Qarshi shahrida 25-oktabr kuni Prezident Shavkat Mirziyoyev raisligida Qashqadaryo viloyatini ijtimoiy-iqtisodiy rivojlantirish chora-tadbirlari bo\u2018yicha yig\u2018ilish o\u2018tkazildi.<\/p>\n
Dunyoda ziddiyatlar tobora kuchayib borayotgani, befarqlik, o\u2018zibo\u2018larchilik kayfiyati bilan rivojlanib bo\u2018lmasligi ta\u2019kidlandi.<\/p>\n
\u2013 Mamlakatimiz tinchligi, xalqimiz farovonligi va kelajagi uchun yangi korxonalar, yangi bozorlar, investitsiya, ish o\u2018rinlari, katta-katta tushumlar kerak. Jahon bozoridagi tebranishlar, hamkor davlatlardagi savdo cheklovlari davom etaversa, mahsulotlarni qayerga va qanday sotish kerak? Buning uchun qaysi korxonaga qanday ko\u2018mak berish zarur, \u2013 deya savollar qo\u2018ydi Shavkat Mirziyoyev.<\/p>\n
Shu nuqtai nazardan, yig\u2018ilishda asosiy e\u2019tibor sanoat, turizm, qishloq xo\u2018jaligi va tadbirkorlikni rivojlantirishga qaratildi.<\/p>\n
Masalan, Dehqonobod, Kitob va Qarshi tumanlaridagi sanoat zonalarida 100 gektar yer bo\u2018sh turibdi. Tadbirkorlar ularga 300 million dollar investitsiya kiritib, 3 ming 500 ta ish o\u2018rni yaratish tashabbusi bilan chiqqan. Shuningdek, go\u2018sht, sut va muva-sabzavotni qayta ishlash bo\u2018yicha 50 million dollarlik loyihalarni ishga tushirish imkoniyati bor.<\/p>\n
Davlat rahbari Qashqadaryo iqtisodiyoti faqatgina yirik korxonalarga qarab qolmasligi kerakligini aytdi. Viloyatda iste\u2019mol tovarlari ishlab chiqarishda o\u2018sish sur\u2019atlari respublika ko\u2018rsatkichidan 3 barobar kam. Ayniqsa, kichik biznesning sanoatdagi ulushi eng oxirgi o\u2018rinlarda.<\/p>\n
Masalan, Qashqadaryoda yiliga 150 ming tonna polietilen granulasi ishlab chiqarilsa-da, uning atigi 4 foizi viloyatning o\u2018zida qayta ishlanadi. Qamashida sement, gips va marmar, Shahrisabz tumanida grafit, Yakkabog\u2018da kvars qumi, Chiroqchida marganes, Kitobda dolomit va chinni konlari negizida ko\u2018p mahsulotlar ishlab chiqarish mumkin.<\/p>\n
Viloyatda yilning to\u2018rt mavsumida ham turistlarni jalb qilish salohiyati bor. Lekin, bu hozir Shahrisabz shahri va tog\u2018li tumanlar bilan chegaralangan. Yil boshidan beri Qashqadaryoga 180 ming nafar xorijiy sayyoh kelgani holda, qo\u2018shni Samarqand va Buxoroga 3,5 million kelgan.<\/p>\n
Davlatimiz rahbari qulay infratuzilma yaratib, turistlarni ko\u2018paytirish yo\u2018llarini ko\u2018rsatib o\u2018tdi.<\/p>\n
Xususan, germaniyalik hamkorlar bilan Shahrisabz tumanidagi 3 ta turizm mahallasi master-rejasi tayyorlangan. Bunda 450 million dollar qo\u2018shimcha investitsiya va yiliga 1 million sayyoh jalb etadigan infratuzilma yaratiladi. Arxitektura yechimlari qo\u2018llangani uchun tadbirkorlarda sohaga ishtiyoq kuchaydi. Buning hisobidan Shahrisabzning o\u2018zida yiliga qo\u2018shimcha 500 milliard so\u2018m tushum kutilayapti, 5 mingta yangi doimiy ish o\u2018rni paydo bo\u2018layapti.<\/p>\n
Shu maqsadda Shahrisabz aeroportida fuqaro aviatsiyasi yo\u2018lga qo\u2018yiladi. 1 yanvardan boshlab, u yerdan Samarqand, Buxoro, Xorazm va vodiy viloyatlariga mahalliy reyslar ko\u2018paytiriladi. Toshkent \u2013 Qarshi yo\u2018nalishida aviareyslar haftasiga 2 martadan 7 martaga oshiriladi. Natijada aviachiptalar narxi 2 barobar arzonlashishi, xorijiy va mahalliy sayyohlar 3 barobar ko\u2018payishi mo\u2018ljallangan.<\/p>\n
Shuningdek, viloyatga avtotransportda kelishni qulaylashtirish maqsadida \u201cTaxtaqoracha\u201d dovonidan o\u2018tish talablari yengillashtiriladi. Kelgusi yilda dovonda yangi tonnel va yo\u2018l qurish loyihasi boshlanadi. Samarqand bilan Shahrisabzni bog\u2018lovchi 30 kilometr yo\u2018l hamda G\u2018uzor \u2013 Buxoro yo\u2018lining 100 kilometr qismi ta\u2019mirlanadi.<\/p>\n
Umuman, kelgusi yilda xorijiy sayyohlarni 500 mingtaga yetkazish vazifasi qo\u2018yildi.<\/p>\n
Qishloq xo\u2018jaligida ham salohiyat katta. Qashqadaryo respublikada eng ko\u2018p don va paxta yetkazib beradi. Lekin viloyatda ish o\u2018rnini ko\u2018p yaratadigan mato to\u2018qish 30 foizdan oshmaydi, matoni bo\u2018yash yo\u2018lga qo\u2018yilmagan. Vaholanki, buning hisobidan qo\u2018shimcha 60 ming yoshlar va ayollarni band qilib, 500 milliard so\u2018m tushumni ta\u2019minlash mumkin.<\/p>\n
Shu bois kelgusi yilda viloyatda 370 million dollarlik 33 ta yirik loyiha ishga tushiriladi. Bu orqali tayyor trikotaj mahsulot ishlab chiqarish 1,6 barobar, mato ishlab chiqarish 3,1 barobar oshib, 8 mingta ish o\u2018rni yaratiladi.<\/p>\n
Viloyatda To\u2018qimachilik texnoparkini tashkil qilish va u yerga Yevropaning taniqli brendlarini olib kelish zarurligi qayd etildi.<\/p>\n
Viloyatda 1,4 million gektar yaylov bor. Bu \u2013 7 million bosh qoramol va quy-echki uchun tabiiy ozuqa bazasi. Lekin Mirishkor, Muborak va Nishonda 20 foiz yaylov degradatsiyaga uchragan, yana 25 foizida maysa yo\u2018q.<\/p>\n
Shu bois, kelgusi yilda 100 ming gektar yaylovni yashil ekinlar bilan qoplash dasturi amalga oshirilishi aytildi. Bunda qurg\u2018oqchilik, issiq va cho\u2018llanishga qarshi urug\u2018chilik xo\u2018jaliklari tashkil qilinadi, meva-sabzavot va dorivor o\u2018simliklar ekiladi, daraxtzorlar barpo qilinadi, suv tejovchi texnologiyalar joriy etiladi. Quyosh energiyasida ishlaydigan nasoslar o\u2018rnatilib, yomg\u2018irlatib sug\u2018orish pilot loyihasi ishga tushiriladi.<\/p>\n
Bundan tashqari, Chorva mollari genetik tadqiqoti laboratoriyasi tashkil qilinib, Ispaniyaning \u201cAssaf\u201d qo\u2018ylaridan yangi milliy zotlar ko\u2018paytiriladi.<\/p>\n
Mutasaddilarga 1,4 million gektar yaylovning elektron xaritasini yaratish va 100 ming aholini band qilish bo\u2018yicha topshiriqlar berildi.<\/p>\n
Prezident ekinlarni suv bilan ta\u2019minlash masalasi yildan yilga qiyinlashib borayotganiga to\u2018xtaldi. Bu muammo Qashqadaryo uchun ayniqsa dolzarb. Lekin suv tejovchi texnologiyalar 515 ming gektardan atigi 16 foizida joriy qilingan.<\/p>\n
Shu bois, viloyatga 15 ta lazerli tekislash texnikasi olib kelinib, suv ta\u2019minoti og\u2018ir Koson, Mirishkor, Kasbi va Nishonda dehqonlarga arzon va sifatli xizmat ko\u2018rsatish yo\u2018lga qo\u2018yiladi.<\/p>\n
Sug\u2018orish tarmog\u2018ini bosqichma-bosqich yopiq tizimga o\u2018tkazib, 30 foiz suvni tejash mumkinligi ko\u2018rsatib o\u2018tildi. Mutasaddilarga kanallarni betonlash, qo\u2018shimcha nasos va texnika olish, \u201cPaxtaobod\u201d kanalini modernizatsiya qilish bo\u2018yicha ko\u2018rsatmalar berildi.<\/p>\n
Yoshlar bilan ishlash masalasiga alohida e\u2019tibor qaratildi. Viloyatda elektrotexnika, oziq-ovqat va qurilish materiallari kabi sohalar uchun kadrlar tayyorlash yaxshi yo\u2018lga qo\u2018yilmagani ko\u2018rsatib o\u2018tildi. Masalan, Qarshi shahridan tashqari boshqa birorta tumanda IT markazlar faoliyati yo\u2018lga qo\u2018yilmagan. Vaholanki, 60 ta kollejning bo\u2018sh turgan maydonlarida ham ishlab chiqarish, ham amaliy ta\u2019limni yo\u2018lga qo\u2018ysa bo\u2018ladi.<\/p>\n
Prezident kitoblik tadbirkorning IT klaster va universitet ochish tashabbusini ma\u2019qulladi.<\/p>\n
Viloyat va tuman hokimlariga har bir tumandagi ish beruvchilarning o\u2018rta bo\u2018g\u2018in mutaxassislariga ehtiyojini aniqlash, ta\u2019lim muassasalarida ish beruvchilarning amaliy ustaxonasi va sexlarini ochish topshirildi. Bu ishlarga 30 milliard so\u2018m ajratiladi.<\/p>\n
Voha aholisining 42 foizida ortiqcha vazn muammosi sabab yurak qon-tomir va qandli diabet kasalligi ko\u2018paygani qayd etildi. Prezident bu holatdan tashvish bildirib, sog\u2018lom turmush tarzi targ\u2018ibotini kuchaytirish va viloyatda sog\u2018liqni saqlash tizimi salohiyatini oshirish zarurligini ta\u2019kidladi.<\/p>\n
Shuningdek, rossiyalik hamkorlar bilan Kitobda zamonaviy kardiologiya markazini barpo etiladi. Mobil poliklinikalar xizmati yo\u2018lga qo\u2018yiladi, viloyat ko\u2018p tarmoqli tibbiyot markazi negizida 600 o\u2018rinli zamonaviy klinika tashkil qilinadi.<\/p>\n
Qashqadaryo viloti hokimi M.Azimov kelgusi yilda 1 milliard dollar investitsiya olib kelib, sanoatda 40 trillion so\u2018m mahsulot ishlab chiqarish, 500 million dollar eksportni amalga oshirib, 200 million dollar importni qisqartirish, 500 ming xorijiy sayyoh jalb qilib, 550 ming aholi bandligini ta\u2019minlash bo\u2018yicha rejalarini ma\u2019lum qildi.<\/p>\n
Yig\u2018ilishda ko\u2018tarilgan har bir masala bo\u2018yicha vazirlar va hokimlar tengma-teng hisobot berdi.<\/p>\n
Shu bilan Qashqadaryoga tashrif yakunlandi, davlatimiz rahbari Toshkentga qaytib keldi.<\/p>\n","protected":false},"excerpt":{"rendered":"
Qarshi shahrida 25-oktabr kuni Prezident Shavkat Mirziyoyev raisligida Qashqadaryo viloyatini ijtimoiy-iqtisodiy rivojlantirish chora-tadbirlari bo\u2018yicha yig\u2018ilish o\u2018tkazildi. Dunyoda ziddiyatlar tobora kuchayib borayotgani, befarqlik, o\u2018zibo\u2018larchilik kayfiyati bilan rivojlanib bo\u2018lmasligi ta\u2019kidlandi. \u2013 Mamlakatimiz tinchligi, xalqimiz farovonligi va kelajagi uchun yangi korxonalar, yangi bozorlar, investitsiya, ish o\u2018rinlari, katta-katta tushumlar kerak. Jahon bozoridagi tebranishlar, hamkor davlatlardagi savdo cheklovlari davom etaversa,…<\/p>\n","protected":false},"author":1,"featured_media":39958,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n