faqat tovarlar emas, xizmatlarda ham bo\u2018lishi kerak. Xususan, oxirgi besh yilda energetika, neft-gaz va metallurgiya sohalarida katta zavodlar ishga tushdi. Bunday majmualardagi yuqori texnologik uskunalarni ekspluatatsiya qilish va ta\u2019mirlash bo\u2018yicha malakali xizmatlarga talab yildan-yilga ortib bormoqda.<\/p>\n
Shuni inobatga olib, Vazirlar Mahkamasiga yirik korxonalarga servis ko\u2018rsatishda mahalliy korxonalar ishtirokini kengaytirish bo\u2018yicha vazifa qo\u2018yildi.<\/p>\n
\u2013 Har bir rahbar fidoyi bo\u2018lib, vatani va xalqini sevib, tizimi bilan birga o\u2018z vazifalarini vijdonan bajarsa, biz qo\u2018yayotgan marralarga albatta erishsa bo\u2018ladi, \u2013 dedi Prezident.<\/p>\n
Yig\u2018ilish yakunida investitsiya kompleksi rahbarlari, vazirlar va hokimlar joriy yildagi rejalari bo\u2018yicha axborot berdi.<\/p>\n","protected":false},"excerpt":{"rendered":"
Prezident Shavkat Mirziyoyev raisligida 18-yanvar kuni 2024-yilda investitsiya, eksport va sanoat sohalaridagi ustuvor vazifalar muhokamasi yuzasidan videoselektor yig\u2018ilishi bo\u2018lib o\u2018tdi. \u201cO\u2018zbekiston \u2013 2030\u201d strategiyasida mamlakatimiz yalpi ichki mahsuloti hajmini 160 milliard dollarga va aholi jon boshiga daromadlarni 4 ming dollarga yetkazish maqsadi belgilangan. Bunga faqat ichki bozor bilan erishib bo\u2018lmaydi, asosiysi \u2013 xorijiy investitsiyalarni faol…<\/p>\n","protected":false},"author":1,"featured_media":45176,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n