Fransiya Respublikasi Prezidenti Emmanuel Makronning O\u2018zbekiston Respublikasiga\u00a0rasmiy tashrifining ishbilarmonlik dasturi doirasida Samarqand shahrida qo\u2018shma biznes forumi bo\u2018lib o\u2018tdi. Uning ishida ikki davlat rahbarlari ishtirok etdi.<\/p>\n
O\u2018zbekiston Respublikasi Prezidenti Shavkat Mirziyoyev 2022-yil noyabr oyida Fransiyaga rasmiy tashrifi davomida ham ushbu mamlakat ishbilarmon doiralarining yetakchi vakillari bilan uchrashgan. O\u2018shanda savdo-iqtisodiy va investitsiyaviy sheriklikni kengaytirish yuzasidan aniq kelishuvlarga erishilgan edi. Bugungi uchrashuv ushbu ochiq va konstruktiv muloqotning davomi bo\u2018ldi.<\/p>\n
Fransiya tomonidan tadbirda tashqi savdo, iqtisodiy jozibadorlik masalalari va xorijdagi fransuz fuqarolarining ishlari bo\u2018yicha vazir-delegat Olive Besht, iqtisodiyot, moliya, sanoat va raqamli suverenitet vaziri huzuridagi sanoat masalalari bo\u2018yicha vazir-delegat Rolan Leskyur, \u201cMEDEF International\u201d biznes uyushmasi bosh direktori Klod Imoven, Fransiya taraqqiyot agentligi bosh direktori Remi Riu qatnashdi.<\/p>\n
Bundan tashqari, tadbirda EDF, Voltalia, Total Energies, Orano, Eiffage, Veolia, SUEZ, Lactalis, Semai, Semmaris, Alstom, Airbus Helicopters, ATR, Vicat, Mobilitas, Boehringer Ingelheim, Thales, Aramine, Meridiame, Societe Generale, Natixis kabi yirik kompaniya va banklar rahbarlari ishtirok etdi.<\/p>\n
Ko\u2018hna Samarqanddagi uchrashuvni ochar ekan, davlatimiz rahbari Prezident Emmanuel Makronni va Fransiya ishbilarmon elitasi vakillarini samimiy qutladi.<\/p>\n
Oliy darajadagi faol muloqotlar tufayli savdo-iqtisodiy va investitsiyaviy hamkorlikda ijobiy sur\u2019at kuzatilayotgani mamnuniyat bilan qayd etildi.<\/p>\n
Yil boshidan o\u2018zaro savdo hajmi uch barobar, keyingi yillarda qo\u2018shma korxonalar soni to\u2018rt barobar ko\u2018paydi.<\/p>\n
To\u2018g\u2018ridan-to\u2018g\u2018ri savdo aloqalari va sanoat kooperatsiyasini yanada mustahkamlash ikki mamlakatning uzoq muddatli manfaatlariga mos ekani qayd etildi.<\/p>\n
\u2013 Bugun qadrli hamkasbim bilan nihoyatda samarali muzokaralarni o\u2018tkazdik, hamkorligimizning yangi davri boshlanayotganini alohida ta\u2019kidlashni istardim. Kelgusida o\u2018zaro munosabatlarimizni strategik sheriklik darajasiga ko\u2018tarish niyatidamiz, \u2013 dedi O\u2018zbekiston Prezidenti.<\/p>\n
Davlatimiz rahbari o\u2018z nutqida yetakchilar kelgusida savdo hajmlarini keskin oshirish, Fransiya kompaniyalarining investitsiyaviy faoliyatini faollashtirish masalalariga har tomonlama ko\u2018maklashishga kelishib olganlarini qayd etdi.<\/p>\n
Bunda qo\u2018shma loyihalarni moliyalashtirishning yangi mexanizmlari joriy qilinadi, biznes uchun yanada qulay sharoitlar yaratiladi va ishbilarmonlik tashabbuslariga har tomonlama ko\u2018maklashiladi.<\/p>\n
Bugungi kunda energetika, tog\u2018-kon sanoati, suv ta\u2019minoti, transport, qishloq xo\u2018jaligi, bank-moliya va boshqa sohalardagi hamkorlikda katta natijalarga erishilmoqda.<\/p>\n
Fransiyaning ishbilarmon doiralari bilan samarali va ochiq muloqotni kengaytirish uchun yangi samarali platformalarni yaratishga tayyorlik bildirildi.<\/p>\n
Shu ma\u2019noda, mamlakatimiz yetakchisi O\u2018zbekiston-Fransiya savdo palatasini tashkil etish bo\u2018yicha forum doirasida erishilgan kelishuvni olqishladi. Bundan tashqari, Toshkent shahrida \u201cBusiness France\u201d agentligining ofisini ochish rejalari qo\u2018llab-quvvatlandi.<\/p>\n
Fransiya hukumati, yetakchi kompaniyalari va moliya institutlari O\u2018zbekistondagi islohotlar dasturini faol qo\u2018llab-quvvatlashda davom ettirishidan manfaatdorlik bildirildi.<\/p>\n
\u2013 Bir narsani aniq aytishim mumkin \u2013 islohotlarimiz orqaga qaytmas tus oldi. Bizning bosh ustuvor maqsadimiz \u2013 kuchli fuqarolik jamiyati institutlari, zamonaviy infratuzilma va qudratli sanoatga ega bo\u2018lgan demokratik davlatni qurishdir, – dedi davlatimiz rahbari.<\/p>\n
Prezident Shavkat Mirziyoyev O\u2018zbekiston-Fransiya sherikligini kengaytirish bo\u2018yicha to\u2018rtta eng ustuvor yo\u2018nalishni ko\u2018rsatib o\u2018tdi va qator tashabbuslarni ilgari surdi.<\/p>\n
Mamlakatimiz \u201cyashil\u201d energetikadek muhim sohada strategik hamkorlikni rivojlantirishga tayyor ekani ta\u2019kidlandi. Bu borada \u201cEDF\u201d, \u201cVoltalia\u201d va \u201cTotal Energies\u201d kompaniyalari bilan yirik loyihalar boshlangan.<\/p>\n
Kooperatsiyaning yana bir muhim yo\u2018nalishi sifatida strategik xomashyo resurslarini chuqur qayta ishlash va ilg\u2018or texnologiyalar asosida sanoat mahsulotlarini ishlab chiqarish qayd etildi. Bu sohada \u201cOrano\u201d kompaniyasi bilan sheriklikni kengaytirish rejalari borligi ta\u2019kidlandi.<\/p>\n
Suv resurslaridan samarali foydalanish va zamonaviy infratuzilmani barpo etish muhim ustuvor yo\u2018nalish sifatida ko\u2018rsatib o\u2018tildi. \u201cSUEZ\u201d, \u201cEiffage\u201d va \u201cVeolia\u201d kompaniyalari bilan birgalikda yurtimiz suv ta\u2019minoti va isitish tizimlarini modernizatsiya qilish bo\u2018yicha katta ishlar olib borilayotgani ta\u2019kidlandi.<\/p>\n
Navbatdagi muhim yo\u2018nalish sifatida qishloq xo\u2018jaligida raqobatbardoshlikni oshirish va oziq-ovqat xavfsizligini ta\u2019minlashga katta e\u2019tibor qaratildi.<\/p>\n
Shu munosabat bilan mamlakatimiz hududlarida zamonaviy agrologistika majmualarini qurish bo\u2018yicha Fransiya tomonidan bilan faol hamkorlik qilinishi qo\u2018llab-quvvatlandi.<\/p>\n
O\u2018zbekiston Prezidenti biznes forumi ikki mamlakat ishbilarmonlari o\u2018rtasida amaliy muloqotni jadallashtirish hamda yangi o\u2018sish nuqtalarini belgilab olishga qaratilgani bilan ayniqsa ahamiyatli ekanini ta\u2019kidladi.<\/p>\n
\u2013\u00a0Yangi O\u2018zbekistonda ishlash uchun fransiyalik hamkorlarimizga eshiklarimiz doim ochiq ekanini, qanday foydali qo\u2018shma loyihalaringiz bo\u2018lsa, amalga oshirishga doim tayyorligimizni ta\u2019kidlamoqchiman, \u2013 dedi davlatimiz rahbari so\u2018zining yakunida.<\/p>\n
Fransiya Prezidenti Emmanuel Makron ham biznes forum ishtirokchilariga murojaat qildi. U Prezident Shavkat Mirziyoyev tomonidan amalga oshirilayotgan islohotlarni to\u2018liq qo\u2018llab-quvvatlab, ushbu siyosat tufayli ikki tomonlama investitsiyaviy hamkorlik uchun katta imkoniyatlar ochilganini qayd etdi. O\u2018zaro manfaatli sheriklikda mavjud ulkan salohiyatni yanada faol ishga solishga chaqirdi, bundan mamlakatlarimiz iqtisodiyotlari va xalqlari manfaat topishiga ishonch bildirdi.<\/p>\n
Biznes forumi yakunida energetika, metallurgiya, suv ta\u2019minoti, qishloq xo\u2018jaligi, transport va boshqa muhim sohalarda erishilgan kelishuvlar bo\u2018yicha salmoqli hujjatlar to\u2018plami imzolandi.<\/p>\n","protected":false},"excerpt":{"rendered":"
Fransiya Respublikasi Prezidenti Emmanuel Makronning O\u2018zbekiston Respublikasiga\u00a0rasmiy tashrifining ishbilarmonlik dasturi doirasida Samarqand shahrida qo\u2018shma biznes forumi bo\u2018lib o\u2018tdi. Uning ishida ikki davlat rahbarlari ishtirok etdi. O\u2018zbekiston Respublikasi Prezidenti Shavkat Mirziyoyev 2022-yil noyabr oyida Fransiyaga rasmiy tashrifi davomida ham ushbu mamlakat ishbilarmon doiralarining yetakchi vakillari bilan uchrashgan. O\u2018shanda savdo-iqtisodiy va investitsiyaviy sheriklikni kengaytirish yuzasidan aniq kelishuvlarga…<\/p>\n","protected":false},"author":1,"featured_media":40452,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n