O\u2018ziga zarur sifatga ega bo\u2018lmagan tovar sotilgan xaridor, agar nuqsonlar sotuvchi tomonidan aytilmagan bo\u2018lsa, o\u2018zining tanlashiga ko\u2018ra sotuvchidan (oziq-ovqat tovarlariga nisbatan xaridor xarid qilingandan keyin 24 soat mobaynida bunday huquqqa ega bo\u2018ladi):
\naynan shunday markadagi (model, artikuldagi) tovarga almashtirishni;
\nxarid narxini tegishli ravishda qayta hisob-kitob qilgan holda boshqa marka (model, artikul)dagi aynan shunday tovarga almashtirishni;
\nxarid narxi mutanosib ravishda kamaytirilishini;
\ntovarning nuqsonlari darhol bepul bartaraf etilishini;
\ntovarning nuqsonlarini bartaraf etish xarajatlari qoplanishini talab etishga haqlidir.
\nBunda xaridor zarur sifatga ega bo\u2018lmagan tovar sotilganligi oqibatida o\u2018ziga yetkazilgan zarar to\u2018liq qoplanishini talab qilishga haqlidir.
\nXossalari bartaraf etib bo\u2018linmaydigan tovarning nuqsonlari aniqlangan taqdirda (pardoz-andoz buyumlari, maishiy kimyo tovarlari va boshqa tovarlar), xaridor o\u2018zining tanlashi bo\u2018yicha bunday tovarni zarur sifatga ega bo\u2018lgan tovar bilan almashtirishni yoxud xarid narxi mutanosib ravishda kamaytirilishini talab qilishga haqlidir.
\nKo\u2018rsatib o\u2018tilgan talablarni taqdim etish o\u2018rniga, xaridor sotib olingan tovarni rad etishga va tovar uchun to\u2018langan pul summasi qaytarilishini talab qilishga haqlidir.
\nZarur sifatga ega bo\u2018lmagan tovarni almashtirish yoki qaytarishda, xaridor o\u2018zi sotib olgan zarur sifatga ega bo\u2018lmagan tovarni sotuvchining hisobidan qaytarishi kerak.
\nTovar uchun to\u2018langan pul summasini xaridorga qaytarishda sotuvchi tovardan to\u2018liq yoki qisman foydalanilganligi, uning tovar ko\u2018rinishi yo\u2018qolganligi yoki boshqa shunga o\u2018xshash holatlar tufayli tovarning qiymati pasaygan summani xaridordan ushlab qolishga haqli emas.<\/p>\n