Shahidlar xotirasi xiyobonida qatag\u2018on qurbonlarini yod etish marosimi bo\u2018ldi. Marosimda Prezident Shavkat Mirziyoyev ishtirok etdi.<\/p>\n
Qur\u2019on tilovat etilib, o\u2018tganlar haqiga duo qilindi. Elga osh tortildi.<\/p>\n
Mustaqillik kunlarida millatimiz oydinlari xotirasini e\u2019zozlash, xizmatlarini eslash yaxshi an\u2019ana. Chunki ular xalqimiz ozodligi uchun, bugungidek emin-erkin kunlar uchun intilgan edi. Bu sana Vatanga fidoyilik unutilmasligini, hamisha qadrlanishini anglatadi.<\/p>\n
Mustabid tuzum davrida yurtimizda ming-minglab odamlar qatag\u2018onga uchragan. Oilalari xonavayron bo\u2018lib, bolalari yetim qolgan. Birgina 1937-38-yillardagi katta qirg\u2018in davrida 7 mingga yaqin vatandoshimiz otilgan.<\/p>\n
Hozirgi xiyobon shunday qatllar ijro etiladigan mudhish joy bo\u2018lgan. Mustaqillik yillarida u obod maskanga aylantirildi. Bu yerda \u201cQatag\u2018on qurbonlari xotirasi\u201d muzeyi, Qoraqalpog\u2018iston Respublikasi va viloyatlarda uning filiallari tashkil etildi. Ayni paytda muzeyda Turkiston ma\u2019rifatparvarlariga bag\u2018ishlangan ko\u2018rgazma ochilgan.<\/p>\n
Xiyobondagi ramziy qabr yonida ham Qur\u2019on tilovat qilindi.<\/p>\n
– Har safar bu yerga kelib, xalqimiz ozodligi yo\u2018lida qurbon bo\u2018lgan jasur bobolarimizni eslab, ko\u2018nglimiz taskin topadi. Ularni xotirlash, ezgu ishlarini davom ettirish biz uchun ham qarz, ham farz. Qatag\u2018on qilingan yetakchilarimizning taqdiri barchamizni mustaqilligimizni qadrlashga, uni asrab-avaylashga undaydi. Mana shunday mustaqillikda, tinchlikda yashashning o\u2018zi Alloh taoloning katta marhamati, ne\u2019mati. Buning uchun shukronalik bilan, uning qadriga yetish kerak, – dedi Prezident.<\/p>\n
1937-53-yillarda O\u2018zbekistonda\u00a0100 ming odam qatag\u2018onga uchragani, ularning 13 ming nafari otib tashlangani yana bir bor yodga olindi. Afsuski, tazyiqlar bu bilan cheklanib qolmagan.<\/p>\n
O\u2018tgan asrning 80-yillarida ham minglab yurtdoshlarimiz adolatsizlik qurboni bo\u2018lgan. \u201cPaxta ishi\u201d, \u201co\u2018zbek ishi\u201d degan soxta ayblovlar bilan respublikamiz bo\u2018yicha 40 ming kishi tergov qilingan, 5 ming nafari jinoiy javobgarlikka tortilgan.<\/p>\n
Davlatimiz rahbari O\u2018zbekistonga yigirma besh yil rahbarlik qilgan, o\u2018zbek xalqining buyuk farzandi Sharof Rashidov ham o\u2018limidan keyin siyosiy qatag\u2018onga uchragani alamli ekanini aytdi.<\/p>\n
Jadid bobolarimiz hayotini o\u2018rganish, nohaq qatag\u2018onga uchragan insonlar xotirasini abadiylashtirish bo\u2018yicha xayrli ishlar qilinayotgani ta\u2019kidlandi.<\/p>\n
– Bu borada adolatni tiklash bo\u2018yicha ko\u2018p ishlar qilyapmiz. Tarixchi olimlar ishtirokida komissiyalar tuzildi, arxiv hujjatlari o\u2018rganilayapti. Oxirgi ikki yilda O\u2018zbekiston Oliy sudi 850 nafardan ziyod, bu yil 240 nafar ana shunday jabrdiyda vatandoshlarimizning nomini oqladi. Bunday izlanishlarni hech qachon to\u2018xtatmasligimiz kerak. Negaki haqiqatni xalqimiz bilishi kerak, – dedi Shavkat Mirziyoyev.<\/p>\n
Bu davrga oid tarix yangi topilayotgan hujjatlar va ashyolar bilan boyib bormoqda. Qoraqalpog\u2018iston Respublikasi, viloyatlar va Toshkent shahri bo\u2018yicha \u201cXotira\u201d kitoblari tayyorlandi. Ularga 40 mingga yaqin vatandoshimiz to\u2018g\u2018risidagi ma\u2019lumotlar kiritildi. Bu to\u2018plamlar yaqin vaqt ichida chop etiladi.<\/p>\n
Prezidentimiz shular bilan birga qatag\u2018on qurbonlari yashagan mahallalarda ularning nomlari, faoliyatini muhrlab qo\u2018yish zarurligini ta\u2019kidladi.<\/p>\n
\u2013 Muzeylar qildik, kitoblar chiqayapti, ko\u2018pchiligi oqlanyapti. Lekin shu bilan unutilishi kerak emas. Mening nazarimda, qatag\u2018on qurbonlari tug\u2018ilib o\u2018sgan yoki bugun avlodlari yashayotgan mahallada, o\u2018sha yerdagi maktabda ularning nomlarini yozib qo\u2018ysak, ham savobli, ham ibratli ish bo\u2018lardi. Qolaversa, mana shunday bayramlarda, xotira kunlarida xonadonlarini ziyorat qilish kerak. Nega urush qatnashchilarini uyiga boramizu, qatag\u2018on qurbonlarini eslamaymiz?! Ularning har birining hayoti \u2013 qahramonlik. Biz buni o\u2018rganib, tashviqot qilib, yoshlarimizga yetkazishimiz kerak, \u2013 dedi davlatimiz rahbari.<\/p>\n
Mutasaddilarga jadid bobolarimiz tarixini o\u2018rganayotgan tadqoqotchilarga maqsadli grantlar ajratish, ular haqida hujjatli va badiiy filmlar olish, matbuot va internet nashrlarda materiallar chop etish bo\u2018yicha ko\u2018rsatmalar berildi.<\/p>\n
\u2013 Xalqimiz u davrni yaxshi bilishi, faxrlanishi kerak. Yoshlar \u201cBizning bobolarimiz istiqlol orzusida kurashgan, o\u2018zini ayamagan, biz mustaqillik uchun nima qilayapmiz\u201d deb o\u2018ziga savol berishi zarur. Mustaqillikning mustahkam zamini nima o\u2018zi? Avvalo, vatanparvarlik, bilim, ma\u2019naviyat. Jamiyatimizda ana shunday vatanparvarlik ruhini, shukronalik ruhini kuchaytirishimiz kerak, \u2013 deya ta\u2019kidladi Prezident.<\/p>\n","protected":false},"excerpt":{"rendered":"
Shahidlar xotirasi xiyobonida qatag\u2018on qurbonlarini yod etish marosimi bo\u2018ldi. Marosimda Prezident Shavkat Mirziyoyev ishtirok etdi. Qur\u2019on tilovat etilib, o\u2018tganlar haqiga duo qilindi. Elga osh tortildi. Mustaqillik kunlarida millatimiz oydinlari xotirasini e\u2019zozlash, xizmatlarini eslash yaxshi an\u2019ana. Chunki ular xalqimiz ozodligi uchun, bugungidek emin-erkin kunlar uchun intilgan edi. Bu sana Vatanga fidoyilik unutilmasligini, hamisha qadrlanishini anglatadi. Mustabid…<\/p>\n","protected":false},"author":1,"featured_media":35804,"comment_status":"closed","ping_status":"closed","sticky":false,"template":"","format":"standard","meta":{"jetpack_publicize_message":"","jetpack_is_tweetstorm":false,"jetpack_publicize_feature_enabled":true},"categories":[104],"tags":[],"jetpack_publicize_connections":[],"yoast_head":"\n