Prezident Shavkat Mirziyoyev raisligida 21-noyabr kuni yer resurslaridan oqilona foydalanish, yer hisobini yuritish hamda kadastr xizmatlarining sifatini yaxshilash masalalari yuzasidan videoselektor yig\u2018ilishi o\u2018tkazildi.<\/p>\n
Hududlardagi iqtisodiy o\u2018sish, oziq-ovqat xavfsizligi, ish o\u2018rinlari va investitsiya oqimi, avvalo, yerga bog\u2018liq. Oxirgi uch yilda raqamlashtirish hisobiga 40 million gektar yoki jami yerlarning 90 foizi kadastrda davlat ro\u2018yxatidan o\u2018tkazilgan.<\/p>\n
Shu bilan birga, 44 million 800 ming gektar yer maydoni, 8 million 300 mingta bino va inshootning mulk sifatidagi bozor bahosi hisoblanmagan. Hozirda mavjud bino va inshootlarning shartli kadastr qiymati 70 milliard dollarni tashkil qiladi. Aslida, ularning haqiqiy bozor bahosi bundan kamida 4-5 barobar ko\u2018p. Bunga yerning bozor qiymati ham qo\u2018shilsa, katta \u201ciqtisodiy aktiv\u201d bo\u2018ladi.<\/p>\n
Sohada zamonaviy aerofotokamera va dronlar qo\u2018llanayotgani natijasida ko\u2018p zaxiralar aniqlanmoqda. Masalan, Qarshi tumanida ekin yerlari 45 ming gektar deb ko\u2018rsatib kelinayotgan bo\u2018lsa-da, hisobotda yaylov bo\u2018lib turgan 5 ming 100 gektar maydon ham aslida sug\u2018oriladigan yer ekanligi aniqlandi. Bu budjetga qancha tushum, qancha ish o\u2018rni va daromad yo\u2018qotilayapti, degani.<\/p>\n
Umuman olganda, qishloq xo\u2018jaligida 286 ming gektar yerning huquq belgilovchi hujjatlari to\u2018liq emas. Doimiy foydalanish uchun ajratilgan 460 ming gektar yerning huquqiy maqomi aniq emas. 159 ming gektar yerning hujjatdagi va amaldagi maydoni bir-biridan farq qiladi.<\/p>\n
Oqibatda, jami 900 ming gektardan ziyod qishloq xo\u2018jaligi yerlari kadastr ro\u2018yxatidan o\u2018tmasdan turibdi. Kadastri yo\u2018qligi sababli ularni takroriy ekinlar uchun rasman ikkilamchi ijaraga berish imkoni bo\u2018lmayapti. Bular tufayli kamida 300 ming ish o\u2018rni, takroriy ekindan olinayotgan mahsulot hamda norasmiy ijaraning hisobi yuritilmayapti.<\/p>\n
Shu bois bunday yerlar samaradorligini o\u2018rganish vazifasi qo\u2018yildi. Agar dehqon va fermerlar yerdan unumli foydalanayotgan bo\u2018lsa, ular bilan ijara shartnomasi tuziladi va kadastr ro\u2018yxatiga olinadi. Aksincha, oqilona ishlatilmayotgan yerlar hokimlik zaxirasiga qaytariladi.<\/p>\n
Mutasaddi vazirliklarga ushbu tizimni amaliyotga joriy qilish, kelgusi yil aerosuratga olish va qishloq xo\u2018jaligi yerlari kadastrini to\u2018liq yakunlash bo\u2018yicha topshiriqlar berildi.<\/p>\n
Davlatimiz rahbari o\u2018tgan haftada Surxondaryoga tashrif chog\u2018ida eksportbop sabzavotlar ekish imkoniyatlarini aytgan edi. Hududlarda buni istovchi yurtdoshlarimiz ko\u2018p.<\/p>\n
Shu bois har bir tumanda eksportbop sabzavot eksa bo\u2018ladigan kamida 100 gektardan bo\u2018sh yerlar ajratilishi belgilandi. Bu bo\u2018yicha taqdimotlar o\u2018tkaziladi, mahsulot yetishtiruvchilar \u201cfermerlar maktabi\u201dda o\u2018qitiladi. Hosildor urug\u2018lar kafolatli yetkazib beriladi.\u00a0\u00a0Ekin yeri \u201cishning ko\u2018zini biladigan\u201d, eksport ko\u2018nikmalariga ega insonlarga auksion orqali ijara huquqi bilan sotiladi.<\/p>\n
Yig\u2018ilishda yer hisobini to\u2018g\u2018ri yuritish masalasiga e\u2019tibor qaratildi.<\/p>\n
Bugungi kunda 817 ming gektar yer aholi yashash joyi va sanoat hududiga aylanib ketgan, ammo hisobotlarda qishloq xo\u2018jaligi yerlari toifasida turibdi. Kadastr agentligi va hokimliklarga bu noaniqliklarni hal qilish, amaldagi \u201cyer balansi\u201dni hisobotda to\u2018g\u2018ri aks ettirish bo\u2018yicha ko\u2018rsatmalar berildi.<\/p>\n
Suv xo\u2018jaligida ham hujjati yo\u2018q ko\u2018p yerlar bor. Ulardan qo\u2018shimcha iqtisodiy samara olishning yo\u2018li \u2013 to\u2018liq kadastrdan o\u2018tkazish. Bir so\u2018z bilan aytganda, bu \u2013 ish o\u2018rni uchun ham, oziq-ovqat uchun ham qo\u2018shimcha zaxira.<\/p>\n
Shu bois kanal va kollektorlar, tabiiy ko\u2018l va daryolar oldidagi yerlarni hujjatlashtirib, aholiga eksportbop ekinlar uchun berish vazifasi qo\u2018yildi.<\/p>\n
Yo\u2018l xo\u2018jaligida muayyan ichki yo\u2018llar va unga tutash yerlarda hujjat yo\u2018q. Masalan, Qoraqalpog\u2018iston va Xorazmda ichki yo\u2018llar chegarasini belgilash vaqtida auksionga chiqarsa bo\u2018ladigan 2 ming 700 dan ziyod bo\u2018sh yer uchastkasi aniqlangan. Shu bois kelgusi yil \u201cTashabbusli budjet\u201d va \u201cMening yo\u2018lim\u201d loyihalari doirasida ichki yo\u2018llarning kadastr hujjatini tayyorlash ham nazarda tutiladi.<\/p>\n
Yig\u2018ilishda yerlardan samarali foydalanish masalasi atroflicha tahlil qilindi.<\/p>\n
Qanchalik qiyin bo\u2018lmasin, oxirgi besh yilda qishloq xo\u2018jaligidan 42,5 ming gektarni qisqartirib, aholi punktlari va sanoat yerlari toifasiga o\u2018tkazildi. Lekin viloyat, tuman va shahar hokimlari ulardan samarali foydalana olmayapti. Xususan, 100 ta tumanda toifasi o\u2018zgargan 17,5 ming gektar yer na tadbirkorga berilgan, na auksionga chiqarilgan. Sanoat zonalarida ham bo\u2018sh yerlar bor. Oqibatda milliardlab so\u2018m budjet tushumi yo\u2018qotilgan.<\/p>\n
Hokimlarga bu boradagi ishlarni jadallashtirish bo\u2018yicha qat\u2019iy ko\u2018rsatmalar berildi.<\/p>\n
Kadastr sohasi uchun kadrlar tayyorlash, ularning malakasini oshirish ham muhim vazifalardan. Bugungi kunda bu boradagi o\u2018qitish sifati talab darajasida emas. Ayrim fakultet va kafedralar nomiga ochilgan, o\u2018quv dasturlari zamondan orqada qolgan.<\/p>\n
Shu bois ularda zamonaviy laboratoriyalar tashkil qilish, yangi o\u2018quv adabiyotlari va xorijdan malakali mutaxassislar olib kelish zarurligi ta\u2019kidlandi.<\/p>\n
Yig\u2018ilish yakunida vazirlik, hokimlik va idoralardagi ijro intizomi holatiga to\u2018xtalib o\u2018tildi.<\/p>\n
\u2013 Yangi O\u2018zbekistonni barpo etish yo\u2018lida juda katta islohotlarni amalga oshirayapmiz. Hech bir soha e\u2019tibordan chetda qolayotgani yo\u2018q. Lekin, islohotlar \u201cqog\u2018ozda\u201d qolib ketmasligi kerak. Vazirlik va tarmoq rahbarlari, hokimlar joylarda ularning ijrosini so\u2018zsiz ta\u2019minlashi shart, \u2013 dedi Prezident.<\/p>\n
Ayrim rahbarlar raqam ortidan quvib, sifat, samaradorlik va talabchanlikni susaytirgani ko\u2018rsatib o\u2018tildi. Ijro intizomini ta\u2019minlash, barcha dastur, \u201cyo\u2018l xaritasi\u201d va loyihalarni o\u2018z muddatida bajarish lozimligi qat\u2019iy ta\u2019kidlandi.<\/p>\n
Yig\u2018ilishda muhokama qilingan masalalar yuzasidan mutasaddilarning axboroti tinglandi.<\/p>\n","protected":false},"excerpt":{"rendered":"
Prezident Shavkat Mirziyoyev raisligida 21-noyabr kuni yer resurslaridan oqilona foydalanish, yer hisobini yuritish hamda kadastr xizmatlarining sifatini yaxshilash masalalari yuzasidan videoselektor yig\u2018ilishi o\u2018tkazildi. Hududlardagi iqtisodiy o\u2018sish, oziq-ovqat xavfsizligi, ish o\u2018rinlari va investitsiya oqimi, avvalo, yerga bog\u2018liq. Oxirgi uch yilda raqamlashtirish hisobiga 40 million gektar yoki jami yerlarning 90 foizi kadastrda davlat ro\u2018yxatidan o\u2018tkazilgan. Shu bilan…<\/p>\n","protected":false},"author":1,"featured_media":41908,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n